جسر الندم .. للشاعر / أحمد موسى

جسر الندم
..
.
ماشيه على جسر الندم
بتجرّها الحسره ويلفّها الحرمان
فارده شعور الهمّ فوق ضهر الوجع
ومضفّره الأحزان
دمعتها أسخن م البارود
والخدّ ماتت فيه ورود حلم الصِّبا
الخطوه ساحبه الحلم نحو المنتهى
والشهقه نار .. والزفرة ويل
والاشتياق ميّـت على كفّ الندى
مين بسّ فينا اللي ابتدا ؟؟
خلّى الغرابه ف كلّ شيء
دمع التراب شقّ التُرَع
والفُحش هاجم ع الوَرَع
مين اللي خلّى الضيّ غاب جوّه التابوت ؟؟
مين اللي ساق كفّ الأذى ع الحبّ
خلّى الشوق يموت ؟؟
الأرض ليه هاجت عليكي
ورافضه تحضن خطوتك ؟؟
وانتي اللي كنتي برقّتك
يتمنّى يحضن كلّ خطوه ف مشيتك
صدر التراب
سِحّي ف دموع القهره يمكن تفهمي
إنّ الهوى له ألف باب
شيّدتي ليه صرح الجفا وعلّيتي فيه
قلبي اللي جه ولهان لحدِّك صدّتيه
سدّيتي سمعك عن تراتيل المحبّه
ومن ترانيم القصايد .. إندوَشتي
جيتلك بشوق ..
صدّيتي نبض الشوق بعند
وليّا حُشْتي
كتّرتي فوق راسي الغيوم
من صبري قلت هييجي يوم
و مسيره مهما الغيم يطول الدنيا تشتي
إيه غيّرك ؟؟
خلّاكي لغزّ وصعب جدّاً يتقرا
شوفي انتي فين .. والقلب فين
وكإنّنا من كوكبين
والأرض صعب ف يوم تضمّ المُشترى
إختارتي ليه جسر الندم بعد الأمل يصبح طريقك ؟؟
وانا كنت بعصر حبّي كاس واحرمني منّي وابلّ ريقك
خلّيكي وحدك في الطريق انا مش هموت
دا ف كلّ أرض الحبّ ساكن بين ربوعها القلب زارع فيها توت
إمشي ف طريق جرحك سنين .. مليون سنه
واستعذبي مُرّ الغُنا والحزن وقت الدندنه
وان يوم لقيتي الحلم ميّت عند أول منحنى
خليكي فاكره انّ اللي صاغ شِعرك فؤادي
وايّاكي تنسي انّ اللي زان حلمك .. أنا

..
شعر / أحمد سعيد موسى

أحمد موسى كتب:: جسر الندم
..
.
ماشيه على جسر الندم
بتجرّها الحسره ويلفّها الحرمان
فارده شعور الهمّ فوق ضهر الوجع
ومضفّره الأحزان
دمعتها أسخن م البارود
والخدّ ماتت فيه ورود حلم الصِّبا
الخطوه ساحبه الحلم نحو المنتهى
والشهقه نار .. والزفرة ويل
والاشتياق ميّـت على كفّ الندى
مين بسّ فينا اللي ابتدا ؟؟
خلّى الغرابه ف كلّ شيء
دمع التراب شقّ التُرَع
والفُحش هاجم ع الوَرَع
مين اللي خلّى الضيّ غاب جوّه التابوت ؟؟
مين اللي ساق كفّ الأذى ع الحبّ
خلّى الشوق يموت ؟؟
الأرض ليه هاجت عليكي
ورافضه تحضن خطوتك ؟؟
وانتي اللي كنتي برقّتك
يتمنّى يحضن كلّ خطوه ف مشيتك
صدر التراب
سِحّي ف دموع القهره يمكن تفهمي
إنّ الهوى له ألف باب
شيّدتي ليه صرح الجفا وعلّيتي فيه
قلبي اللي جه ولهان لحدِّك صدّتيه
سدّيتي سمعك عن تراتيل المحبّه
ومن ترانيم القصايد .. إندوَشتي
جيتلك بشوق ..
صدّيتي نبض الشوق بعند
وليّا حُشْتي
كتّرتي فوق راسي الغيوم
من صبري قلت هييجي يوم
و مسيره مهما الغيم يطول الدنيا تشتي
إيه غيّرك ؟؟
خلّاكي لغزّ وصعب جدّاً يتقرا
شوفي انتي فين .. والقلب فين
وكإنّنا من كوكبين
والأرض صعب ف يوم تضمّ المُشترى
إختارتي ليه جسر الندم بعد الأمل يصبح طريقك ؟؟
وانا كنت بعصر حبّي كاس واحرمني منّي وابلّ ريقك
خلّيكي وحدك في الطريق انا مش هموت
دا ف كلّ أرض الحبّ ساكن بين ربوعها القلب زارع فيها توت
إمشي ف طريق جرحك سنين .. مليون سنه
واستعذبي مُرّ الغُنا والحزن وقت الدندنه
وان يوم لقيتي الحلم ميّت عند أول منحنى
خليكي فاكره انّ اللي صاغ شِعرك فؤادي
وايّاكي تنسي انّ اللي زان حلمك .. أنا

..
شعر / أحمد سعيد موسى

اخى الغالى ابن بلدى الشاعر الكبير اوى
احمد سعيد موسى
مش عارف انت بتعمل فينا ليه كده يابنى من جمال وابداع كلماتك او مواضيعك
اكلمات رائعة يا احمد
مش جديد علينا ابداعك
يارب بجد تحقق الى انت بتتمناه لان خسارة شاعر جميل زيك
الدنيا كلها متسمعهوش
دمت بكل سعادة
اخوك
احمد سعد
تيمو

تثبت بواسطتى ولى عودة لرائعتك

شاعرنا الرائع أحمد موسى

دمت متفردا ورائد للكلمه

دمت بحب

أخي الرائع أحمد
أنت شاعر حقيقي و شاعر رائع
لديك لغتك الصافية و قلبك النبيل
الذى يجعل من الحزن سلما للنجاح
يا صديقي الشجرة المثمرة هى التى تقذف بالحجارة
و مع ذلك ترسل ثمارها لمن يقذفونها
دمت بخير

بتجيب صور غريبة بس جميلة اوى

تسلم الايادى

بعد ايه يا احمد ؟؟؟

بعد ما أسطعت نورها فى الفلا ؟؟؟

معلش علشان انا مهموم شويه ليه عوده لنصك الجميل

مودتى وتحيتى ..

[size=24

]الشاعر والاخ العزيز احمد موسى
ابدعت يا فنان
ويكفى
كميه الصور الرائعه
وجمال الفكره
تحياتى

ى [/size]

.
ماشيه على جسر الندم
بتجرّها الحسره ويلفّها الحرمان
فارده شعور الهمّ فوق ضهر الوجع
ومضفّره الأحزان
دمعتها أسخن م البارود
والخدّ ماتت فيه ورود حلم الصِّبا
الخطوه ساحبه الحلم نحو المنتهى
والشهقه نار .. والزفرة ويل
والاشتياق ميّـت على كفّ الندى

أخي الحبيب وشاعري المفضل الرائع أحمد موسي

هذا المقطع قمة من قمم الوصف .. من أحلي واجمل واغني ما قرات .. صورك وتعبيرات غاية في الروعة والابداع الراقي ..

القصيدة بمجملها تثبت انك شاعر كبير .. وان لي الحق في الاعجاب الكبير بابداعك ..لا أعرف كلمات توفيك حق هذة اللؤلؤة الرائعة

كل عام وانت بألف خير

دمت بهذا التالق والتوهج والابداع الراقي

وبكل خير وسعادة

خالص التقدير والاحترام والتقدير

انا كنت باعصر حبى كاس واحرمنى منى وابل ريقك
انا مش حاسيبك وحدك فى الطريق انا مش حاموت
شاعر فنان موهوب والى بنتعب فية انت بتقولة سهل
سبحان من ابدع سبحان اللة
تسلم واللة يابنى

شكرا لكل الإخوه ...سأعود لكم إن أراد الله
وإن غبت فلا تذكروني بسوء
فأنتم بالقلب

اللهم اهدنا سبلنا

أظن لايوجد سبب يجعلك تغيب .

الابن احمد

ننتظر منك ان ترضى جميع الأطراف

وتصلح ما افسده بعض المغرضون ..

عودة للجمال وشاعرنا الجميل

قالبا وقالبا أحمد موسى

دمت بحب

» بحبــــــك // للشاعر أحمد سعيد موسى
» يا ليل الصبّ / أحمد موسى
» حب وعتاب ... أحمد موسى
» أمي ... أحمد سعيد موسى
» إفهميني .. أحمد موسى