نزال شعرى هل من مبارز

الشاعرة عزة الزرقانى كتب:

سِفْرُ الأحزان كتب:: لما نزلت الساحة يا فارس
لقيت الكل فـ سِكٍتُه دايس
تزعق يرجع صوتك ناعس
"الفارس ينزل ..هااااآااام .. في الميدان"

ولا تحزن ولا تحتار
مسير البسمه تملى الدار
وأرض البور ح تبقى عمار
والفارس يزرع ف الحنان

الله على طعم ردودك

لحن الامل يعزفه عودك

الدار هتعمر بوجودك

مفهاش لا يأس ولا احزان

عاطف عاشور كتب:: وانا واحد عادي صحيح وجبان
لكن ف هواكي بكــون طرزان
ونويت اتحدي جميـــع الاخوان
والفارس ينزل..... في الميدان

مين اللى قال انك عادى

سيفك قلم يحمى الوادى

يا فتوه يا عاشورالناجى

يا فارس الكلمه يا فنان

عفوا يا استاذى لعدم ذكر اللقب
ولكن مكانتك فى القلب (تلميذك رجب)

محمد طايل كتب:: وانا جى اسلم ع الماشى

وبقول لقلبى متهداشى

دا الحب جايلك مش ماشى

والفارس ينزل ف الميدان

الحب فارس له دوله

على قلوبنا بيستولى

واحنا لا قوه ولا حوله

والفارس ينزل فى الميدان

محمود جمعة كتب:: صبحاكو ورد يا أصحابي

حنازلكو ما نتم أحبابي

والحلوة بخدود عنابي

والفارس ينزل ف الميدان

نازلنا يا اعز الاصحاب

ياللى القلم من شعرك داب

احى الامل فى قلوب لحباب

والفارس ينزل فى الميدان

بسمة الورد كتب:: وانا جاية اشارك على قدى
بكلام كتير كله وردى
قلبى يحاكى و ما يهدى
والفارس ينزل ف الميدان

مشاركتك ليها قيمه عاليه

يا بسمة الورد يا غاليه

يا احلى من نانسى وداليا

والفارس ينزل فى الميدان

أميرة البدرى كتب:

محمود جمعة كتب:: يا أميرة الشعر وعجباني

زلزالك حيخاف بركاني

ويقول انا مقدرش أنساني

والفارس ينزل في الميدان

ان كنت بركان ف انا إعصار

وحروف قصايدى تولع نار

تحرق وتلسع ف الغدار

والفارس ينزل ف الميدان

الطيب احسن اعصار ليه

تعالوا بالحب نخليه

نسيم عليل نتمتع بيه

والفارس ينزل فى الميدان

الشاعرة عزة الزرقانى كتب:

محمد البسيونى كتب:

الشاعره عزه الزرقانى كتبت :

أفهم أيه بس ياسيدى

وانت اللى حبك ف وريدى

لاتقول لى عيدى ولا زيدى

والفارس ينزل ف الميدان

مادمتى مش قابله كلامى

وناويــه تقفى قــدَّامى

ح انزل واشمَّر فى كمامى

والفارس ينزل فى الميدان

أيوة كدا حلو كلامك

وشويه وحاكون قدامك

رحب وسمعنى سلامك

والفارس ينزل ف الميدان

لا حسبى منه يا زرقانى

دا كلامه اشعار واغانى

على فكره دا اعز جيرانى

والفارس ينزل فى الميدان

دعاء العطــار كتب:

غيابي عنكو كان فارق
وبدعى المولى يجمعنا ما نتفارق
وعقل العقل في وجودكم أكيد رايق
ونادي الفارس الحاضر وقولو يجينا ع الميدان

ان غيبتى يا دعاء ف قلوبنا
انتى قمرنا وحبايبنا
ولا سبنا حرفك ولا سابنا
وانتى الجميله فى الميدان

النمر المقنع كتب:

اقتباس :

عرفاك يافارس من يومك
شهامه والخير ف قدومك
أنا مش بعاتبك ولا ألومك
والشاطر ينزل ف الميدان

انا حاسس ف كلامك تلميح
وهسيبها كده تعدي تفاريح
بلطافه وخفه تراويـــــــــح
وده سمت الفارس ف الميدان

ايوه بلمح يا الفارس
للفن وذوق بتمارس
وبقولك بسم النبى حارس
والفارس يقدر على الميدان

سِفْرُ الأحزان كتب:: محتار الفارس يكتب إيه
الحبر اتجمد مجاريه
والدمع مرقرق في عنيه
الغصة خانقاه و اتاريه
الحزن في فؤاده ماليه
إزاي ينزل في الميدان

وحياتك ابدا ولا تحزن
وف قلبك ابدا ما تخزن
وسيبها على ربك يأذن
نرجع ونشعر بالأمان

النمر المقنع كتب:

سِفْرُ الأحزان كتب:: محتار الفارس يكتب إيه
الحبر اتجمد مجاريه
والدمع مرقرق في عنيه
الغصة خانقاه و اتاريه
الحزن في فؤاده ماليه
إزاي ينزل في الميدان

الفارس لو فارس مايهاب الموت
ويكسر جواه الصمت وما يخلي سكوت
الفارس لو كان فارس يتكلم ..ولا اكرمله الموت
الفارس لو فارس يتكلم ....والفارس يتكلم ف الميدان

الفارس ديما كدا ظاهر
ولا يعرف ابدا يتظاهر
معروف وحرفه كمان باهر
والفارس طبعا كدا بيبان

رجب بكر كتب:

الشاعرة عزة الزرقانى كتب:

سِفْرُ الأحزان كتب:: لما نزلت الساحة يا فارس
لقيت الكل فـ سِكٍتُه دايس
تزعق يرجع صوتك ناعس
"الفارس ينزل ..هااااآااام .. في الميدان"

ولا تحزن ولا تحتار
مسير البسمه تملى الدار
وأرض البور ح تبقى عمار
والفارس يزرع ف الحنان

الله على طعم ردودك

لحن الامل يعزفه عودك

الدار هتعمر بوجودك

مفهاش لا يأس ولا احزان

شوفت كلامك موزون كيف
خفيف الدم بطبع ظريف
غنى ياسيدنا عن التعريف
وانا قلبى داعيلك من زمان

أنا فارس داخل بجوادي
والكل يشاور بأيادي
يابني اتاخر م الناحيادي
ما أنا أصلي زعيم المَيْدان

كلمكم والله يشجع
وحلفت ان انا ليكو ارجع
اصلى صعيدى وواد مجدع
وعوز انازل فى الميدان
اخوكم احمد النجار

الشاعرة عزة الزرقانى كتب:

دعاء العطــار كتب:

غيابي عنكو كان فارق
وبدعى المولى يجمعنا ما نتفارق
وعقل العقل في وجودكم أكيد رايق
ونادي الفارس الحاضر وقولو يجينا ع الميدان

ان غيبتى يا دعاء ف قلوبنا
انتى قمرنا وحبايبنا
ولا سبنا حرفك ولا سابنا
وانتى الجميله فى الميدان

ده حروف كلامك ف عنيَّا
والدنيا ضحكت كده ليا
وانتى عشان غاليه عليا
راح اغامر وانزل ف الميدان

طه البراجيلي كتب:: أنا فارس داخل بجوادي
والكل يشاور بأيادي
يابني اتاخر م الناحيادي
ما أنا أصلي زعيم المَيْدان

ما بلاش غرورك ده علينا
شعرك ف قلبنا وعنينا
وان كنت مجدع هتجينا
ونشوف كلامك في الميدان

غاوى أنا وبعت الطاقية
حاوى أنا ولعبت بمية
كل طير له وليف وبنية
والغاوى ينزل فى الميدان

[quote="حمدى البابلى"]غاوى أنا وبعت الطاقية
حاوى أنا ولعبت بمية
كل طير له وليف وبنية
والغاوى ينزل فى الميدان
[/quote

كلنا غاويين بس انت اأمر
الموضوع ايه واحنا نفكر
نكتب ونألف ونصور
والقافيه ف قلب الميدان

الموضوع كبير ويطول شرحه
والكبير هنا ماسك سيفه ورمحه
يطولنى آذاه ويعمق فييه جرحه
تموت القافية ويفضل الميدان

دة الشعر كنزي وراس مالي

وسلاح قدومي وترحالي

راح ابارزه لو قالي تعالي

وحروفي نزلت في الميدان

وسقط كل الفرسان
ولم يبق الا ملك مهزوم
بلا سيف او حتى تيجان
والفارس لم يزل ف الميدان

حمدى البابلى كتب:: الموضوع كبير ويطول شرحه
والكبير هنا ماسك سيفه ورمحه
يطولنى آذاه ويعمق فييه جرحه
تموت القافية ويفضل الميدان

انا لعبتى وزن ف أشعاري
وبقول للقافيه هتحتاري
من لحن الشعر وأوتاري
وادي رمحي جوا الميدان

الشاعرة عزة الزرقانى كتب:

سِفْرُ الأحزان كتب:: محتار الفارس يكتب إيه
الحبر اتجمد مجاريه
والدمع مرقرق في عنيه
الغصة خانقاه و اتاريه
الحزن في فؤاده ماليه
إزاي ينزل في الميدان

وحياتك ابدا ولا تحزن
وف قلبك ابدا ما تخزن
وسيبها على ربك يأذن
نرجع ونشعر بالأمان

مستعجله في الحكم عليه!
لو موت الفارس يداويه
مش عارفه كانت قصته إيه؟
ما بتقريش سفر الأحزان؟

فوزية شاهين كتب:: دة الشعر كنزي وراس مالي

وسلاح قدومي وترحالي

راح ابارزه لو قالي تعالي

وحروفي نزلت في الميدان

فيه حرف عاوز يهرب مني
و انا شايله فـ عيني و النني
خبيته لبكره و مستني
تخلص أيام الأحزان

طه البراجيلي كتب:: أنا فارس داخل بجوادي
والكل يشاور بأيادي
يابني اتاخر م الناحيادي
ما أنا أصلي زعيم المَيْدان

زعيم م الاصل وعرفينك
أواعاك تفكر ناسينك
تسلم لكل محبينك
وتعالى تنور ف الميدان

» هيّا نبتسم :مساجلة،،هل من مبارز؟!عبدالوهاب موسى بيرم المصرى
» منولوج شعرى من ملفاتى القديمة
» مهرجان شعرى للاتحاد الرياضى بقنا
» آذار الاخضرار في ذكرى اخضرار الأرض...بقلم: حسان نزال