تخاريف في الحمام

الدنيا حر أوي
مش طايق حتى نفسي
رايح جاي زى الفرخه اللي عليها البيضه
نافوخي مفوخر مني وعيوني متنفخه
قولت آخد حمام يمكن أفوق شويه
دخلت تحت الدش وفتحت عليا آلميه
من عادتي ادندن في الحمام أي غنوه بحنيه
لقتني بقول كلام نازل مني
مع كل شهقه و شهقه
ويوقع مني ع البلاط ويتسرسب تحت رجليه
بيني وبينكم خفت يوصل للجيران
ويسألوا إيه القضيه
قفلت بسرعه مصفة الصرف
ولملمت لي م الكلام حبه حبه
ومسكتهم في أيدي وبصيت كده بعنيه
ولقيتني بصرخ بعلو صوتي وبقول
أااااه م اللي صابني
عين مين رمت عليه
كلامي طعمه متغير مر علقم
ولونه متغير ممزوج بين الدم والحنه
دي حنة شعري اللي شاب
ولا دا دم الشباب ولاايه الحكايه هيه
وضغطي ساعتها عـِلي علَيه
ولا بقا نافع حما ولا دش ولاغيره
ناديت وآنا مكسوف
بصوت مخنوق ع الوليه
تعالي ياستي الحقي
ولمي اللي بوقع من بين أديَه
قالت لي يا راجل خضتني
أنت أول مره تعرف الحكايه ديه
يا وليه قولي دا إيه
أنا قلبي واقع في رجليه
قالت لي يا أبو العيال يا حبه عنيه
دا وجع قلبك وسنين عمرك والضحيه
دا غسيل القلب
وطول لسانك
وذنوب كانت مداريه
وشيبتك اللي بانت عليك والرزيه

(طاهر الصوفاني)

ههههههههههههههههههههه

طب كويس والله ان كل دول وقعوا منك

الفكره جميله وانت كتبتها بمزاج عالى

ولذلك طلعت حلوه .

ما تحاولش تسيب المصفه مفتوحه بعد كده

هههههههههههههههه

الاستاذ طاهر الصوفاني

ايه ده يا عم معقولة كدة

ايه الحلوة دي فلسفة جميلة

اعتدنا عليها منك ايها المبدع

الذي يضع ما يريدة في نص

يسخر فيه حتي و لو من نفسه

تسلم الايادي يا عبقري Cool

ههههههههههههههه
أيه ده يا عم طاهر
بعد عصيدة الشيشة و عصيدة الجرجير
تيجى عصيدة الحمام
صح كده
ده التطور الطبيعي لعصيدة نثر العامية
بس يا راجل النثر مفيهوش قوافى
و مفيش وزن
خلى بالك الدش الجاي
هههههههههه

برضوا طاهر الصوفانى
هو هو بيقول العجب
جميل بكل المعانى
كل حاجه منك بصمه

» تخاريف
» تخاريف
» تخاريف
» تخاريف عيل غبي
» شال الحمام حط الحمام