- منصور غيضان كتب:
العزيز الشاعر طارق
منيب
ياعم طارق عصرنا كان فيه نشاز
كان فيه مساخر واهتزاز
كان كله دوشة وابتزاز
الفن كان حبة عيال
يطنطوا زى الشوال
ويقلدوا الكنغر ف رقصه
ويقولوا عارفين الجمال
ياعم طارق
دا البطل م بقاش يبان
حتى الركب
ويغنى يرقص للعيال
وام كلثوم بنت عجرم
وحليم بقى شيال
من شبرا فنه والمقال
سعد الصغير وصلته
ركب الهمر
بيهز ولا أجدع مدام
خلص الكلام
زعلان ياطارق
مش كده
لحسن تموت
م الإبتزال
مشهور وحسنى ودياب
كلاب وقمر بيطلع
ف البرات
بيغنى صج طج
هأ هأ يا معلم
يبقى ليه ميتشهرش
ومينتفش
دمت حريص ياابن منيب
الأستاذ/ الكبير منصور غيضان
لك أن تصدق أو تصدق..
أنا لا أعرف معظم مشاهير هذا الجيل
وفقدت الاهتمام من ساعة ماتحول الغناء إلى الرقص..
أنا لا أعرف سعد الصغير.. وتامر حسني هو المطرب اللي كتبت فيه القصيدة ( عرفته من شهر) وحمادة هلال.. وأسمع الأسماء ولا أعرف الأشخاص..
فمن عرف الفن الحقيقي .. من الصعب أن يعرف غيره..
جميلة الأبيات اللي كتبتها
خالص مودتي وتقديري..
أخوك
طارق منيب
السبت أبريل 15, 2023 1:27 am من طرف 
موضوع: رد هو صحيح مطرب مشهور 
