الدنيا .. بخير

لما حلمك ... يبقى فتافيت

تترمى ... لأى طير

لما حضنك ... تسكنه الغربه

وقلبك ... يبقى غير

لما عقلك ... يندبح

وكفك ... مش بخير

اعرف انك .. ابتديت تنتهى

او انك ... انتهيت

اوعى تشكى ... غير لوشك

فى المرايا ... جوه بيت

اوعى تحكى ... لأى حد

لو ... لقيت

خلى حلقك ... بير سكوت

خلى صوتك ... ماله صوت

ارسم الضحكه .. ولو من غير شفايف

واحلف لكل الخلق .. انك لسه شايف

دنيتك ... مليانه خير

------------------- فاطمه حمزه

جميل اوى يافاطمة
ارسم الضحكة لو حتى من غير شفايف
واحلف لكل الخلق انك لسه شايف
دنيتك مليانه خير

***************
خلى دايما شمعه الامل فيك دا هى اللى هتنور لياليك
مفيش احلى من طعم الامل ومفيش احلى من شمعه امل

تحياتى لكى

الاستاذه الشاعره

فاطمه حمزه

جميل ما كتبتى واعجبنى المضمون

والقضيه المطروحه وهى محاولة الحياه رغم

الممات . ورغم كل ذلك نشعر بأن الدنيا مليانه خير .

تقبلى منى كل التحية والتقدير ...

الشاعر الرائعه الاستاذ فاطمه حمزه

خاطره رائعه بما تحمله من مضمون ومعنى

جميل وهو ان يظل الانسان ملتزم الصمت

ولا يخرج ما بداخله الا فلا مرايته محدثا نفسه

وذلك لان انكتب عليها يموت وهو حى

الله عليكى

يثبت لروعه المعانى

اسمحلى بتنسيق العمل

الجميله .. تغريد

شكرا عزيزتى على مرورك
واذا كان ولابد وان نرسم الضحكه
فلنفعل فالحياه لم تعد تستحق البكاء
لأجلها او عليها

دمت بخير Very Happy

الشاعر الجميل واستاذى
عادل سند
لو لم تمر فأنا لم اكتب
اسعد دائما بمرورك الذى اعتدته لاحرمنى الله منه

استاذى .. نعافر من اجل ان نجد لنا مكانا فى هذه
الحياه . وان عصرنا الحزن وادمت قلوبنا الصدمات
فلا مجال لدينا سوى ان نحياها رضينا بذلك او لم نرضى

تقبل تحياتى ودمت بخير Very Happy

الأميره الجميله
اولا شكرا جزيلا على التثبيت
والتنسيق الذى اسعدنى فعلا
وسعيده لأن الخاطره راقت لك
وانا ارى اميره نحن كمصريين اعتدنا
الشكوى من اى شئ وكل شئ والغريب
فى الأمر ان المشاركه الوجدانيه والتعاطف
الأنسانى لم يعد كما السابق فلا احد لديه
الوقت ولا الرغبه فى سماع شكوى من احد
تبقى المرايا كده اولى ..

شكرا مرورك اميره ودمت بخير Very Happy

» مازالت الدنيا بخير في الهوى
» كل عام وانتم بخير
» كل عام و انتم بخير..
» كل عام و انت بخير اخي عاطف
» شكوى الى ....رمضان