مين اللي حبّـك زيّنـا ..؟ ضياء الدين البري

السلام عليكم .. مجرد رأي
كلام من قلبي

مين اللي حبّـك زيّنـا ..؟

......

حبيب قلبي
ونورعيني
مين اللي حبك زيّنا ..؟
قربك يطمن قلبنا
دنا فْ بعدك
باتوه مني
نجوم ليلك
بتوحشني
وباندهلك
وباتمنّي
يفوت قلبك ، ويندهلي
ونبضه تجيني تحضنّي
ترجّعلي
أمل تايه ، مع بعادك
تقوم تعند ، وتهملني ..؟
تسيب ليلك يواسيني ..؟
طب إمتي هاتـِقـْربْ ، منّنا ..؟
وتكون حريص علي ودّنا ..؟
واشوف طيفك ، يفرّحني
يبشّرني
يقول إنك ، هاترضيني

تبعد ليالي
أنـْده ياغالي
إرجع وفوت ، من حيّـنـا
أصل البعاد
من غير ميعاد
زوّد لهيب ، قلبي أنا
عدّت سنين
وانا حبي ليك
ودوقت فيك ، طعم الحنين
وليه بتنسي ..؟
قرّبت تقسي
وانا نفسي أنسي
طعم الأنين
تهملني ليــه ..؟
نظرة عنيك
تحرمني ليه ..؟
وانا روحي فيك
كتير تسيبني ..
تقدرعلي بعدي أنا ..!
وتروح عشان تسأل عليك
طب إمته تسأل عننا ..؟
واشوف طيفك ، يناديني
وفي بعادك ، يواسيني

أنا نفسي اتوه
في بحورعنيك
واللا خلاص ..
عايز تغيّر في المقاس
وقلبي كان
لعبه فْ إديك
وبعد ما اخترت البعاد
نسيوا ورموه
علشان يتوه
ويدوق كمان طعم الهوان
ِوزدْت حبّه في العناد
علشان هواك
القاه كمان قاسي وداس
وعيبي إيه ..؟
دنا نبضي سابني وراح وراك
طب قوللي إيه ، ذنبي أنا .؟
وامّا تغيب ، واحنا هنا
تصاحبني ، دموع عيني

أسهر واشوف
نجمي في سماك
يحرسني خوف
والروح معاك
والطيف وراك
ينده هواك
يرجع يقول ، ماهوش هناك
سايبنا نحلم وحدنا ..؟
ونتوه كمان فْ بحور هواك
طب ليه بتقصد هجرنا.؟
وفين هتلقي زيّنـا ..؟
بلاش تبعد وتأذيني
تعالي ارجع وراضيني

عشمنا فيك ..
كدا هان عليك.؟
دانبضي بيفكّرني بيك
وعنيّا بتصورلي فيك
وحبي ليك
شيء من زمان
عشت المحبه والأمان
وسايبني ليه ..؟
أقلق عليك
تعالي جدد حبنا
ننسي البعاد ، من قلبنا
مكفايه إن النبض تاه
وانت الحياه
ليّ أنا
ومسيرنا نرجع كهفنا
جدرانه حب ، قلبك سماه
أجمل حياه ، هاتضمنا
تتـهنّـا بيّـا ، واتهنّا بيك
طول عمرنا
هانعيش سوا
الحب يجمع شملنا
إنته وانــا
وكفايه يتحقق لنا
إللي احنا شوفناه ف حلمنا
وتكون حياتنا ملكنا
وأكيد هايرجع حبنا
واللي ابتدا بحبي أنـا
ونبض القلب يحييني
وانت الحياه ، ونور عيني

......

أشكركم
وللجميع تحياتي

الشاعر الرائع الكبير الاستاذ

ضياء الدين البرى

كلمات رومانسيه رائعه

أراك برعت فى هذا اللون الرومانسى وتفوقت فيه

بجانب اللون الوطنى التى طالما اسمتعنا به من خلال

كتباتك الرائعه كلمات جميله خلابه لها سحر خاص

كتبت فأبدعت ولكن لى همسه بسيطه وهى وجود

بعد الكسور قليله ف الوزن ارجوا مرجعتها

وانا على يقين فى مقدرتك على تفاديها

اشكرك على امتعنا بروعه معانيك

تقبل مرورى وتقديرى

أخى الرائع ضياء
وحشنا شعرك الجميل و الذى له مذاق خاص
( مجرد رأي ) منى و بما اننا لا نجامل فأقول
أتفق مع الناقدة القادمة أميرة البدرى فى بعض الخروج العروضى من التفعيلة
القصيدت بدأت مفاعيلين كما فى قولك ( حبيب قلبي
ونورعيني ) ثم انتقلت منك الى مستفعلن كما فى قولك ( مين اللي حبك زيّنا ..؟
قربك يطمن قلبنا ) ثم ترجع التفعيلة الى مفاعيلن و هكذا
أعتقد ان القصيدة ربما تكون من بداياتك او لم تجلس معها كى تناقشها فى أحوالها
و تنقح ما بها من شوائب و هذا حال الشعراء المجيدين
دمت بود

[b]

موضوع جميل كاعادتك

ولكن لديك الاجمل

دمت بكل حب وود[

/b]

الاخ الحبيب الشاعر

ضياء الدين البرى

ندرة حضورك اصبحت من السمات الخاصه بك .

واصبحت تكتب القصيده ولا نراك ولانرى مشاركاتك

مع الاخوه المبدهين بالمنتدى .

وهذا يؤخذ عليك .

ومن ناحية القصيده الجميله التى نحن بصددها اقول

انك ابدعت فى هذا اللون من الكتابه وانا مع رأى الابنه

اميره والاستاذ عاطف .

تقبل منى مودتى وتحيتى ...

» فين اللي يرحم ضعفهم..؟...ضياء الدين البري
» يااااااااااااااااأمتي....ضياء الدين البري
» ياريت ......ضياء الدين البري
» مـش بــإيدي .. ضياء الدين البري
» يااااذكري عاميه ..ضياء الدين البري