نص (كوتشينه ) سيدة فاروق

كوتشينة
بيكوم ف سنين العمر
يوماتى قصاده
وينخرب فيهم
ويرص
مشاهد سوده وبيضه ويسال
ويسال نفسه ساعة أول مرة سمع الحب ينادى عليه
وساعة أول خطو بيرسم سكه طويلة أمام رجليه
وساعة لما حبيبته لمست ايده لاول مرة
وقال عنها كلام مهوش مظبوط
-بجحه ومتسرعة ومتعودة ديما
ولديها كثير م الخبرة
ولما قرت المعنى ده هو جوه عنيه
بعدت
وخسر الحب إياه
للمرة الأولى
أتعود يخسر
للان
ماسك كل سنينه كما ورق الكوتشينة
ويفنط فيها ويرمى
أربعه للأرض
ويدي أربعه للخوف
يتحرق الواد البنت الشايب الكومى
ويلم الورق الباقي
ويفنط فيه من تانى
وبرده تتحرق البنت الولد الشايب الكومى
ويعيد
التفنيط من تانى
ويحط الجو كر ف الأول
ويسال عن عمل الجو كر ف الكوتشينة مايعرفش
فيعيد التفنيط والتوزيع
وببرمي أربعه للأرض
أربعه لخياله التانى
وببرمي كل سنينه على الأرض
ويستنى ف فوره
زي الأفلام العربي أو حتى الهندي
ولا يوصلش لفوره تحدد حتى خسارته
أو أسباب لانهزما ته الضخمة
فيكوم ف سنينه للمرة العاشرة
ف قلب اليوم الواحد
ويعد
ويفنط
وببرمي سنين ع الأرض
وسنين للتانى قصاده
ويعيد من تانى
ويستنى
زي الأفلام العربي
تيجى الزفة
ويظهر كادر كبير زيطة وفرحة وقلب سعيد
ونهاية
تريح قلب الواحد
لو ان الواحد يوصل زي الأفلام العربي
زي اند

معقولة ؟!
هل هلالك
طيب و الله العيد قريب
هههههههههههه
أنت فين يا باشا ؟
و فين أعمالك الجميلة

يا سيدة قصيدتك رائعة
حقيقة و أنت من الشاعرات اللاتي
تكتبن قصيدة النثر بجمالياتها الحقيقة
و انت هنا بتردى عليا بأن فيه قصيدة نثر عامية
عموما لى مداعبه هنا فى نثر العامية
بعنوان الجرجير
يا ريت تجرجري منها حبه
هههههههههههه

[b]

الله الله على الابداع

وجمال الكلمه

نورتى ايتها القديره سيده فاروق

تحيتى لرائعتك وتفردك

واسمحى لى بتنسيق القصيده لجمالها

دمتِ بحب

ملحوظه

تثبت بواسطتى لروعة المضمون[

/b]

الصديق والشاعر الجميل /عاطف الجندى
اوحشتنا يا رجل
ما يحوشنيش عنكم غير الشديد القوى000000
ايه اخبار الامسيات عندك فى رمضان عايز اجدد نشاطى بيكم اصدقائى
كل سنه وانت طيب

اختى وصديقتى الرائعة/عزة الزرقانى
شرف عظيم لى ان يحوز عملى على اعجابك
انا عارفه انى مقصرة ف حق المنتدى بس كانت عندى ظروف يعلم الله
تقبلى ارق التحايا

قصيدة رائعة أعجبتنى
استاذة سيدة
أعجبتنى الفكرة و الصور الجميلة

نرحب بك استاذة

سيدة الأسيوطى

فى منتداك وبيتك

والعود احمد

راقنى ماكتبت

تحياتى

الاستاذه الشاعره

سيده فاروق

أولاّ : حمداّ لله على عودتك

ثانياّ : قصيده توضح حرفيه كاتبتها من ناحية

زاوية الرؤيه للموضوع مع { تفنيط } رائع

بالمفردات الخاصة بك . وهذا فى حد ذاته نجاح

يحسب لك . جميل ما خط قلمك .

تحيتى وتقديرى ...

» قصيدة شوية عضم ف قفه سيدة فاروق
» ترحيب بالشاعرة سيدة فاروق
» قصيدة بعنوان (بنت ) سيدة فاروق
» قصيدة مجرد اقتراح- سيدة فاروق
» قصيدة بالعامية المصرية-لما قالو دا ولد -(سيدة فاروق)