حب وعتاب ... أحمد موسى

بحلف بالنيل والطير
وبـ ابويا وأمي وخالتي
واحلف لعنيكي السود
ليكون الشعر رسالتي
همّك سرسوب منْ همّي
واكتب بحروف منْ دمّي
وفؤاد موهوب للحق
وضمير موجوع م الشقّ
ويمين بلهيب النار
غير نيلك يوم م اختار
وعليكي العمر يهون
وتجوع على جوعها بطون
مصر الأهرام والنيل
والشعب ابو طبع أصيل
ولّاده يـ أم الكون
بيعزّ عليا أنام
فـ سرير مرتبته ألام
وغطايه ملايه هباب
ويعزّ عليا كمان
تكتر فيكي الأحزاب
أحزاب بيتاجروا ف قوتنا
ويهدّوا كمان قوّتنا
عايشين بقانون الغاب
راعبينّا بويل ونياب
وسْكِتنا وإيهْ سَكِّتْنا ؟؟
ولفين هتروح سِكتنا
وسط شوية عصابات !!
عاليين بالزيف ف مناصب
والواصل فيكي الناصب
قاتلين الحلم ف حلمي
مغصوبه وليلهم غاصب
مخنوقه عشان انا (مِنّه)
من طمي النيل بتحنّى
بستنى الأزمه تعدّي
ولغاية فين هستنّى
ف النار بتقلّى وخايفه
موصلش ف يوم للجنّه
كترت فيكي الملاعين
مرصوده عليكي العين
واحلفلك ألف يْمين
غير حضنك يوم م اتمنّى
ضميني بشوق حسّيني
أنا بنتك يا امّه خديني
أنا بحلم يوم الضمّه
مشتاقه لروح اللمّه
ليه حلمي بيبقى كابوس
ليه عيني عليها الغِمّه
بتمنى أشوفك نور
ليه ضهر الخير مكسور
ليه حلمك أصبح لمبه
محروقه ف بيت مهجور
ليه عقلك فجأه اتجمّد
ليه فكرك أصبح بور
عشقاكي برغم جراحي
وبرغم الويل ونواحي
وبرغم سيول أتراحي
شيفاكي أميرة الحور
مش هقدر أبعد عنك
منا حته صغيّره منك
إتغلغلي فيّا اكمنّك
وجدان جوه الوجدان

من وحي قصيدة (( أقسمت اليمين )) للشاعرة الواعدة
منة الله محمد إرتجلت هذه القصيدة الآن على لسانها وبنفس فكرتها
لتكون هدية لها فهي منها وإليها وعسى أن تعجبها

ايه يا عم احمد الكلام الكبير دة القصيدة بتاعت احمد موسى
وكلمات احمد موسى والله عليك يا احمد تسلم ايدك

منه الله كتب:: ايه يا عم احمد الكلام الكبير دة القصيدة بتاعت احمد موسى
وكلمات احمد موسى والله عليك يا احمد تسلم ايدك

والله القصيدة دي روحك وبوحك بس أنا هعتبرها هدية منك
أدام مش عايزه تعترفي بكدا ...
وشكرا يا ستي ع التواضع دا

الله عليك يااحمد موسى

وانت بتحب المحروسه

وتعاتب فيها عشان أمك

ودمها جواه دمك

لكن ياميدو ولا يهمك

حتفضل هىَِ اللى تضمك

تحزن وتشيل من همك

جميل ارتجالك اللى دائما يجر وراه ارتجال

وشكرا لمنه صاحبة الالهام الجميل

دمت بكل حب

[center]الابن الغالى الشاعر

احمد موسى

جميل هذا التفاعل الرائع والإنصهار الفكرى بيننا

مما نتج عنه هذا التلاحم الرائع .

انفعلت وتأثرت فأبدعت هذه القصيده . فكره اهديتها

بعد اكتمالها لشاعره قد الهمتك إياها فكانت نعم الهديه

تسلم يا احمد قصيده تحسب لكما فهنيئاّ لنا نحن القراء

دمتم اخوه واصدقاء فى ظل تلك الحميميه الرائعه ...
[/center]

الشاعرة عزة الزرقانى كتب:: الله عليك يااحمد موسى

وانت بتحب المحروسه

وتعاتب فيها عشان أمك

ودمها جواه دمك

لكن ياميدو ولا يهمك

حتفضل هىَِ اللى تضمك

تحزن وتشيل من همك

جميل ارتجالك اللى دائما يجر وراه ارتجال

وشكرا لمنه صاحبة الالهام الجميل

دمت بكل حب

مبروك لمصر وخلاص
أهم حاجه ... إنتصرنا
ههههه

الله عليك يا أحمد شاعر كبير من يومك
مادام ده ارتجال الشعر يكون ايه (هتقعدنا فى بيوتنا")
جميل اوى حبك لمصر وعتابك الحزين ليها بس هى برده هتفضل أمك وبتحبها
دمت مبدع يا أحمد

الاديب الشاعر
احمد
ابدعت بكل معانى الابداع بكلماتك
فكم بك من بحور قصائد تطويها
فعليك بها تدعمها تنسجها تراعيها
اخرجها لنورحياتك ارسمها ناجيها
واسعدنا بقرائتهاولكل حبيب اهديها
مع تحيات اختك
بنت الصعيد ريمى

الشاعر /أحمد موسى
أحسنت في النص ده ولي تعليق
بسيط
عندك مباشره في النص
وده أضعفه بعض الشئ
وكمان الوطن الحبيبه كفكره
مش جديده وإيه اللي
لازم نعمله في الفكره
اللي مش جديده
هو إختلاف الزاويه
اللي حانشوف منها الموضوع
وتناوله بشكل مختلف
إنما أنا شايف الفكره مش جديده
والتناول مش جديد
ولو إنت تعرفني
أنا بتكلم علشان وجهة
نظري أمانه
وماتزعلشي مني
السلاموني

عادل عوض سند كتب:: [center]الابن الغالى الشاعر

احمد موسى

جميل هذا التفاعل الرائع والإنصهار الفكرى بيننا

مما نتج عنه هذا التلاحم الرائع .

انفعلت وتأثرت فأبدعت هذه القصيده . فكره اهديتها

بعد اكتمالها لشاعره قد الهمتك إياها فكانت نعم الهديه

تسلم يا احمد قصيده تحسب لكما فهنيئاّ لنا نحن القراء

دمتم اخوه واصدقاء فى ظل تلك الحميميه الرائعه ...
[/center]

طبعا عاجز عن شكرك يا أستاذي
وربنا يخليك ليا يارب

الشاعر الرائع والمتميز جدا
أخى احمد موسى
الله عليك وعلى جمال كلماتك
بصراحه حاولت اتفاعل مع القصيده واكتب
ولو ومضه صغيره من وحى قصيدتك
بس بصراحه مش لاقيه كلام لانى حاسه انك قولت
كل اللى جوايا وعبرت عنه بطريق وبكلمات رائعه
لن اجد اجمل منها للتعبير
سلمت يداك التى امتعتنا وسلم قلبك المحب الصادق
تقبل ودى وتقديرى لشخصك ولقلمك الرائع
دمت بكل خير

صدفه كتب:: الله عليك يا أحمد شاعر كبير من يومك
مادام ده ارتجال الشعر يكون ايه (هتقعدنا فى بيوتنا")
جميل اوى حبك لمصر وعتابك الحزين ليها بس هى برده هتفضل أمك وبتحبها
دمت مبدع يا أحمد

يا صدفه انتي كبيرة والله
وقناة النيل الثقافية اتشرفت بيكي
تكرمي يا قمر

ريمي الصعيد كتب:: الاديب الشاعر
احمد
ابدعت بكل معانى الابداع بكلماتك
فكم بك من بحور قصائد تطويها
فعليك بها تدعمها تنسجها تراعيها
اخرجها لنورحياتك ارسمها ناجيها
واسعدنا بقرائتهاولكل حبيب اهديها
مع تحيات اختك
بنت الصعيد ريمى

الأخت / ريمي
الإبداع في مرورك الألق
وردّك الألق
يا زهرة العبق

تقديري

أحمد موسى كتب:: بحلف بالنيل والطير
وبـ ابويا وأمي وخالتي
واحلف لعنيكي السود
ليكون الشعر رسالتي
همّك سرسوب منْ همّي
واكتب بحروف منْ دمّي
وفؤاد موهوب للحق
وضمير موجوع م الشقّ
ويمين بلهيب النار
غير نيلك يوم م اختار
وعليكي العمر يهون
وتجوع على جوعها بطون
مصر الأهرام والنيل
والشعب ابو طبع أصيل
ولّاده يـ أم الكون
بيعزّ عليا أنام
فـ سرير مرتبته ألام
وغطايه ملايه هباب
ويعزّ عليا كمان
تكتر فيكي الأحزاب
أحزاب بيتاجروا ف قوتنا
ويهدّوا كمان قوّتنا
عايشين بقانون الغاب
راعبينّا بويل ونياب
وسْكِتنا وإيهْ سَكِّتْنا ؟؟
ولفين هتروح سِكتنا
وسط شوية عصابات !!
عاليين بالزيف ف مناصب
والواصل فيكي الناصب
قاتلين الحلم ف حلمي
مغصوبه وليلهم غاصب
مخنوقه عشان انا (مِنّه)
من طمي النيل بتحنّى
بستنى الأزمه تعدّي
ولغاية فين هستنّى
ف النار بتقلّى وخايفه
موصلش ف يوم للجنّه
كترت فيكي الملاعين
مرصوده عليكي العين
واحلفلك ألف يْمين
غير حضنك يوم م اتمنّى
ضميني بشوق حسّيني
أنا بنتك يا امّه خديني
أنا بحلم يوم الضمّه
مشتاقه لروح اللمّه
ليه حلمي بيبقى كابوس
ليه عيني عليها الغِمّه
بتمنى أشوفك نور
ليه ضهر الخير مكسور
ليه حلمك أصبح لمبه
محروقه ف بيت مهجور
ليه عقلك فجأه اتجمّد
ليه فكرك أصبح بور
عشقاكي برغم جراحي
وبرغم الويل ونواحي
وبرغم سيول أتراحي
شيفاكي أميرة الحور
مش هقدر أبعد عنك
منا حته صغيّره منك
إتغلغلي فيّا اكمنّك
وجدان جوه الوجدان

من وحي قصيدة (( أقسمت اليمين )) للشاعرة الواعدة
منة الله محمد إرتجلت هذه القصيدة الآن على لسانها وبنفس فكرتها
لتكون هدية لها فهي منها وإليها وعسى أن تعجبها

إبنى الحبيب أحمد باشا

أنت فى قاموسى كما أقول

لك دائما شاعر الرومانسية

الرقيق جدا .

لكن لفت نظرى إنك شغال

باللون الأزرق وفجأة

حولت على اللون الأحمر !!

وبعدين بصيت على الملاحظه

تحت فاكتشفت إن الحكمة اللى

قالت إذا عُرف السبب بطُل

العجب حكمه صح ميه فى الميه

فقلت لازم ارفع القصيده دى

على اول صفحه .

موفق دائما يااحمد

قصيدة جميلة تضاف إلى

رصيدك من الروائع .

محمد البسيونى

السلام عليكم .. مجرد راي
الشاعر الرائع دائما / احمد موسي
احترامي وتقديري

ودائما .. وسأظل إن شاء الله أنتظر كتاباتك
لما أجده بين حروفها من معاني .. ترطب القلوب
وتشفي الصدور .. وقليل من يقترب منها ..
فأنت من الصفوه التي تعيش الحياة بقلب يتسع للعالم أجمع
بمحيطه الواسع .. ومايدور علي بسيطته من حياة تعيشها
بفاعليه صامده .. حاملا بين جوانحك قلب أراد له الله أن
ينبض بمسؤليه تجاه الآخرين ..
لذلك كتب الله لك التوفيق دائما في كل ماتقول ..
لنقرأه .. ونتفاعل معه .. لمصداقيته .. والواقعيه التي
تقرّها معانيك .. بين الأحرف المختاره بعناية المحترف
لك كل التقدير والاحترام
وللجميع تحياتي
و

احمد موسى اتمنى التواصل بييننا دائما