هذيان

على صفحات أيامي
كتبت اسمك على مهلي
نقشته في جدار القلب
زخرفته على مهلي
وحاسس انك أحلامي
واخاف الحزن يندهلي
على صفحات أيامي
بدأت أقلب اللي راح
وأعد أيام افراحي ، وقلبي كم هني وارتاح
لقيت صفحات مليانه
شجن ودموع
لقيت صفحات غرقانه
لقيت ينبوع
جريت أشرب وانا عطشان
لقيت انسان
بيشرب من دم الإنسان
مشيت مش عارف السكة
اخطي دروب تجيني دروب ، واقرا البخت وساعة ارضى بالمكتوب
وليل ورى ليل يمروا عليَه بتفاني
وأحزاني تزيد من يوم للثاني
ويجري ليلي المسعور
ويبني من عليَه سور
عليه حراس ,
حكمنا ع النهار لو بان بقطع الراس
قلاع وقلاع
وأتباع يتبعوا.. أتباع
وأنا وحدي وانا أهذي
مدينه كلها متاهات
مدينه نبضها انات
مدينة شعرها آهات
وانا وحدي ..وانا أهذي .
حلمت بنور
خرج حارس من القلعة
قفز حارس علو السور
وجروني على التحقيق
حقيقة كلها تلفيق
حقيقة ما صنعها غير أعمى مهنته التدقيق
حقيقة ما صنعها غير اصنج مهرته التصفيق
وجا الجلاد عشماوي
وانا ناوي
وخفت انوي .. يكونو يقتلوا الناوي
وجا الجلاد عشماوي
وانا ناوي .. وانا ناوي .. وانا ناوي
اهاذن هذا وأخاوي
وأجرح مرة وأداوي
وأعلق راية الشيطان
وأصنع م العذاب الحان
وجروا الحلم للساحة
امم زحمة وناس هايصة ومرتاحه
ووسط ميدان نطق ناطق علي الشان
ينفذ فيه حد الموت فوراً نفذوه الأن
(ينفذ فيه حكم الموت فوراً نفذوه الآن)
ومات الحلم..
لفوه وسط طراحه
أمم زحمه وناس هيصه ومرتاحه
تفرق اخوة الشيطان
امم زحمة وناس هايصة ومرتاح
ومر كابوس بيجرح مثل حد الموس
وجا الثاني
وتهت وسط الزحام وتهت
تاهت حتى أحزاني

الاستاذ الشاعر

زين الحسن

اظن اول عمل أقرأه لك .

أهلاّ وسهلاّ بك فى بيتك ووسك زملاء الحرف

قصيده جميله واتمنى ان أقرأ لك المزيد من اعمالك

حتى يتم التعرف الكامل .

كل التحية والتقدير ...