لون الحياه والتعمير

الحياه بقها لونها ماسخ
والعلم فيها راسخ
والكتابه بقت اله ناسخ

والبيوت اتهدمت
وارواحنا اتعدمت
واجسادنا ادردمت

والعيش بقى بالطبور
والشعر بقى بحور
الكل بيلف ويدور

اخرتنا انسان مسطول
مش عارفين الغول
والايام بنقضيها بالطول

الكل بقى مندور
بيزرع الشر
بدل السرور

اخرتنا نبقى سكرنين
وسط الناس تايهين
وبالامراض عاينين
بنشكى لسه من الم السنين
ومن قله الاكل جعانين
الكل نسى الحنين
الكل اتباع من زمان
محدش عارف هو ف اى مكان
الكل بقى زى الحطان
ال عايز يكسر الجدران

ياجى علينا ويضرب فينا
لحد ما زهقنا
ولما يوم فقنا
طلعونا سرقنا

صحيح الحياه بتوجع
لكن حنكمل سكتنا
مهما كلف اخذ حجتنا
بقينا مقيدين

بعد ما كنا احرار
جوه ناس تنين سكنوا الدار
ده دارنا وال دار مين
وال ده اخرت المشوار
بعد تعب سنين
حنسكن تانى ف غار
تعبنا بجد ويبقى حرام
لما كلنا نغيب ونسيب
الدار لسه مولع نار

احنا راجعين نطفيها
لكن بعد العذاب والمرار
مش عايزين نسكن فيها
وال نشوفها ليل نهار
بعد ما كانت سند لينا
دلوقتى مش طيقينها
وبنسئل ونقول فينها
كاننا ضيعنا الدار

احنا ال تايهين مش الدار
وال انت ترضى بعد عذاب سنين
والمرار

بانك تروح غار او ف اى كهف
يدريك
ويبقى تعالى ونشوف مين يوريك
بالحقيقه ال قالها الديك
بان ال فيك حيفضل فيك

امتا نفوق ونهتدى
ومن طريق البناء نبتدى
علشان احنا خلاص حنمشى ف السكه دى

اخيكم الشاعر
محمد على

هو لون الجمال لمصر إن شاء الله
نورت المنتدى أستاذ محمد
و إن شاء الله يطيب لك المقام هنا

اخى واستاذى وحبيبى ف الله
شاعرنا الجميل الاستاذ
عاطف الجندى انا حابب
انى اكتب شعر ولو اخرف ف الكلام
انا مش عايز شهره او جاه او مال
انا عايز بكلامى لو فيه اقتناع وتغير
ارجو من الشعب والناس تعمل بيه
شكرا لترحيبك بي وهذا يدل ع حسن زوقك
تحياتى لك وللجميع

اختى ف الله الاخت مصريه
اخوكى المصرى يقول هذا نورك
وشكرا لكلامك الرقيق معى
تحياتى لكى

الاخ الستاذ محمد
أهلا و سهلا و نورت المكان
أسلوبك جميل
لكن ربما كان للنقاد رأى فى مسألة وزنه
هذا رأيي
شكرا لك

مرحبا بالشاعر الجديد

دام الابداع

مرحبا بك يا شاعر يا جميل

بإذن الله أعمالك تتقدم و تصبح أجود فنيا مع الوقت

فكرك راقي و كلماتك و أسلوبك حلو جدا

مرحبابك

شكرا لكم اخوتى
ع الترحيب بى
احبكم ف الله
اخيكم محمد على