(لوحاتي الفنية)مش عارفة احطها فين بس اعتقد دا القسم المناسب

السلام عليكم ورحمة الله وبركاته

بدايةً أعرفكم شيء عن نفسي

أنا خريجة قسم التربية الفنية -كلية التربية النوعية جامعة المنصورة

موهبة الرسم دي مش هقول عندي من زمان
لا
دي مولودة معايا

انا عرضت الصور دي في منتديات فنية لكنها مش مصرية

مش لاقية منتدى مصري للرسم بس لقيت منتداكم الجميل للشعر واعتقدت ان الرسم لا يفرق عن الشعر غير ان اللوحة قصيدة مرسومة والشعر لوحة مكتوبة

الآن أنا هحط اللوحات اللى كنت رسمتها في الكلية وبعد الكلية

أول لوحة زيتية رسمتها

وواضح من طريقة الأداء فيها أنها الأولي



وواضح كمان آثار الزمن من خدوش وغيرها .. مرت عليها خمس سنوات

ما تتصوروش يا جماعة والله انا فرحانة قد ايه بكلامكم دا
انا نشرت اللوحات قبل كده في منتديات لكن معظم اللى ردوا عليا مش رسامين ولا شعراء
وهم صحيح شجعوني برده بس لما التشجيع يجي من شعراس ورسامين بيكون طبعا احسن بكتير
وحيث ان الرسم اعجبكم فانا ان شاء الله هحط باقي اللوحات هنا تشوفوها

الاء عثمان ((بنت مصر)) كتب:

إذا كانت هذه أولى لوحاتك ،

إذن فأنت تخفي عنا المزيد من ابداعاتك الجميلة .

وإذا كان الشعر من الذكاء اللغوى ،

فإن فن الرسم من الذكاء المكاني ، فحافظي على ذكاءك الفني دائماً .

تقبلي مروري المتواضع ، وإعجابي باللوحة ، وروحك الشفافة التى تنتج هذا الفن .

تحياتي .

اختي آلاء أهلا بيكي ووصفك للشعر والرسم وصف جميل جدا جدا ويشبه وصفي لهم فانا اصف الشعر انه لوحة مكتوبة واصف الرسم انه قصيدة مرسومة
اسعدنى مرورك وردك الرقيق يا آلاء
أختك : غرد وحيداً

عادل عوض سند كتب:

الاستاذه / ..........

بصراحه مش عارف اقول استاذه مين ؟؟؟

لكن لوحه فعلاّ جميله وان كانت تلك بدايات

إذن الآن فأنتى فنانه تشكيليه رائعه .

تحيتى وتقديرى ...

اهلا بحضرتك
انا الأستاذه : غَرِّدْ وَحيداً
بس لسة ما وصلتش لدرجة اني اكون فنانة تشكيلية رائعة
انا مجرد مبتدئة لكن مفيش فرص خالص ليا اني اقدر اعمل معارض
انا معرفش بيعملوها ازاي ولا ايه اللي بيساعدهم
ان شاء الله لما اكون فنانة كبيرة (لو دا حصل يعني)هكون بكتب اسمي علي لوحاتي وهتعرفوه

اهلا برد حضرتك

عاطف الجندى كتب:

أنت فنانة موهوبة أختى الكريمة
و يسعدني مشاهدة أعمالك الفنية و انت بالفعل
موهوبة أحييك و أتمنى أن نحضر لك معرضا قريبا
دمت بخير

يارب
بجد نفسي اقدر اعمل معارض كتير مش حتي معرض واحد
واخصص فني ورسمي لقضايا ديني وبلادي ومجتمعي ومش مهم مكسب المهم اوصل رسالتي

ودا هتلاحظوه من خلال الصور اللي هبعتها ان شاء الله

بس المشكلة اني عندي الموهبة وماعنديش الامكانات المادية اللى اقدر اعمل بها حاجة كبيرة زى المعرض فالطريق الوحيد لى هو الانترنت

أهلاً بحضرتك (مع ان المنتدي بتاعك)
وربنا يسعدكم زي ما اسعدتوني في الردود

الأستاذة الفنانة
بصراحة أنا لا أفهم كثبرا فى الرسوم والفن التشكيلى لكن الرسم فيه شىء بيجذب المشاعر ويثير الألفة بين اللوحة والمشاهد
شكرا لكِ

صورة جميلة
شكرا للجمال

المبدعة الرائعة أولا أحيكي على أختيارك الأسم المستعار و ثانيا على لوحتك الغاية ف الجمال و إختيارك لتلك الرسمة تحديدا له أبعاد تحفة و صدقتي القول بإن لوحاتك لا تختلف كثيرا عن الشعر أو القصة أو غير ذلك من الإبداعات أحيكي و ننتظر المزيد .. تحياتي