زرع نباتى ردا على قصيدة الجيل الحالى

زرع نباتى

دول أولادى

دول أولاد العجز الحالى

كل صفاتهم من سلسالى

من أعمالى

ولاعاوزة يابسمة تقولى

دول منشأهم

زرع شيطانى

دول عمايلهم منك منى

من أيامنا

غصب عنى

التلفاز دا جهاز متحضر

بالألفات قنوات متسخر

ليل ونهار أفلام إباحية

ضد قيمنا مية المية

واحنا ف غيبة عن أدورنا

وهما ف كف غريب قدمنا

بيشربهم كل ما يمكن

من تغريب وثقافة تدمر

واحنا نقول أحسن من غيرهم

دول ياما دوب شاغلين أوقاتهم

أحسن من شم الهروين

أحسن من إرهاب بعصابة

أو سرقة أموال وحرابة

وهما ف التوهان ماشيين

واما نحب نناقش فكرة

ويا عقولهم

ننسى الحكمة

والتهديد يبقى

التسكين

وتقولى لى دا جيل شياطين

لازم إحنا نكون القدوة

والأخلاق والعلم بقدرة

والأساليب البالية كفاية

علشان كفك يبقى الرحمة

لو يتربى أو يتعلم

برة البيبت

مش نهج سليم

ياله بينا نكزن جادين

دينا يكون هو النبراس


ردا على الأخت بسمة الورد