شكوى الى ....رمضان

الحب مات
************
لما دقيت ع البيبان

اترسم فرح ف وشوشنا
قلنا أهلاً
والله بانْ
بعد غيبه وبعد وحْشه
فين يا راجل كنت غايبْ
وانا وانتَ
اتنين حبايبيللا إدخل
جوه حضنى
دفِّى صدرى ودفِّى عمرى
خلى دم عروقى يجرى
بالأمانْ
جات معاك الفرحه لابسه
توب خشوعْ
والزينات ماليه الشوارعْ
فى المدن أو فى النجوعْ
والله جوعنا لذكرياتكْ
شيخ بطل
كل الحروب اللى ف يمينكْ
لابسه فرحة الانتصارْ
والله "بدر" ف عز تِمُّهْ
جايب القرآن وقدرك
ألف شهر
من الشهور اللى ف قدرنا
***
الولاد لما رأوكْ
علقوا الفرحه ف عينيهم
لبسوا أجمل
ما ف ضميرهم
فى اليمين سبحه بتضحك
فى الشمال
ماسكين فانوسْ
***

وآنا لسَّه كنت باحبى
قالوا عنَّك 00
دا كريمْ
بيقابلنا
بقلب صافى
يطرح السلامات ، يعافى ع الجميعْ
وف عينيه الرحمه باينه
جاى يسلسل فى المواجع 00
بدِّل الأحزان 00 ربيعْ
***
بسِّ فيه حاجه هاقولها
تحزِّنك 00
وتقول لى ليه
شفت حالنا يا ابن عمى
جرى له أيه؟!
اللى يأكل حق أخوه
واللى يقتل أمه
ويحلِّى بأبوه
واللى يتمسِّك بدينه
فى الزمان دا
نقول 00 خدوه !
والمصيبه ف كل حتَّه من عالمنا
فى الحروب بيسلسلوه
بُص شرقك
بُص غربك
فين شمالك أو جنوبكْ
كله بيقول 00 اقتلوه
اللى يذكر اسم أحمد
اللى قال الرب واحد
مِشْ يهوذا00
ارجموه
كل حته فيها أقصى
وجرح نازف بينادى لنا
نطهروه
***

إحنا خلق كتير ولكن
ضاع إيماننا بالقضيه
ضعفنا خلانا تورته
وكل واحد
مد إيده
خد له حته م الصينيه
فين يا خالد
سيفك المسلول 00 وحَشْنا
قوم يا عمرو
وخد بإيدك بندقيه
أبوبكر يلّبِى صوتك
والفاروق
واولاد أميَّه
حالنا محتاج الصحابه
يأدبوا كلاب البريه
يمسحوا الدمعه اللى باتت
فى عيون الضاد
سبيه
دمعة الأقصى اللى عاشت
تحت ضرب المدفعيه
***
زى غابه صار عالمنا
والقوى هو اللى يكسب
واللى يفرض كلمته
والكون ده يصبح عزبته
واحنا العبيد
يأمر يطاع
أما الجياع
ما يسووا حاجه
ف ذمته
***
ماعلشّى فتَّحت المواجعْ
يا ابن عمى
يااللى همَّك نفس همِّى
بشتكى لك
وانت عارف
إن حبك
لسَّه جوه ضلوعى ساكن
رغم كمِّ المشكلات
والشِّويه اللى تجيهم
يبقوا أجمل ذكريات
ضيف خفيف
بالحب ماشى
يصحِّى فينا كتير حاجات
السلام يا صاحبى وأوعى
تنسى تيجى
بعدك انتَ الحب مات !
بعدك انتَ
الحب مات !

محمد زكى كتب:

جميل ولى طلب انشر نص انتخابات الرياسئة

[color:d656=Magenta:d656]

أخى الحبيب محمد شكرا لك والقصيدة التى تطلبها هى قصيدة لمصر أغنى
أضغط على هذا الرابط ستجدها إن شاء الله
https://elgendy.ahladalil.com/CaOUN-CaYOiI-f1/aaON-AUai-t5.htm
تحياتى
ورمضان كريم
عاطف الجندى

الولاد لما رأوكْ
علقوا الفرحه ف عينيهم
لبسوا أجمل
ما ف ضميرهم
.......................
جميل دكتور عاطف تلك الحوارية الصادقة التى تجمع مآسى امه فى قصيده واحده
على امل ان يأتى ..يوما ما ..رمضان مختلف بطعم الكرم فى فلسطين وبغداد
برائحة غبار سنابك خيول حطين
عادتى فى الشعر الا اواصل النظم المباشر اراه مملا ومنفرا
لكن رائعتك رغم غلبة الخطابية عليها
جاءت عصرية بطعم ايامنا فأغرتنى بان اكمل القصيدة
وصفقت فى ختامها معجبا اقاسمك هم الوجع وامنيات القادم من ايامنا
خالص مودتى وتقديرى

.

الحبيب الشاعر الكبير
عاطف الجندى
كيف فاتت عليّه تلك القصيده ؟؟
اوجعتنى وفتحت جروحنا ونبشت داخلها
ونفخت فى الرماد فإشتعلت اجسادنا وتفحمت
من مرارة الذل الذى نتذوقه من ضعفنا وما نعانيه
من إهتراء لهذه الأمّه .
شكوانا لله اولاّ واخيراّ ونتمنى ان يجيء رمضان القادم
والقدس فى حضن الأمه بعد ان تلتئم جراحها
اللهم آمين .
لك كل الود والتقدير ايها الشاعر الكبير ...

أية أقول بعد النغم
اللى فى الأشواق
سمعتة بينادينى فى
كلمتك
كل كلمة تروح لقلبى
يصحى ويقولك
عاشقها فى الصور
حتة منه فحتة منى
يوم لاقيتة
يوم لاقيتك
فى التمنى
للراح يرجع لنا
فى الدما اللى أستابحت
جوة أرضى فأمنا
ف المواجع لما زادت جوة منى هنا وهنا
ف الدموع لما راحت
كل أرض تضمنا
ف التعب ساعات العذاب
صوتنا يطلع
مننا
فى الأذان لما يدن قلبى
يتمنى السما
جوة ف الأيدين حنونة
عاشقةالشمل يلمنا
أمتى يرجع حبنا
جوة الحمام
ساعة لقى ولادةالصغار
أمتى يرجع حلمنا
بعد الضنا والأنتظار
أمتى يتلاقوا الكبار ويا الضغار
لما نصبح يد واحدة
والدفا لينا الهنا
لما يرجع للعيون شوق الهوى
لما يرجع طفلنااللى مننا
يهوى كل الدنيا وبالذات أ رضنا
لما يحس بالنغم ويا حليم
لما يسعد الطفل اليتم
لما يسمع مرة بيرم أو حتى صلاح جاهين
لما شوقة يرجع للأرض اللى ترابها طين
لما يصبح أسرة حلوة زينا برائد عظيم
لما تصبح الأبتسامة فى العيون العطشانين
جوة دمعة حب قلبى حبها وسط الأنين
نلقى ربى ويانا هو المعين
قول أأأأأأأأمين