الاساس لغة المال

[center]لغة المال عند البقال
كله حلال كله حلال
فوكك يا عم من الشيال
من هنا هبدأ الكلام
رشوة ومصلحة صياعة ومطوحة
حلال وحرام ده كله كلام ملوش مكان
يا عم هلال دوام الحال من المحال وسوء الحال من الشيال
لا البقال ولا العيال عليهم عتب
اصل الشيال هو السبب
قاعد بيناضل عاملى مناضل
عمال بيجادل وكل ده باطل
مش هوه العاطل وكمان مسطول
ساكت عن حقه ويقول دى اصول
يبقى منين بيقول حمال
قسوة تقيلة زى جبال
ما تيجو نقول كلام معقول
الجبنة بايظة والتونة بايظة
ان ابيعهم تدونى جايزة
مش تهادونى كلام وشتيمة
ولما اوديكم فى مصيبة
تقولو ان انا الغلطان
ما تبطلو بقى شغل جنان
أسكت يوم تقولوا نوم
أودى فى داهية زباينى تلوم
هو أنا غلطان
لما أنام على ريش نعام
والزباين على الرمال
ده انا اللى شايل كل الليلة
امضى وأبصم كل ليلة
شايل عيالى وكفنى فى بالى
يعنى من الاخر انا مالى
بكرة امشى ويجى بعدى اللى يفكركم ببضاعتى
عيشوا بقى وبطلوا كح
وأوعوا تفكروا يوم فى الصح
بطلوا كلمة أح وبح
عيش زينا على انك صح
يبقى كله اسمه كدح
وتعمل مستقبل لعيالك
ولما يقولوا التعليم بفلوس
حضر جيبك اوعى تبوس
خليك على طول بتدوس
ع المسكين والشيال
ع الفقير والغلبان
ع الشحات والزبال
اوعاك يوم تكون زجال
انسى كل اللى بيتقال
خلى اساسك لغة المال
سيبك من كلمة شيال
ده كله حلال عند البقال
والاساس لغة المال

الشاعر محسن
سعيدة بروعة قصيدتك
اخى الشاعر
كلمات جميلة و رؤية تستحق
التقدير

متتصوريش اد ايه اسعدنى مرورك وفرحنى جدا
تسلمى بنوتة مصرية ع المرور

أخى الجميل محسن
كلمات رائعة و حس راق ٍ بكل تأكيد
بالعمل موسيقى لا نحبذها فى النثر
و العمل أقرب لشعر العامية
دمت جميلا
أخوك

الاستاذ / محسن الحارونى

كلماتك بين . بين .

وسطيه بين النثر وشعر العاميه

واشارك رأى اخى عاطف الجندى ...

مودتى وتحيتى ..

استاذ عاطف الجندى اسعدنى مرورك للغاية
ويا ريت لو حضرتك شايف كدا انقلها ليا لان انا مش عارف

استاذ عادل عوض سند لكم راق لى مرورك وبجد بشكرك على كلامك ويا ريت حضرتك او الاستاذ عاطف تنقلوها ليا لان مش عارف انقلها

محسن احمد الحارونى كتب:: استاذ عادل عوض سند لكم راق لى مرورك وبجد بشكرك على كلامك ويا ريت حضرتك او الاستاذ عاطف تنقلوها ليا لان مش عارف انقلها

اخى الاستاذ / محسن

لا .. هى مكانها واحة النثر .

ولكن نقصد من قولنا ان بها رائحة الشعر التفعيلى او العامى

لما تحتويه من قوافى .

حيث ان النثر لايرتبط بالقافيه نهائياّ .

وهذا ما نقصده ..

مودتى وتحيتى ..

» قصة المال لايحيى القلوب