كاس البعد شربته عيار..ضياء الدين البري

السلام عليكم .. مجرد رأي
كلام من قلبي

كاس البعد شربته عيار

.....

حبك ليه اتمكّن مني
وانت تمللي بتبعد عني
وبتشغلني كتير وتطوّل
يشمت فيّا إنس وجني

نفسي اطمن رغم غيابك
شايفه حنيني سابني وجالك
وانت بقالك وقت مليـّـل
ليه بيعذّب طيفي دلالك

وامّــا سألته مين وصّاك
تيجي ويهرب قلبي معاك
ومّــا بيرجع ، بالقاه عيّـل
من أحزاني بيجري وراك

أرجع انادي عليك ماتجيني
ييجي الرد يقوللي انسيني
برضه هاحاول يمكن اكمّل
صوت أوتارك سر أنيني

مهما يغيب عن قلبي هواك
ومهما بعدت وغبـت هناك
إن كان قلبك نبضه اتحول
برضه انا هاصبر واستناك

بعد دا كله ناسي تجيني
تجبر خاطر قلبي وعيني
إن مارجعتش ، هاقدر احوّل
قلبي ونبضي وكل حنيني

كاس البعد شربته عيار
بالألوان وف طعمه مرار
فجأه لقيتك ، جاي تهلل
ولقيت قلبك برضه عمار

يكفيك قلبي يترجم نبضك
أديك حبي ، وتخلف وعدك..؟
حبك جوّا فْ قلبي مشعلل
ذنبي إني أصيله فْ حبك..؟

ويّا النسمه جاتني رسالتك
قالت غنوه بنفس شقاوتك
ولْقيت طيفك حن وميـّـل
زادت عندي والله غلاوتك

لسه هاتقدر تبعد تاني..؟
وتغلـّبني وتبقي أناني..؟
مش هتلاقي قلب يدلل
روحك بيعوضها حناني

إمته تجيني تريّـح بالي
والأفراح تسهر بي ليالي
علشان قلبي نبضه يصهلل
والأيام تفرح لي ياغالي

والله الدنيا مش هاتسعني
ولاحد هايقدر يمنعني
إني أغني غنوه تجلجل
وانت بكل مافيك تسمعني

كل الناس دي هاتفرح لينا
لمّـا يبان الشوق في عنينا
هايزفـّونا واحنا نكمل
نعيش أفراحنا بكل مافينا

........

أشكركم
وللجميع تحياتي

رائع أخي
نص جميل بإيقاع سليم
ومضمون رقيق وجميل
وأنا أرى أننا لو فصلنا رباعيات النص لكانت كل رباعية منه متفردة بذاتها وجميلة
أحييك أخي

اخى الشاعر الجميل

ضياء الدين البرى

انت زجال من النوع الذى يشد القاريء

وتتسم موضوعاته بالجمال والحبكه . وهنا نص جميل

طرحاّ وموضوعاّ وموسيقاه منضبطه من اوله لآخره

نص جميل اخى ضياء احييك عليه .

وتثبل منى خالص مودتى وتقديرى ...

عبدالعزيز سمير كتب:: رائع أخي
نص جميل بإيقاع سليم
ومضمون رقيق وجميل
وأنا أرى أننا لو فصلنا رباعيات النص لكانت كل رباعية منه متفردة بذاتها وجميلة
أحييك أخي

السلام عليكم .. مجرد رأي
كلام من قلبي
الأستاذ / عبد العزيز سمير
احترامي وتقديري

وكل الشكر علي مرورك الرائع علي كلماتي
والتعليق الراقي ،

وللجميع تحياتي

الشاعر الكبير أستاذ ضياء الدين البرى

والله حضرتك مبدع رائع فعلاً

ماهذا الإبداع الراقى الذى شرفت بقراءته

وماهة الموسيقى الساحره

والإيقاع والوزن الرائع

الذى إستمتعت أذنى به

أتمنى لك دائماً دوام الروعة ف الأبداع

وتمام الصحة والعافية

عيد سعيد

نص غنائى جميل استاذ ضياء

أحييك على روعته وسلاسة كلماته

ومعنى حروفه وصياغته

دمت بكل سعادة وحب

» يااااااااااااااااأمتي....ضياء الدين البري
» من غير دليل .. ضياء الدين البري
» من غير دليل .. ضياء الدين البري
» ياريت ......ضياء الدين البري
» مـش بــإيدي .. ضياء الدين البري