الله يخرب بيت الكفرة / عاطف عاشور

الله يخرب بيت الكفره
قلوا مزاجي ومنعوا البفره
بتنشق علي كرسي ف شيشه
او تعميره في ورقة ان زفره

هههههههههه

طبعا انت فاهم ولا هتعمل فيها من بنها

هههههههه

عاطف عاشور كتب:: الله يخرب بيت الكفرة
..............
جات عربية وراها العفــــرة
نزلوا الأمنا معاهـــــم غُفــرا
خدوا بسطاوى ابن ام حسين
ماعرف راحوا بيه على فين
قــول كـــدا ييجي من سنتين
..
بســأل ليه يا اخوانـا يا شرفا
هو الــــواد هـربان م الجيش
ولا هبـــــر ملايين يا عليش
ولا يكونش بيضــرب بودرة
..
قالوا دا واد غلباان وف حاله
طافح الكوته لا جل عياااااله
وأمه مريضه ..فشلها الكلوى
ماصص دمــه ...مزود همه
مادد ايـــده لـ عمـــه و خالـه
واد مسكين شغااااال بالأجرة
..
طلــــــــــــع الأول ع الكليه
جــــــــاب 99 ف الميـــــة
بس أبوه كان راجل عـــادي
زي بقيت الناس ف بـــلادي
ماسك فاس بيخضــــر وادي
مات ف الغيط ساعة عصرية
..
قالوا دا ينفع يبقي معيـــــــد
ليه مش فيها وكيل وعميـــد
يدوا ولادهـــم دور سنّــيـــد
وابن نعيمة يقابــــل وزرا؟؟
..
خلص جامعة بطلــــع الروح
داخ على شغلة بصوت مبحوح
ملقاش باب للعيــــــش مفتوح
إلا برشوة لناس مقتـــــــــدرة
..
لم جراحه مع الأحــــزاااااان
ورقد سنـــــة واتنيـن عياااان
والتقارير بتقول دا مــــــدان
هي حكومة دى ولا تكيــــــه
..
وأمه عليه بتسح دمـــــــــوع
قطر الذل ملهش رجـــــــوع
حاصره الفقر القهر الجـــوع
والخوف م الأيام من بكــــرة
..
وأما اتجوز بنــــــت فقيـــره
زي جميع النــاس اهو خلـف
ربك رايـــــــد بالذريـــــــــة
ولا يعيش مقطوع من شجرة
لا جل ما ترضي الست بهية
..
واهو ساب ابنه صلاح وسمية
للمجهول والموت بلا .. ديــة
راح بسطاوى ف شربة ميـــه
ساب للكل الموت والقهـــرة
..
تعبوا النـــــــاس تدوير تفتيـش
راح ...والرايح زور ما يجيش
علشان قــال ف طابور العيش:
"الله يخـــرب بيـت الكفــــــرة"
.........
عاطف عاشور

ما هو برضه كمان غلطان
ليه يخرب بيت الكفرة ؟؟
أخرتها يبات فى لومان
و يـكـع لوحـده الأجـرة
ما هو باقى الصف تيران
و الفـالح فـيهم بـقـرة
لو يهتف وحده يبان
و يتوه لو كانوا عشرة

المبدع / عاطف عاشور
تحية لإبداعك الذى لا يبارى .
دمت مبدعا لا يشق له غبار .

طاهر الصوفاني كتب:: الله يخرب بيت الكفره
قلوا مزاجي ومنعوا البفره
بتنشق علي كرسي ف شيشه
او تعميره في ورقة ان زفره

هههههههههه

طبعا انت فاهم ولا هتعمل فيها من بنها

هههههههه

الله يخرب بيت الكفرة
يطلعوا من ضحضيرة لحفرة
يو جنازتهم تبقي سيول
ولا يعرفة لسؤالهم شفرة

أيه يا واد الجمال ده

وبعدين أنا أبقي من "الصففففففففف" عارف يعني أيه الصف

ومش عاوزنى أفهم

مودتى... عشان دماغى علت يا دانس
على رأي عمك توفيق الدقن
هههههههههههههه

هناك أخبار جديدة عن

بسطاوى ابن ام حسينستنشر قريبا

رجااء

تابعونا

يا اميرة خلي زكايب همى مربوطة
لا تكلميني على "كوسة"..ولا قوطة
مبآش لأهل الخير ف سوق خضارها خير
خير البلد لاتنين .."شعبوط وش............"

دام مرورك الجميل
لقلم أجمل
تحركة أفكار أكثر جملا

مودتى

» الله يخرب بيت الكفرة.. جــــــ2بسطاوى/ عاطف عاشور
» الله يهديكي / عاطف عاشور
» الله يخرب بيت النوم على الاحلام
» نفسي / عاطف عاشور
» عاطف عاشور