كل عام والأمة الأسلاميه بخير(الأضحية)

كل عام والأمة الأسلاميه بخير
هذه المقاطع بمناسبة عيد الأضحى المبارك
أعاده الله علينا وعليكم باليمن والبركات
..............................



(1)
باب السما المفتوح
بيستناك
والحور على باب السما
أناشيد
نلت الشهادة ف حربهم وياك
إقلع هدومك
وأدى لبس جديد
كل الملايكه استنوا بالترتيل
مرحب شهيد الأمة
ليلة العيد
……………………..
(2)
مقاطع
…………………
جرت الشهادة ع اللسان
نوبتين
والتالته
كان المولى بيساعدك
لبى الملاك الدعوة بالتهليل
شايل حنوط م الجنة
ونازلك
بتنادي يا الله
وهو معاك
دايما وكان
أقرب إليك منّك
.........................



(3)
كل اللئام
خنقوا الغنا فى صوته
كان حلمهم
لو يحرموه
حتى اختيار موته
عاش الزعيم
ميت على حيله
كان كل همه
فى اغتيال بيته
حكموا عليه
الأغبيا بالشنق
مات الزعيم
ومهاب فى يوم
موته
………………………..




(4)
علوا الزينات والفرح فى تكريت
مات اللى عايش
ع الشهادة شهيد
يابن اللى كان
اسمه على اسمه
فى كربلاء
لما ا تحبس بينهم
ملقاش لأبنه
حتى شربة ماء
فماتنتظرش من الخيانة
وفاء
مهما تكون
ومهما كان انت
ماحتبقى أغلى عندهم منّه
خانوا اللى كان جده
رسول الله!
......................

الأضحية
...................
مات اللي عاش
واقف علي جسر الفرات
يسقي
ولا مرّه
شرب ..
مات ويّا حلمه اللي إ تشنق
في حبل توحيد العرب ..
أما السبب ..
رافض يكون
ضمن العبيد ..
وبأي حال م تقول لنا
بتعود يا عيد ؟!!
في الأضحى كان
قربان يزيد
أصرخ ف وش العيد
وعيد:
" هل من مزيد ؟ "
ما بين تروس المهزلة
والخوف ..
عبيد..
وبقيت ما بين الخُرس
والخونة الشهيد ..
وان شئت قول :
أتنصلوا من كل دين
لمّا بخوفهم غيّروا
بيت إ برا هيم
دم البرئ اللي أتهدر
مش دم ديب ..
أصرخ
وعيد :
وبأي حال م تقول لنا
بتعود يا عيد ؟!!
زمنك عجوز
قدّام عنيك
أشباه رجال
سحبوا السفينة للغرق
أرض الخلافة بتغتصب
بأدين غزاه ..
ملايين جناه ..
مبقاش ف أرحام النسا
ابن الوليد
أُمّه و خَِلت من جلدها
قلعت جذ ورها وأصلها
دفنت قديمها ف وهم
سموه الجديد
وباءي حال م تقول لنا
بتعود يا عيد ؟!!
من تحت سن المقصلة
اتشمّتوا كل الرعاع ..
صوتك حزين ..
بتقول لهم :
(م هيّه هيّه المرجلة)
ومفيش جديد ..
الفرق بين اللي أتشنق ؛
واللي أتحرق ..
واللي اندبح
مخدوع
ومش ميت شهيد
وباءي حال م تقول لنا
بتعود يا عيد ؟!!
..........................

الأخوة الأعزاء
مدرين واستشاريين ومشرفين وأعضاء منتدى/ عاطف الجندي
كل عام وانتم جميعاً بخير أعاده الله عليكم هذه الأيام وانتم فى كامل الصحة والعافية
أقدم اعتذاري للجميع للتأخير على تعليقاتكم لأعمالي
عبده النجيلي

الأستاذ / الغالي / عماد فتحي
كل سنة وانت بألف خير
وأشكرك علي المرور
........................

الحبيب الغالي الشاعر الكبير / عادل سند
أشكرك جداً على المشاركة وتبادلك الحزن معي على هذه الأمة التي أصبحت لاتنتمي الإ لعدوها
فنحن لانستطيع الإ ان نُذكر فأن اذكري تنفع المؤمنين
حبي وتقدري إليك والى كلماتك ياغالي

الأستاذ العزيز / رأفت المصري
أشكرك واشكر مرور الكريم