حب النفس

موضوع: حب النفس الأحد نوفمبر 14, 2010 3:57 pm

ليه كل واحد فينا بيقول يانفسى وبس
وتروح ف داهيه الدنيا مادمت لم اتمس
انا والطوفان بعديه شوف حجم حب النفس
ولا حد بيقول جارى غايب وما له حس
ولا اخويا فين متدارى اجرى وعنه اعس
الكل هجر الكل والحب ثمنه ابخس
ون جيت بقى للجد ماحد بيشيل حد
تلمح فى ساعه الجد كل الببان تترد
كل الودان تتسد لايبان خبر ولا حس
يسمع صراخ جاره ما يفوتش باب داره
ليقل مقداره يهرب ولا يندس
لاحد فات ولا طل حتى السؤال ابطل
والاشتياق اعطل والود قل وخس
قصر الغرام راح ليه ؟ اتقام مكانه شاليه
والعشق حطوا عليه ممنوع علينا اللمس
الحب مات وخلاص دفنوه فى كام بلاص
اصله مع الاخلاص مواليد فى ساعه نحس
لوشىء بيحتاج دور بيكون انا الاول
لو حد كان مضرور يبقى انت فى الاول
بيغنوا قال للحب بكلام اكيد كداب
ما خلاص زمان الحب ولا عادش فيه احباب
والشوق ما عاد ينشاف لامع البخار ولاجاف
ولا عادش بنا خلاف الدنيا ليا وبس
الكل بيردد انا مالى يا عمى كان مين نعى همى
خلينى مع نفسى يا شاهمتى اتلمى
اردب ماهو ليك ماتجيش ساعه كيله
يملا العفر معاليك وحيتعبك شيله
حتى المثل ياناس مليان بحب النفس
لكن بعلو الصوت ح اصرخ ونا مبسوط
فيك الامل محطوط ياصاحبى ما تيأس
فى الكون اكيد لسه الخير طالع له حس

موضوع: رد: حب النفس الأحد نوفمبر 14, 2010 4:12 pm

طبعا الخير طالع له حس

مهما قالوله أسكت هس

ولا عليه كترت غيوم

يفضل هوه هوه وبس

تقبل خربشاتى

دمت ودامت روعتك

ايها الرائع رأفت توفيق

دمت بحب

موضوع: رد: حب النفس الأحد نوفمبر 14, 2010 4:14 pm

الاستاذ الشاعر

رأفت توفيق

صدقت اخى فى وصفك الدقيق لما وصلنا

اليه من تردى واللامبالاه اللتان اصابا امّه بكاملها

وليس الشعب فقط .

قصيده صيغت بمهاره واحسنت فى سرد الموضوع

تقبل منى كل تحية وتقدير ..

» غربه النفس
» حوار النفس لفوزى الشربينى
» حوار النفس
» حوار مع النفس
» حديث الي النفس