رحلة فى أعماق الحياه الهنداوية ( عمى هنداوى )

رحله فى أعماق الحياه الهنداويه
يحاكيها لكم الشاعر / رضاتوفيق
عمى هنداوى

عمـــــــــــى هنداوى نشيط *** كـــــل يوم بيفـــــــــذ بدرى
الغنم ماشيـــــــــــــــه وراه *** والحمار قدامــــــــــه يجرى
عمـــــــــــى هنداوى الحياه *** كلها ساهلــــــــه وبسيطــه
وإيلىيشكــــــــى من الحياه *** راح يقول دى ناس عبيطــه
عمـــــــى هنداوى دا جارنا *** عمــــــــــرى ما شفته حزين
رغـــــــــــــم عيشته المرار *** والأدين منعاصـــــــــة طين
عمــــــــــــى هنداوى الحياه *** هى علفــــــــــــــه للحمـــــار
هى أكلة لحمـــــــــة حلــــوه *** يوم أكلهـــــــــــا فى أى دار
هى تسويقه رخيصــــــــــــة *** لما يبقـــــــــــــى السعر نار
هى تلحيسة محــــــــــــــارة *** لو ظهـــــــــر شق فى جدار
هىبسمــــــــه لو خفيفــــة *** لما يبدأ فى الهــــــــــــــــزار
عمـــــــــى هنداوى الحياه *** لما راح جاب التقـــــــــاوى
لمـــــــــــــــــا روى الأرض ريه *** بعد ما بدر الكيمــــــــــــاوى
لمـــــــا ساب المكنة دايرة *** وإندمج يسمع حكــــــــاوى
لما صاد قرمـــــــــوط كبير *** كان بيجرى فى القنــــاوى
لمـــــــا راح يخطب لأبنــه *** والحريم تنشد عنــــــــاوى
لمـــــــا راح م البنك يقبض *** عدا من جنب القهـــــــاوى
طبعه هادى ودبلــــوماسى *** عنده نظره للأمــــــــــــــور
لما يحتاجلك فى حاجــــــه *** يبتسم ذى الزهـــــــــــــــور
منغمس ويا البساطــــــــه *** عمر ما جالــــــــــــه غرور
عمــــــــى هنداوى الامير *** الكــــــــــــــلام عنده شويه
نادره لو يرمى الســــــلام *** ولا يبدأ بالتحـــــــــــــــــيه
ولا يبدأ بالكــــــــــــــــــلام *** لو هـ تديلـــــــــــــه مهيــه
السكوت أحسن كــــــــــلام *** فى الأمــــــــــــور الدنيويه
عمى هنداوى مشاكلـــــه *** لما انطرفت عنيــــــــــــــه
لماجه يولــــــــــــــد حليه *** وإبنها مات بين إديـــــــــــه
لما قص الجدى الاسمـــر *** والغنم داست عليـــــــــــــه
لما تاه منجـــــــل من إيده *** جه يدور مش لاقيــــــــــــه
لما ضاعــــــــت منه مرة *** عواقه ومعاهـــــــــــا فاس
لما كان فى الارض يعزق *** وانقطـــــــــــع حبل اللباس
لمـــــــــــــا طارت الطقيه *** جابــــت الراس ع الاساس
لما راح مشوار يهمـــــــه *** بس مش لاقـــــــى المداس
عنده هــــى مش ع تفرق *** بين مبـــــــــــارك أو أوباما
كله فى الآخر بيدبــــــــــح *** فى الغــــــــــــــلابه واليتاما
ده رفيـــــــــــع أو نحيف *** أو بكرش ولحمــــــه يامـــا
واحد أسمر واحـــد أبيض *** مش ع تفــــــرق فى العلاما
يعنى أيه ديمقراطيــــــــه *** هـــــــى كلمــــــــــه م الكلام
يعنى أيه الدبلوماســـــــى *** حد عايش فـــــــــــى انسجام
وحدة الامــــــــه العربيه *** أحلــــــى شيء حسن الختام
نفسى أعيش زيه ساعات *** فى الحياه من غير همــــــوم
نفسه زيه أبقـــــــى بسيط *** حتى فى لبس الهـــــــــــــدوم
نفســـى أغرف فى الطبيخ *** حتى لو كان فيـــــــه سمــوم
نفسى أدوس ع الأرض حافى *** وأبقى حـــــــــــر بدون رسوم
نفســــــــى أقيل تحت شجرة *** وأحلــــــــم إنىمسك النجوم
نفسى أحفلط فى الجســــــور *** أو أخبط بالقــــــــــــــــــــدوم
نفسى أضحك ضحكه صافيه *** تبقى خاليه من الهمـــــــــــوم
نفسى أقول ع الكوسه باميه *** وأبقــــــــــــى جاهل فى العلوم
نفسى أنســـــــى إيلى بيحصل *** للشعوب الاسلاميـــــــــــــــــه
نفسى أنســــــى إيلى إحنا فيه *** من حروب الصهيونيــــــــــــــه
وأمحــــــــــــى صوره للمجازر *** بالأيادى العدوانيــــــــــــــــــــه
نفسى أنســــــــــى كل حاجه *** شفتهـــــــــــــــــا فى الدنيا ديه
نفسى أنام ع القش حــــــــر *** مش مهــــــــــــــــــــــم البطنيه
بالشخير أعزف موسيقــــى *** تجمع الدبان عليــــــــــــــــــــــه
نفسى أهـــــــرب م القميص *** وأبقــــــــــى حـــــــــر فى جلبيه
نفسى أرحـرح فى السديرى *** نفســــــــــــــى أشخط فى الوليه
وأمــا أشوف ع الأرض مزه *** أنبسط وأعوج طقيــــــــــــــــــه
نفسى أعيش لو مره واحده *** فى الحيــــــاه الهنداويــــــــــــه

الحياه العامه فى شكل عم هنداوى

الزجال الجميل

رضا توفيق

زجليه وبها الجمال . وعم هنداوى الرجل المصرى

بكل همومه . وجماله وطيبته ..

مودتى وتحيتى ...

الشاعر الجميل رضا توفيق

زجليه جميله جمعت

كل مايور حولنا فيها

احييك ايها الرائع على هذا الابداع الراقى

دمت بحب

» أصل الحياه
» هيّه الحياه كده
» ذكري الحياه !!!!
» لون الحياه والتعمير
» رباعيات من الحياه