قلب الحى للشاعر منصور غيضان

قلب الحى

بشوفك زى قلب الحى

ولما يدق تلقينى

فلوكه ف قلب موج هادر

وحرنانه تعدين

ولاقى العمر مش ليه

ولا الأيام معديه

م بين شطين بقا وميه

وعصيانه تناجينى

ومن غيرى أنا وقلبى

ف عز الليل بتلقينى

ولما أبص من طاقتى

بلاقى عنيك من عينى

وشعرك لسود المفرود

على خوفى يغطينى

وكلمة أه بسرى تبوح

وتكشفنى وتكفينى

جميله ف أنة الموال

وسمعانى ف تلحينى

وماشيه وفكرتك تنقال

وتتغنا وتشجين

ودى سيرتى وانا المسئول

ومحبوبتى ضيا عينى

وحيده ف زحمتك سيره

وبتقومى زحام سيرى

الله على جمال موضوعك وكيفية طرحه الهائله

استاذ / منصور

قصائدك الأخيره تهمس لى وتقول { ... }

ولذلك اقول لفلبك { .... } كيف ما تشاء

فأنت أهل له ...

هههههههههههههههههههه

صباح الفل وتقديرى ومودتى ...

دي بقي روعه روعه روعه

الله الله الله ماشيه زي السكينه في الجاتوه

ههههههههههههههههههه

ربنا يحميك ومتنساش الياء تاني هنا؟تعدين **تعديني**تشجين**تشجيني

بجد عجباني

صباحك فل

الأستاذ الشاعر الكبير عادل سند تقول رأيك بتواضع الكبار وعلى فكره والله مشاعر حقبقة لم تصل قلبى من قبل وأنت لمستها الله الله عليك

همههههههههههههههه

مساء الجمال

الشاعر الكبير طاهرالصوفانى تقبل مودتى وشكرى على ماتغمرنى به من صادق مرورك وأراك الرشيقه الجميله وتسمح لى أقولك أنك الكريم شانته الجاتوه تقبل مودتى مساء الجمال

الأستاذ الكبير / عادل عوض سند

فاكر تعليقك يوم نزلت القصيدة على المنتدى لأول مرة

وتذكر ردى عليها يومها

ياله ياعم إهو حدث

هههههههههههههههههههههههههههههههه

الاستاذ الشاعر الكبير / أبو قلب حى منصور غيضان

تعبير عميق عن مشاعر فياضة بين السطور

والصب تفضحه سطوره (عيونه)

دمت محبا ومتألقا ومبدع

الشاعرة النجمة / هناء سعيد

فعلا الصب تفضحه سطورة وهذه السطور هى بالفعل عيون تفضح صاحبها

دام لى أهتمامك

» تعليقا على ضد الجدار للشاعر منصور غيضان
» بنستناك للشاعر منصور غيضان
» قصيدة نداء ( أنا فلسطين ) الشاعر منصور غيضان
» مسافة الأشواق للشاعر منصور غيضان
» بداية النور للشاعر منصور غيضان