مساجلة بلكونة عادل

طاهر الصوفاني كتب:

بلكون جارتي اليمة البحري

مفتوحه ع البحري تملي

من كتر ماسنيني ف قبلي

عقلي ماساح وصبح ترللي

***

فيها صبية جميله وبيضه

وانا بتنشق ع الحنيه

أوم من وقعة أهلي السوده

قال تزاولني كمان جنيه

***

ودي ملفوفه لفه بصنعه

وانا كان اخري ابص في زلعه

ولاليش الا المش بدوده

ولاعمريش انا زرت القالعه

***

ع البلكون منشور من مده

ست اصناف من ماركة دندش

اصفر واحمر واسود حده

خطف القلب اللي اسمه مدندنش

عادل عوض سند كتب:

اغبر يومك لونه الداكن

وبيطلب تدخل فوزيه

فى البلكونه ويادوب راكن

حا تطلّعنى وتدخل هيّه

أنا مش هدخل ف البلكونة

يكفي انك متمدد فيها

انا راح ادور على ايقونة

وامسح كل حروفك بيها

أبو القوافي كتب:

عادل عوض سند كتب:

هههههههههههههههه

يانهار ابيض لونه الصافى

جاى بيشكى لام قوافى

عملوا مساجله للبلكونه

واهى داخله وراكبه على كتافى

هههههههههههههههههههههه

بعت لها يا نمس

نهاركم لون وشكم انت وهيّه ..

أيوة بعت عشان تشاركنا
أصل الكل لابد يشارك
لازم تبقى مساجلة حريقة
لازم كله يخش يبارك

احنا صحاب ولابد نشارك

افراح دولا الحلوة يابيه

وف بلكونته هنيجي نبارك

لما هنفقسه يعمــــــل إيه ؟؟:

أنا قمت الفجر من النوم
ع البلكونة وقلت اشوفكم
بس لقيت وعيب الشوم
الحلوة سهرانه من غيركم
مستنية تلم غسيلها
لميته ليهاوقلت اساعدكم
قالت نام عبدالله وعادل
وسابوني بداري ف شيشكم

[b]أنا مش ح افهم حااااجة الليلة

أنا ماشية وح اعدللى دماااغى

وأوعدكم إن جبت التايهة

حآجى وراح تلاقونى بلاغى

وإن ما رجعتش أبدا تااانى

يبقى البلكونة جااابت داااغى

ههههههههه
تجننوووواااا

إوعوا تكون البلكونة ديا

سيم بينكم أو حاااجة قبيحة

أما ان طلعت حاجة مش هيا

ح ازعل منكم .....أصلى صريحة

سلوى محمود كتب:

إوعوا تكون البلكونة ديا

سيم بينكم أو حاااجة قبيحة

أما ان طلعت حاجة مش هيا

ح ازعل منكم .....أصلى صريحة

************************

شك يا سلوي اوي وطنون

عمر ما نكتب حاجة مهينة

أحنا بنوصف ف البلكون

وبنتغزل في التراسينة

شيشها وسورها وحتي اللون

والتشطيب .. بمساجلة أمينة

دانت اسمك سلوي محمود

يعني انا ابوكي ..أدخلي شاركينا

[b]طيب لما نشوف أخرتها

مالها البلكونة ديا يا سيدى

إتعقدت ويخرب بيتها

ح اطلعلها وافتحها بإيدى

وإن بصيت جواها لقيتها

زى ما قلتم بالتحديدى

راح أتأسف وح اقول إنى

وسواسة أو مخى صعيدى


ههههههه
مع الإعتذار للأخوة الصعايدة الجدعان ...القافية تحكم

كل ما تيجي تصلحي حاجة ..
تقعي ف غيرها
انااصلي صعيدي وجواني
واللي يجرب منا أطخه
خليكي في البلكونة ياحرمة
وبلاش مسخ كلام ع الفاضي
مخي صعيدي ودمي صعيدي
والفرر مليان مش فاضي
علشان ما ععدينا بلكون ؟؟
بوي اشتري لي واحدة و مش راضي

يادى النيلة ياسى محمود

آخر مرة ومش ح تعووود

وان جربت أكحل مرة

باعميها ف عنيها بعود

بس أنا أصلى ماكنتش عارفة

العيب فى سى عادل وسى عبود



هههههههه
مع الإعتذار للأستاذ عادل سند والأستاذ عبدالله جمعة المقامات محفوظة والألقاب كمان

هيا دى فزورة وحلزونة

أنا شايفاها حكاية مجنونة

وحياة أمى إن حد ما فسر

ح اطلع وح اهد البلكونة

أنا ح اسألكم حاجة مهمة

البكون ينفع تصييف

وان كان ينفع ح آجى بلمة

على شرط يكون فيها تكييف

وحأحلفكم كدة بالذمة

يكون فيه زرع بشكل ظريف

أظرف وأطول زرع أمال
ريحتة والوانه حاجة تانية
اما التكييف مش عايزينة
هواها محتاج بس لثانية
يردالروح والفرح لقلبك
وتبطلي تصييف ف اسبانيا
بس الصيف عندنا ليومين
م الساعه سابعة لبكرة تمانية

سلوى محمود كتب:

إوعوا تكون البلكونة ديا

سيم بينكم أو حاااجة قبيحة

أما ان طلعت حاجة مش هيا

ح ازعل منكم .....أصلى صريحة

أم القوافي كتب:

عادل عوض سند كتب:

اغبر يومك لونه الداكن

وبيطلب تدخل فوزيه

فى البلكونه ويادوب راكن

حا تطلّعنى وتدخل هيّه

أنا مش هدخل ف البلكونة

يكفي انك متمدد فيها

انا راح ادور على ايقونة

وامسح كل حروفك بيها