مساجلة بلكونة عادل

حتى الواسطة فى البلكونة ...؟؟؟

والله بقيت حاجة عجيبة ...!!!

إيه رأيكو ح أعمل مجنونة ..

وأصوت وح تبقى مصيبة

مش ح اعمل هيصة وهليلة

أصلى الطيب أحسن برده

أنا قلت اعمل حفلة جميلة

و أعزم عادل ويا سى عبده

ومعاهم أستاذ محمود

لازم برده يكون موجود

والأستاذة أم قوافى

أصل وجودها دة بلسم شافى

وعشان تبقى الحفلة بهية

نعزم فيها كمان سى عطية

ونعزم عزة ويا سى عاطف

أصلى رقيقة وكلى عواطف

أبو القوافي كتب:: باحلم بسرير ويكون هزاز
وأجيب للبلكونة قزاز
وأبروزها وأحايل فيها
أصلها من أجدعها طراز

وانا بحلم بسرير ( شيزلونج )
وببنت بتعملي مساج
والتانية خبيرة تدليك
جبتها من رحلة قرطاج

[center]

سلوى محمود كتب:: حتى الواسطة فى البلكونة ...؟؟؟

والله بقيت حاجة عجيبة ...!!!

إيه رأيكو ح أعمل مجنونة ..

وأصوت وح تبقى مصيبة

بلكونة الاحباب مش سهله
عشان بالسهل نسكنها
الف متين واحد خاطبينها
واحنا عن العالم منعنها

راح امووووت واعرف إيه جواها

وأعرف حكايتكم وياها

إشمعنى البلكونة دهيا

الكل بيتمنى رضاها ....!!!!!؟؟؟

سلوى محمود كتب:: راح امووووت واعرف إيه جواها

وأعرف حكايتكم وياها

إشمعنى البلكونة دهيا

الكل بيتمنى رضاها ....!!!!!؟؟؟

جواها احلام الشعرا
وهوى العشاق الامرا
تأمر في البلكونة تطاع
معمولة بأيد كل الخبرا

سلوى محمود كتب:: طيب لما نشوف أخرتها

مالها البلكونة ديا يا سيدى

إتعقدت ويخرب بيتها

ح اطلعلها وافتحها بإيدى

وإن بصيت جواها لقيتها

زى ما قلتم بالتحديدى

راح أتأسف وح اقول إنى

وسواسة أو مخى صعيدى

ههههههه
مع الإعتذار للأخوة الصعايدة الجدعان ...القافية تحكم

[b]وحياة امى الغاليه ياسلوى

لو شفتيها حاتغيرى منها

ولاّ فتحة شيشها دى بلوى

بس الفتحه مافيش غنى عنها

موتوا بغيظكم .

ولا تعرفوا ايه هيه البلكونه

هههههههههههههههههههه

سلوى محمود كتب:: أنا ح اسألكم حاجة مهمة

البكون ينفع تصييف

وان كان ينفع ح آجى بلمة

على شرط يكون فيها تكييف

وحأحلفكم كدة بالذمة

يكون فيه زرع بشكل ظريف

آه ياخرابى لو تشوفيها

ليله كفايه تقعدى فيها

مش حاتملّى من { طراوتها }

وحلاوة وجمال حوافيها

محمود جمعة كتب:

سلوى محمود كتب:: إوعوا تكون البلكونة ديا

سيم بينكم أو حاااجة قبيحة

أما ان طلعت حاجة مش هيا

ح ازعل منكم .....أصلى صريحة

************************

شك يا سلوي اوي وطنون

عمر ما نكتب حاجة مهينة

أحنا بنوصف ف البلكون

وبنتغزل في التراسينة

شيشها وسورها وحتي اللون

والتشطيب .. بمساجلة أمينة

دانت اسمك سلوي محمود

يعني انا ابوكي ..أدخلي شاركينا

لازم يوم راح نعزم حوده

ويشوف بلكونتى المحروده

ويشاهد فى جمال ستايرها

ودلفها الحلوه المفروده

سلوى محمود كتب:: هيا دى فزورة وحلزونة

أنا شايفاها حكاية مجنونة

وحياة أمى إن حد ما فسر

ح اطلع وح اهد البلكونة

وغلاوتك ما تطاوعك ايدك

وتهدى البلكونه { العاليه }

لو شفتيها اكيد حا تكيدك

وجمالها حا يثبت لك { غاليه }

محمود جمعة كتب:: أظرف وأطول زرع أمال
ريحتة والوانه حاجة تانية
اما التكييف مش عايزينة
هواها محتاج بس لثانية
يردالروح والفرح لقلبك
وتبطلي تصييف ف اسبانيا
بس الصيف عندنا ليومين
م الساعه سابعة لبكرة تمانية

وغلاوتك لو لمست ايدك

او شفت بعينك حلاوتها

تتمنى لا تبات جوّاها

تتلمس ايدك { طراوتها }

طارق منيب كتب:: لو بلكونتك ياعدولة من غير سور من غير نور

رغم الضلمة العتمة وأني ممكن منها أقع مكسور

لازم أدخلها وأحييك فيها وأنا بالطبع حاكون مسرور

إن معايا أطيب قلب من غير حقد ولا شرور

نفسى ياطارق تيجى تشوفها

بجمالها المخلوق ربّانى

تتمتع بالذوق فى حروفها

راح تصرخ وتقول آه يانى

أم القوافي كتب:

عادل عوض سند كتب:

أم القوافي كتب:

عادل عوض سند كتب:: اغبر يومك لونه الداكن

وبيطلب تدخل فوزيه

فى البلكونه ويادوب راكن

حا تطلّعنى وتدخل هيّه

أنا مش هدخل ف البلكونة

يكفي انك متمدد فيها

انا راح ادور على ايقونة

وامسح كل حروفك بيها

البلكونه ما تصلح ليكى

اصلها نونو يادوب حندوقه

اما الشيش لو حس ايديكى

تصبحى بينه اكيد مزنوقه

أنا شيفاك جوة البلكونة

متشعلق وف حبل غسيل

تطلب من عبد الله معونة

إنه ينور لك قنــــديل

علشان تعرف تاخد راحتك

وتعاكس في بنات الناس

أصل يادولا البلكون ساحتك

بكرة اضربهالك كام فاس

لو تنهد ما تطلب ديّة

ولا تعملها لفوزة قضية

لازم أهدّ السور العالي

أصلها بلكونة مؤذية

:

عبد الله واهو سرى معاه

طب هوّه اللى شاورلى عليها

لما الشيش كنت انا جوّاه

بتفرّج على ذوق مبانيها

أبو القوافي كتب:: باحلم بسرير ويكون هزاز
وأجيب للبلكونة قزاز
وأبروزها وأحايل فيها
أصلها من أجدعها طراز

بحلم المس بس حروفها

او { ادخل } واسمّى عليها

دا العابد لو لحظه يشوفها

حايسيب الفرض ويعنيها

أبو القوافي كتب:: وحياة أمي الغالية ما اسيبها
وأقعد فيها لأني حبيبها
وإن جت يوم تنوي تعكنني
لأجيب البُلغة وأدبها

يبقى انت ما تعرفش قيمتها

دى تبوسها وتقعد تداديها

بالراحه ترفع كسوتها

راح تفتح شيشها تبات فيها

م/عطية شواش كتب:: الأخ / عدوووووووله

إيه حكايه بلكونتك ديه

كل الناس بتعوز تسكنها

ماتوديها لمصر هديه

يمكن تقدر هيه تصونها

تديلك مطرحها لمونه

تديلك مطرحها زتونه

تديلك لحسه أفيونه

أو تقرا عليك العديه

حتوضبها وتعليها

وتجيب الأسياد ترقيها

وحتعمل قريه ف مراقيها

ياتجيبلك أمر البلديه

حتخليها عا ليها واطيها

ولا يقدر عنتر يحميها

ولا واحد م الشعرا يجيها

يمكن بس صلاح وعطيه

يانهار اسود لو يا عطيه

تلمحها وتلمسها ايديك

لو تبقى زبون للمديريه

لازم بصه تغذى عنيك

أبو القوافي كتب:

طارق منيب كتب:: لو بلكونتك ياعدولة من غير سور من غير نور

رغم الضلمة العتمة وأني ممكن منها أقع مكسور

لازم أدخلها وأحييك فيها وأنا بالطبع حاكون مسرور

إن معايا أطيب قلب من غير حقد ولا شرور

بص يا روقة
البلكونة ما فيهاش نور
ضلمة ومالهاش خالص سور
بس يا وعدي عليها يا طارق
لو تدخلها تعيش مستور

يبقى انت ما تفهمش كويس

لو قلت دى معدومة النور

دا الشق ولو شافه الريس

كان يؤمر يكسيه ببنّور

سلوى محمود كتب:: حتى الواسطة فى البلكونة ...؟؟؟

والله بقيت حاجة عجيبة ...!!!

إيه رأيكو ح أعمل مجنونة ..

وأصوت وح تبقى مصيبة

بلكونه م الصعب الاقيها

بجمالها ونسيمها الطاغى

وسرحت فى رقة تقسيمها

من شوقى رقّعت صداغى

سلوى محمود كتب:: مش ح اعمل هيصة وهليلة

أصلى الطيب أحسن برده

أنا قلت اعمل حفلة جميلة

و أعزم عادل ويا سى عبده

ومعاهم أستاذ محمود

لازم برده يكون موجود

والأستاذة أم قوافى

أصل وجودها دة بلسم شافى

وعشان تبقى الحفلة بهية

نعزم فيها كمان سى عطية

ونعزم عزة ويا سى عاطف

أصلى رقيقة وكلى عواطف

حا اعزمكم عندى ف بلكونتى

وما حدش راح يدخل فيها

راح ندخل وحناخد لحسه

وحا اغيظكم وانا حاضن ليها

محمود جمعة كتب:

أبو القوافي كتب:: باحلم بسرير ويكون هزاز
وأجيب للبلكونة قزاز
وأبروزها وأحايل فيها
أصلها من أجدعها طراز

وانا بحلم بسرير ( شيزلونج )
وببنت بتعملي مساج
والتانية خبيرة تدليك
جبتها من رحلة قرطاج

راح تنسى العالم بحريمه

لو تيجى وتشوفها معايا

وحا تصبح للعشق غريمه

وعشانها تحارب ويايا

محمود جمعة كتب:

سلوى محمود كتب:: حتى الواسطة فى البلكونة ...؟؟؟

والله بقيت حاجة عجيبة ...!!!

إيه رأيكو ح أعمل مجنونة ..

وأصوت وح تبقى مصيبة

بلكونة الاحباب مش سهله
عشان بالسهل نسكنها
الف متين واحد خاطبينها
واحنا عن العالم منعنها

[center] وغلاوتك ولا حد ساكنها

واهى فاضيه ولكن مشغوله

وانا حابب إنى أسكّنها

ولواحد وايديه مشلوله

علشان ما يلمسهاش

ههههههههههههههههه

سلوى محمود كتب:: راح امووووت واعرف إيه جواها

وأعرف حكايتكم وياها

إشمعنى البلكونة دهيا

الكل بيتمنى رضاها ....!!!!!؟؟؟

واحلف لك لو رحتى امريكا

او زرتى الهند بعجايبها

ما تشوفى فى جمال تنسيقها

او حتى اللى بفن { صاببها }

محمود جمعة كتب:

سلوى محمود كتب:: راح امووووت واعرف إيه جواها

وأعرف حكايتكم وياها

إشمعنى البلكونة دهيا

الكل بيتمنى رضاها ....!!!!!؟؟؟

جواها احلام الشعرا
وهوى العشاق الامرا
تأمر في البلكونة تطاع
معمولة بأيد كل الخبرا

جواها حا تبات تتهنى

وحا { تغرس } احلامك فيها

وحا تطلع وانت بتتمنى

لاتعود تتكشّف خوافيها

هياخلاص آخرتها يا عادل

تعشق وتحب ف بلكونة

آه يا عينى على بخته المايل

وتعالو ياهل الله شوفونا

تعالى يا دوووولة لما ارقيك

وادعيلك الله يحميك

الموضوع كدة مش بيطمن

باين فيه جنى مخاويك

» بدلة عادل - مساجلة شعرية
» مساجلة عادل أصبح جد يا ناس
» دكان عادل ( مساجلة شعرية )
» كرسي عاطف
» حبيبة عادل / ردا على عادل سند..يالا نضحك