مصر بهيه وابنك ياسين .. للشاعر / منصور غيضان

فيها العجايب معجزات أدب ورسم فنون

وناس العشق خدها من الحياة لمنون

حلفوا يمين ربنا م يخونوا أسوارها

لو كان جزات المحبة الموت ولو ف سجون

نيلها كان الفؤاد ووريد بيسقينا

وكان بلقمة جبنة قريش يغزينا

ولو بنسمة هوا من روحه تنعشنا

ولما نحلم نلاقى الحب ف عنينا

وهانبقى زى السهام لما العدو يهجم

لا يهمنا صواريخ ولا قنبلة تدمدم

والدم يبقى البحور أللى تسيل علقم

على اللى كل مناة يظلم ويتحكم

المصرى طول عمره بيضحى يابهية

راجل صعيدى جدع ولبسه جلبية

وابن الشمال بدلته زى الأفندية

والكل ساعة الخطر بيدفع الدية

برجك سما القاهرة سحره مالوش تانى

لما بروح عنده بالقانى شئ ثانى

ونفسى أخد الولاد ونشوف بقى الدنيا

ألاقى الرصيد خلص وده بقى حالى

يامصر يالى القمر بيطل من نورك

عليك سلام ربنا ف الحزن وسرورك

واسأل إله الكون والدمع بعيونك

يكشف بلاء مجرم دايس على زهورك

الله ينور عليك ياكبير

ايوه كده شهامه ولاد البلد

رجولتك متوقعه ..... قبلاتي

الله اكبر عليك ياعمنا واستاذنا سند

ورائع انت دائما يااستاذ منصور

**
بس انا اعرف ان بهيه قتلت ياسين؟

ههههه

اما بهيتنا بقي فمش هاين عليها حتي تقتله وتريحه منها

تيحاتي للكبار سند وغيضان

عاشق المحروسة عم عادل سند الشاعر المحترم

خليت حروف القلم تكتب عشان خاطرك

العدل فيك زينة والكل يشهد لك

وانا ف الجمال بشهد على جمال قصدك

ومنين اجيب قوة تقدر تشيل فعلك

وانت السند للضعيف بعد الإله قصدك

فين أهل الضغائن يتعلموا منك

لايمكن وصف ما تفعل وما قلته قليل جدا

كما عهدتك أخ حانى على إخوتك

دمت بكل خير

المهندس العزيز عطية شواش

دائما لاحياة بلا رجولة

قم دون رأيك فى الحياة مجاهدا

إن الحياة عقيدة وجهاد

من شعر حافظ إبراهيم

دمت رجلا

والله يا أخى العزيز الصوفاتى

لا يعلم الخبر إلا الله من الذى قتل ياسين

ولكن لنتعاهد على الحب فهو الباقى

دمت بكل أخوة

منصور غيضان كتب:: عاشق المحروسة عم عادل سند الشاعر المحترم

خليت حروف القلم تكتب عشان خاطرك

العدل فيك زينة والكل يشهد لك

وانا ف الجمال بشهد على جمال قصدك

ومنين اجيب قوة تقدر تشيل فعلك

وانت السند للضعيف بعد الإله قصدك

فين أهل الضغائن يتعلموا منك

لايمكن وصف ما تفعل وما قلته قليل جدا

كما عهدتك أخ حانى على إخوتك

دمت بكل خير

اخى الحبيب الشاعر

منصور غيضان

أقسم بالله نحن لانساوى شيئاّ بدون الحب

ونحن لانُذكر بدون الأصدقاء .

فنحن بصحبتكم وصلنا الى قمة الإنسانيه .

دمت حبيب وكبير ...

عاشق المحروسة: الشاعر الكبير

عادل سند

الحب جنة قلوب المولى جمعها

أرواح تطير ف السما والنور بيرفعها

اللى يحب الخير للصحبة يتألف

واللى ف قلبه الحسد منبوذ وبيخالف

والمولى يأمر وأمره لا نخون ولا نغدر

لأن نفس الجميل ف المشكلات تكبر

والخبث له أهله متزوقين عيرة

والقلب مليان سوادمالهش تسعيرة

ياعم عادل سند شفت اللى كان حاصل

ماشفت زيه أسى واللئم متواصل

تيجى تقول قصدك تلقاها ف الضلمة

واقفة بحتة شال ملفوف على الذمة

وانا ابن غيضان الوفى والأصل دا معدن

الشعر نبض الفؤاد واقف وباستأذن

كتبت أول سطورى وانا ف الفصول أحسن

وكنت ف الجد حافظ للحق مستأمن

شكرا عاشق المحروسة

وشكرا شعراء المنتدى الكرام

» بنستناك للشاعر منصور غيضان
» قلب الحى للشاعر منصور غيضان
» الكف حاضن فى الحجر / للشاعر منصور غيضان
» مسافة الأشواق للشاعر منصور غيضان
» بداية النور للشاعر منصور غيضان