عقد الفل

** عقد الفل **

تملى حزين
وشايل عـــ الكتاف همك
وتحسب للى جاى حسبان
وتحبس فى العروق دمك
ولا يهمك
أكيد ربك هيفرجها
يخف الحمل دا عنك
بدعوة صافية من قلبك
يزيل من عــ الكتاف همك
بأمرة تروق
تنام وتفوق
تلاقى الدنيا بضمك
وجايالك
تريح م الهموم بالك
وشاريالك...... 200 فرحة
وبايعة سنينك الجارحة
وتحلف 100 يمين ما تعود
لساعة حزن مكسورة
وفى الصورة
تلاقى الحظ بيجيلك
ويرويلك
سنين عطشانة للبسمة
نقول قسمة
دا حال الكل
نعيش الليل بأوجاعه
ونفرح لما فجر يهل
ودنيا تملى دوارة
لا يوم تتعب ولا بتمل
بتفرش فــ الصباح شوكها
وبتمسى بعقد الفل

*****
عبدالعزيز خطاب
24-10-2010