عشق ماريا بقلم الجميل جابر سلطان

زقت مروحة الباب

دخلت والنور ف ضباب

فاقت عين خمار البار

هلل وقابلها بترحاب

سألت والشوق جوة عنيها

عازف علي رمش النغمات

المن مجاش؟؟

زد الخمار

وبمكر خواجة

قالها قصدك زوربا المصري

اللي جميع كوتشينتوا بنات

لسه ياهانم علي شوف ساعتي

قدامة ست سبع دقيقات

اصل المن نجم شباب

وقت ظهوره تظهر لاعجاب

تظهر كل بنات الصالة

والكاس يرقص والخمارة

والكونياك يسقي الاحباب

غضبت لفًت خرجت مالباب

اتفاجئت بعيون المن

واقف بيسلم عاصحاب

فرشتله عنيها

سرير ومراية حب

واتحرك فيها القلب

يدب-- يرقص ويشب

وكانه ف ليلي الشوق عيًل

عيل بيشابي علي اللي يحب

والمن لئيم

المن مفيش ف دماغه

غير وش ماريا

ويمام النهد السناري

والبنت عزيزة البيضه

الساكنه قصاده ف حي الحجاري

المن مفيش ف دماغه حريم

غير وش ماريا وقذاذة الخمرة

وكاسين ونديم

وقصيدة شعر

يبداها الاخطل علي شط زيزينيا

ينهيها الجاحظ علي شط جليم

المن مفيش في دماغه حريم

لكنه ان غاب واتمرجح علي مرجيحة الخمرة

ترقص حوليه نسوان بحري وبنات بحري

والشقرة تزرغط والسمرة

يفرشوا ملاياتهم

تحت كعابه

يرقصوا حواليه يحيوا شبابه

ينط ويرقص زوربا التاني

زوربا اللي جزوره ف موج بحري

مش زوربا اللي جزوره يوناني


وتفوق العاشقة من حلم المُن

علي طرف لسانها الشوق بيحن

تنده عالمن

والمن لئيم

المن مفيش ف دماغه حريم

مافيش ف دماغه

غير وش ماريا

وقذاذة خمرة

وكاسين ونديم

وقصيدة شعر

يبدأها الاخطل علي شط زيزينيا

يختمها الجاحظ علي شط جليم

لكنه ف عشق ماريا

راهب وحكيم


جابر سلطان

الابن العزيز الغالى الشاعر الجميل المتميز جدا
الاستاذ نور الدين الشريف

تحياتى وتقديرى وشكرا على امتاعنا بتلك القصيدة الرائعة
لاستاذنا العملاق الشاعر الكبير جابر سلطا ن 0 شكرا
جزيلا مرة اخرى على هذا الوفاء 0وشكرا لا ستاذنا جابر
شلطان على هذا الابداع 0

ودمت بكل خير ومحبة وسعادة وداتم ابداعك الرائع 0

عم فوزي والله انت اللي جميل

الواحد من غيركوا مش عارف كان هايعمل ايه ربنا يكرمك ويبارك في عمرك