الله يهديكي / عاطف عاشور

عصام سالمان كتب:

الشاعر المعلم
الاستاذ / عاطف عاشور
خالص تحياتى
ولا ازيد عن كلمات الاستاذ/ عادل عوض سند
الا انك شاعر جميل وخطير ومعلم
سعدت بقراءتى ومرورى على متصفحك الجميل
ايها المعلم القدير

عصام سالمان

الاستاذ الفاضل والاخ الكريم الشاعر / عصام سالمان

شكرا لك على هذا الاطراء الذي لا أستحقه

وجودك أضاف إلي صفحتي المتواضعة

دمت بكل الحب

مودتى

د /صلاح طاهر كتب:

بواسطتى ثبتت

للجمال والشاعرية

ههههههههههههههه
اشي يا عم اخطف واجري

قبل غيرك

ههههه

شكرا يا دكتور

مودتى

عاطف عاشور كتب:

الله يهديكي



مش معني اني بدوب ف عنيكي
وبدادي ف قلبـــــــك واراعيكي
ان أنسي كيانى ف أشـــــــواقي
واستسلم للهـــــــوى ف اديكي

انا قلبي راح فين مـــا تـروحي
ودخلتى كمان عقـــلي وروحي
لكن تتبسمي بجـــــــــروحي !!
أنا آسف مااقـدرش ارضيكــي

علشان ما بتجري ف شريـانى
بتفكري إنـــك شاريـــــــاني
لأ شورى على قلبـــك من تاني
واتمهلى الله يهــــــــديـــــكي

[b [/b]

جميا يا عم عاطف ما ابدعت الله ينور

اخى العزيز الشاعر الكبير المتميز والمتألق دائما
الاستاذ عاطف عاشور

تحياتى وتقديرى وشكرا على امتاعنا يقصائدك الرائعة
واسمح لى اولا ان امر دائما ان امكن لى على صفحتك
العاطرة لجمال قصائدك وروعتك فى ترابطها
وتثبيت مضمونها فى عقل المتلقى0

وكذلك استمتاعى بتعقيب حبيبك وصديقك استاذنا
عطيه شواش الشاعر الرائع اللى مالوش حل فى التأليف والتعقيب0

ودمت بكل خير ومحبة وسعادة ودام ابداعك الرائع 0

م/عطية شواش كتب:

مش يعني إني سألت عليك

تبقي انت قيم ولا نيله

عشان انا طيب براضيك

انت اللي ناقص في العيله

تشوفني اوعي تمد ايديك

ولا تسلم لما اناديك

ولا قهوه تعزمني الليله

لما أنا مش قيم ولا نيلة
طب ليه شرفت هنا الليلة
وان غبت ف يوم عن حتتكم
ألاقيك كدا عامل هليلية

ودي قهوة ايه اللي اطلبها
والبسمة الحلوة بتحجبها
وعنيك بتبرّق ف عنيــّة
وشرارها بيرفع ف حاجبها

انا بردو (الناقص؟) طب ماشي
الكلمة الوحشة ماقولهاشي
أنا سايب ليك بردو قاموسك
على جلده مكتوب (شواشي)

ههههههههه
منور

هاني قاسم كتب:

عاطف عاشور كتب:

الله يهديكي



مش معني اني بدوب ف عنيكي
وبدادي ف قلبـــــــك واراعيكي
ان أنسي كيانى ف أشـــــــواقي
واستسلم للهـــــــوى ف اديكي

انا قلبي راح فين مـــا تـروحي
ودخلتى كمان عقـــلي وروحي
لكن تتبسمي بجـــــــــروحي !!
أنا آسف مااقـدرش ارضيكــي

علشان ما بتجري ف شريـانى
بتفكري إنـــك شاريـــــــاني
لأ شورى على قلبـــك من تاني
واتمهلى الله يهــــــــديـــــكي

[b

]ها انت اذا شاعر متمكن سيدي
كل الود لحروف وموسيقاك الرائعة
دمت بخير

[/b]

شكرا أخي الكريم على هذا المرور العطر
أتمنى أن يحلو لك المقان بين أخوتك

أهلا بك

مودتى

عاشقة الشعر كتب:

الاستاذ الشاعر / عاطف عاشور
تحيتى وتقديرى
لمقطوعتك الجميلة بس صغيرة أوى أنا كنت لسه بكمل لاقيتها خلصت بدور على الباقى مش لاقياه
ارجو ان تتقبل مرورى المتواضع

المبدعة / عاشقة الشعر

شكرا على مرورك الجميل الرقيق
واطرائك الذي يسعدني

على فكرة هي كانت كبيرة
بس شخطت فيها
فـ كشٍّت
هههههه

وممكن نفردها تاني

مودتى

بجد بسعد بتعليقاتك

فوزي الشربيني كتب:

اخى العزيز الشاعر الكبير المتميز والمتألق دائما
الاستاذ عاطف عاشور

تحياتى وتقديرى وشكرا على امتاعنا يقصائدك الرائعة
واسمح لى اولا ان امر دائما ان امكن لى على صفحتك
العاطرة لجمال قصائدك وروعتك فى ترابطها
وتثبيت مضمونها فى عقل المتلقى0

وكذلك استمتاعى بتعقيب حبيبك وصديقك استاذنا
عطيه شواش الشاعر الرائع اللى مالوش حل فى التأليف والتعقيب0

ودمت بكل خير ومحبة وسعادة ودام ابداعك الرائع 0

المبدع الكبير / الاستاذ فوزى الشربيني

شرف كبير لمثلي أن يقرأ هذا التعليق من مثلكم على مثل شعره

دمت لنا مبدعا جميلا وإنسانا أجمل

أما عن حبيبي الشواش فهو صديقي اللدود

الذي أسعد دائما بمشاكساته
وأكن له كل الود حتى في أوقات الخلاف

الشاعرة عزة الزرقانى كتب:

عاطف عاشور كتب:

الشاعرة عزة الزرقانى كتب:

عاطف عاشور كتب:

[size=24][center][b]
الله يهديكي



مش معني اني بدوب ف عنيكي
وبدادي ف قلبـــــــك واراعيكي
ان أنسي كيانى ف أشـــــــواقي
واستسلم للهـــــــوى ف اديكي

انا قلبي راح فين مـــا تـروحي
ودخلتى كمان عقـــلي وروحي
لكن تتبسمي بجـــــــــروحي !!
أنا آسف مااقـدرش ارضيكــي

علشان ما بتجري ف شرايـانى
بتفكري إنـــك شاريـــــــاني
لأ شورى على قلبـــك من تاني
واتمهلى الله يهــــــــديـــــكي

الله يهدينى ويهديك

ويقرب بنا ويحميك

من شر عواصف ورياح

من كلمة فارغه وتأذيك

0000000000000000000

وانا لو عليا صدقنى

لو بنا بحور ماتفرقنى

لكن النصيب ديما غالب

مع دنيا وحظ بتسرقنى

00000000

وانا هاديه معاك مش مجنونه

بزعل لحظات .مش عكنونه -

ولا غاويه غلاسه ولابيعاك

على قدى طيبه وحنونه

كان نفسي يكون جد كلامك
والقاني فااااااارس أحلامـك
وتحسي بلوعـــة احساسى
وأنا واقف هاااااااايم قدامك

دلعتك ياما .....ووديتـــك
والقلب الطيب بقي بيتــك
وسِكنتى بدون حتى مقدم
وصبرت كتير واستنيتـــك

معرفش انك ناااويه عليها
كات لعبة عليااااا لعبتيهــا
أول ما وصلتى لأهدااااافـك
الشقة بتااااعتي وبيعتيهـــا


هههههههه

كان لازم

أعمل كدا فيك

أبيع الشقه

واوريك

نجوم الليل

فى الضهر أزاى

علشان تحرم

ياعنيه

كل ماتشوفنى

تقول بقى باى

ههههههههههههههههههههههههههههههههه[

/b][/size][/center]

بالذمة انا قلت الـ (باي) ليكي
طب تيجي ازاى وأنا بهواكي

طب حطى عنيا ف عنيكي
دا أنا حتى اتشحتفت وراكي