رحله محمول

موضوع: رحله محمول الأربعاء أكتوبر 27, 2010 2:33 am

قصه حقيقيه حدثت عند بدايه دخول التيليفون المحمول فى مصر

دا ماكان ع البال
ولا كان مأمول
ييجي يوم ونشوف
تيليفون محمول
وساعات يتقال
تيليفون نقال

*****
ولا كان ع البال
ييجى يوم نلاقيه
فى إيدين الكل ونيس
وصديق وحبيب
وأعز شويه من الاحباب
مع مين ؟عبده البواب
وعلي السمَّاك
والبشبيشي بتاع الفول
ماهو محمول
والاسطى لبيب وخميس
والاسيوطى صبى البقال
ما هو نقال

*****
وفى يوم السبت نويت
انزل م البيت
واروح على مصر
عند الدكتور
صليت العصر
ودعيت
وقريت الفاتحه لأهل البيت

*****
وركبت القطر
من أول ثانيه كرهت القطر
علشان برضه
اللى ما يتسمى المحمول
ودا مش معقول
انا مهما حقول
مش حقدر أوصف فى المهبول
وركبت القطر
يادوب وطلعت
ورحت قعدت
ولسه راح افتح في الجرنال
ولسه يادوب مع أول سطر
وحيمشى القطروابتدأ الرن
والكرسى اتهز
والناس كلها بدأت تتفز
وسنان تتجز
الكل بيحسب محموله
حن ورن
واللى ما رنش محموله
راح يتجن
تسمع اجراس
أشكال وألوان
كل الأصناف ، كل الألحان
من كل النوت الموسيقيه
هىَّ دى هىَّ ، وياسين وبهيه
وقفوا الخطاب سنتين ع الباب
وموسيقي الجازوالقاعده هباب
فرقة حسب الله
وسلام جمهورى
ودا عمرو دياب
ونا بتقلىَّ
بين نار وعذاب
مش فاضل الاَّ
حلو وكداب

*****
حسيت الواحد
مش راح يرتاح
جرنالى ركنته
وكأن الواحدخد بعضه وراح
على سوق الكانتو
والحظ لعنته
واندم علي بختى
علشان مارضيتشى
اسمع كلام اختى
ولغيت القطر ولا كنتش خدّْته

*****
من كل جناب القطر كلام
والكل ودانه علي المحمول
واللى ماعندوش قاعد مقهور
من لما ركبنا لدمنهور
اصل احنا وصلنا لدمنهور

*****
]تسمع حواديت
وكلام وحوار
وحاجات أسرار
وف كل المواضيع
وبطىء وسريع
ما المحمول والنقال
في أيدين الكل ونيس وصديق وحبيب
عبده البواب
وعلي السمَّاك
والبشبيشى بتاع الفول
والاسطى لبيب وخميس
والاسيوطى صبى البقال
من كل جناب القطر كلام والكل ودانه عليها محمول

مكالمة ( 1 ) متشكر يا أحمد
قوللى جات لك زينب ؟ دفعت حاجه ؟ خَدت الحاجه ؟

مكالمة ( 2 ) كلها ييجى ساعه ونص ونوصل
روح لامام بس اجرى قوام
راح يديلك كام كيلو زبده وكام كيلو كبده
ما تحاسبوش
انا ليَّا معاه من قبل حساب
وعلي المحمول اطلب عبده البواب
حينفذ لك هو المطلوب

مكالمه ( 3 )
طلع لي التانيه املاها بنزين
بتقول ايه ؟ جاب اثنين قول له خلاص
ما حناش عايزين

مكالمه ( 4 )
ايوه يا ماما والنبى
وايمان مشيت
وخلاص اتصالحت على احمد جوزها
انا مش متطمن تفتكرى عاوزها ؟
ولا حترجع لويالك بوزها ؟

مكالمه ( 5 )
كلمنى ياعيد ساعة ما اوصل
انا سامع دوشه
ايه اللي بيحصل ؟ مين عندك يابنى؟
جالك طلعت ؟ والفواتير
والفيلم التانى الصوره طلعت ؟
ركبت السخان ؟
وجمال جابلك لبتوع ؟

تسمع في دقيقه الفين موضوع
من كل جناب القطر كلام
والكل ودانه عليها محمول
ولا عارف ارتاح
ولا قادر انام
ولا قادر افكر في الموضوع
وبقيت مسطول
ونسيت بصراحه مسافر ليه ؟
ونسيت ان كنت حجزت رجوع
ودا كله بسببك يامحمول يا مهبول
يا مخبول
ومين المسئول ؟
دا ما فيش مسئول

[color=red]

نسقت بمعرفتى

عسى ان يروفك

تحياتى ولى عودة ليلا[

/color]

اشكر لك سعيك للوصول الى الافضل وشرفتنى بهذا الجهد .
دام لنا هذا الحرص منك على اعمالنا ودمت لنا نعم الاخ الكريم .
وانتظر رأيك فى هذه النوعيه من القص الشعرى

هههههههههههههههههههه

آدى آخرة التقدم ..

احنا اللى غلط والله .

الاستاذ الشاعر

رأفت توفيق

دى بعض نماذج وفيه لسّه بلاوى

نسمعها بعد الفاصل .

تحيتى ومودتى ...

مالوا المحمول

ياسعادة البيه

ماهو علم حديث

بنوصل بيه

مشاعرنا وشوقنا

وعاملين أيه

موضوع: رد: رحله محمول الخميس أكتوبر 28, 2010 6:05 am

الاستاذ الفاضل عادل عوض اضف الى ذلك ان كل مصرى اصبح معاه تلت اربع تيليفونات وتلت اربع خطوط مع التسليم جدلا بان قيمه الشحن تعادل قيمه كيلو طماطم شوف العجب اللى احنافيه !!!!!!!!!!

موضوع: رد: رحله محمول الخميس أكتوبر 28, 2010 6:14 am

الاستاذه الفاضله عزه الزرقانى
المحمول مالوش والله ياسعاده الهانم

انا لم اعترض على ما اضافه العلم الحديث الينا . انا كل اعتراضى على اسلوب الاستفاده والاستخدام للعلم الحد يث للمنظره والفشخره وازعاج الاخرين وتعطيل المرور والاستهلاك غير الرشيد لادوات هذا العلم الحديث
تحياتى اليكى ايها الاخت الفاضله واشكر ك على تعقيبك رحله محمول 674991

» حكاية هاتف محمول في بلاد هبرستان
» رحله....سفر
» رحله مستحيله