زجل قديييييم { كفايه ياحوا }

يا حوا تانى أنا حا اكتب لك

مش راح اسيبلك

وكل غلطه أنا بحسب لك

مطرح ما بروح

لابد يوم تصحى تفوقى

يا جمال سوقى

دا بكره للشيبه تدوقى

والحُسن يروح

على إيه تغطى وبتعرّى

عايزه تسرّى ؟؟

على قلب منكم متبرّى

لطلوع الروح

إيه اللى مقصود رسّونا

لو تنسونا !!

وتبطلوا ف يوم تأذونا

وتملونا جروح

إيه اللى بيدور ف عقولكم ؟؟

طب إيه قولكم

دا نفسنا ف يوم نلاقولكم

لو أى وضوح

بشوف شعورك لمّاها

أو فرداها

عالكتف نازله بتتباهى

خلتنى أحتار

وأشوف حواجب عالفتله

ورموش قاتله

وعيون ما هيش عايزه مجادله

تفشى ف أسرار

والخد مدهون بعنايه

لمسه كفايه

أجيب ورق ويّا دوايه

وأكتب أشعار

والبُق سبحان من شقّه

ودا من حقّه

صابغاه عشان ما احنا نطقّوا

بيبُك شرار

والنحر من أحلى ميزاته

خاص بذاته

ولونه غير لون حزّاته

زى الجمّار

وحاجات كتير منّك بارزه

عايزه مبارزه

وعيون شباب بصّه وعايزه

لو خشّت نار

وبنطلون فسّر كلّه

نفسى اقول له

يشرح لى إزاى يدخل له

الجسم منين ؟؟؟

لابسينه ولاّ دا لازقينه ؟؟

الله يعينه

قماش ولكن حاسدينه

ملزوق فى عجين

عجين بجد ومتخمّر

لمّا إتقمّر

على صنف آدم يتأمّر

قال مش عايزين

صممتوا ليه طب تغرونا ؟؟

وتورّونا

حاجات وبيها تجرّونا

للآخره الطين

دا بكره من شبكه ودانتيل

تعمل بناطيل

عالجسم شكله حا يبقى جميل

وإحنا موافقين

ساعتها راح نشكر أبوكى

واللى جابوكى

علشان ما عرفوا يربّوكى

عرّوا النصين

ما انتم صحيح أكبر فتنه

بتـــفتـــفـتنا

ضاعت هيبيتنا إتزفتنا

خلفة شياطين

وبيكو أحلف ما اتشعلق

برضه أبحلق

وذنوب عليّه بتتزحلق

وأهرب أنا فين ؟؟؟

يارب يا خالق فيّه

قلب هفيّه

طب حوا ليه مستعفيّه

وقوية عين ؟؟

يارب بدعيك تهديها

وتهدّيها

يا إمّا فى مصحه أرميها

ويّا المجانين

أحسن ما نتتجنن إحنا

بعد ما سحنا

فى مجتمع كلّه ماسحنا

بالموضه الشين

بالذمّه إيه سبتى لبعلك ؟؟

بعد ما باعلك

كرامته واصبح يتبعلك

دلدول مسكين

رجاله إيه بس ياربى

اللى تربّى

حريم ما تعرفش تخبّى

كما قال الدين

الله يعوض عالنخوه

يا شناب رخوه

حداد دقيقه مع الأخوه

عالناس الزين

[b]29 / 1 / 2001

[b]

الله الله

زجليه كلها نقد لذيذ لحوا بس المعنية بالكلام
بس اكيد مش كل حوا كده ,
أعجز وربى امام كلماتكم البديعه عن التعبير

سلمت شاعرنا القدير \عادل عوض

كلماتكم ساحرة كما عودتنا ولا املك امامها غير

كل احترام وتقدير

ههههههههههههههههههههههههههه

الشاعر الرائع والمبدع القدير

الاستاذ عادل عوض سند

أبى العزيز رغم ان الكلام على الستات

لكن بجد ارفع لك القبعه احتراما

على نقلك بعض الصوره بأسلوب

ساخر جدا اضحكنا وامتعنا

وانا من اول الواقفين معك دقيقه حداد

على راى ممثل مش فكراه

قال الله يرحمك يا رجوله

العيب مش ف الستات بس زى ما قولت

العيب ابى يمكن فى اصول التربيه

رائع ما خطه قلمك من جمال وابداع وفن راقى

تقبل ودى وتقديرى

مالك يادولا بس بحوا

وليه عليها بتتقوى

هو انت تقدر تستغنى

بعبيرها ديما تتهوا

هىَ الهوا

عطر النسمات

هىَ الأنين

ويا النغمات

وياويل اللى يعيش

من غيرها

ويفوت جمالها وتدابيرها

صدقنى يندم وليومه

وقابلنى لو قابل غيرها

شاعرى المفضل جراح الحرف

عادل عوض سند

رغم ان كلامك ضدنا

لكن اكيد بتحبنا

ولا نقدر نستغنى عنك

ولا عمرك تستغنى عننا

دمت بكل ابداع وفن

دمت بكل حب

تثبت القصيده بواسطتى

لروعة الحرف

هههههههههه
ايه دا كله ايه دا كله ؟
قصيدة رائعة يا أستاذي
عادل عوض سند
بجد اسفدت منها و عجبتني أوي
دمت للابداع الجميل يا جميل
شكرا لك و لاضافة الشاعرة المحبوبة
عزة الزرقاني
محبتي لكما Very Happy

ألزجال القديييييييييييييييييييييييييييم / عادل سند

إيه ياعم الجمال ده ؟؟؟ بيرم ياولاد 00000

ولكن ألا تعلم ياشاعر أنه ليس للمرأه إلارغبه واحده وهي أن تتزوج

وما ان تتزوج حتي يصبح لها رغبه في كل شئ

آخر أمرأه قابلتها كانت عيناها تأمراني بحبها 000 ولكن فمها منعني من ذلك

تحيات زجال جديييييييييييييييييييييييييد

رائع دائما يا عمنا
زجل جميل و يحتاج لكلام كبير
لى عودة يا عمنا
صباحك فل

الله عليك عجبنى الاسلوب والعرض انا بكون مستمتعه وانا برقا لحضرتك

الاستاذه الجميله

بسمة الورد

طبعاّ مش كل حوا كده .

إنما أنا كتبت هذه الزجليه لتدهور القيم والتبرج الفاضح

لبعض بنات هذا الجيل . وبيقولوا البنطلون ستره .

هههههههههههههههههههههههه

شرفنى تعقيبك الجميل الندى وكلماتك التى أضاءت متصفحى

كل الشكر والتقدير يا بسمة الورد ...

والله العظيم انت ملكش حل
ولا حتى في الكتب الخارجية
انت معادلة صعبة
الأستاذ عادل عوض سند
ممكن راسك ابوسها ؟

الابنه الحبيبه

اميره البدرى

فعلاّ العيب ليس فينا .. إنما العيب على من استهتروا

فى الرقابه على بناتهم فتركوهم يرتدون ما يلفت النظر

وما يثير الشباب { والعواجيز أيضاّ }

هههههههههههههههههههههههههه

شرفنى مرورك الرائع الذى سرنى واسعدنى .

كل الشكر والتقدير ابنتى اميره ...

الاستاذه الشاعره

عزه الزرقانى

حوا السبب فى اللى جرالى

طب وانا مالى

ماهيّه عريانه قبالى

وف كل مكان

دا حتى وانا جوه الجامع

شايف .. سامع

والعين بتزرف ف مدامع

حايصيبنى جنان

شوفوا لكو حل ف اجسامكم

باينه مسامكم

واحنا واقفين قدامكم

وناقصنا حنان

*************

رداّ على كلماتك الجميله وتفاعلاّ مع تعليقك الرائع

كل المودة والتقدير لحضورك المشرف ...

الاستاذه الاديبه الكبيره

البتول العلوى

اسعدنى تواجدك المشرف لقصيدتى المتواضعه

وكم سعدت بمرورك الواعى واحمد الله ان راقتك

كلماتى ومضمون ما قدمت من نقد لما نراه اليوم

من تقدم مزرى فى موضة قد تؤدى بشبابنا الى الهاويه

تقبلى منى كل المودة والتقدير لمرورك العطر ...

الاستاذ الشاعر الكبير

م / عطيه شواش

بيرم مره واحده . ربنا يكرمك

دا احنا لسه بنتعلم يا عم عطيه . وبعدين حا نيجى جنبك ايه ؟؟

انت كتبت :

آخر أمرأه قابلتها كانت عيناها تأمراني بحبها 000 ولكن فمها منعنى من ذلك

العيون امرتك والفم منعك . طب مش يمكن كان بقها كبير

هههههههههههههههههههههههههههه

صباح الفل والنرجس شاعرنا الكبير

شرفنى وجودك على قصيدتى وكلماتك الجميله الدافعه للبسمه

كل الشكر والتقدير على هذا الحضور الراقى ...

عمنا الجميل عادل

دا لو سمحتلي اقولك ياعمي

والجمال والله هو كلامك حقيقي انت انسان جميل حس ومعني

فاكر فرقة المصريين بتاعة هاني شنوده واغنية يوم بعد يوم بيجينا حجات؟

فاكر اللحن بتاعها

طب غني بقي الكلام ده علي نفس الرتم والايقاع واللحن

وقلي اي الكلام احلي؟

ياخساره فين هاني شنوده وفين من يلحن او حتي يفهم في الكلام ومعناه

تحياتي ياعمنا

**********

يا حوا تانى أنا حا اكتب لك

مش راح اسيبلك

وكل غلطه أنا بحسب لك

مطرح ما بروح

لابد يوم تصحى تفوقى

يا جمال سوقى

دا بكره للشيبه تدوقى

والحُسن يروح

على إيه تغطى وبتعرّى

عايزه تسرّى ؟؟

على قلب منكم متبرّى

لطلوع الروح

إيه اللى مقصود رسّونا

لو تنسونا !!

وتبطلوا ف يوم تأذونا

وتملونا جروح

إيه اللى بيدور ف عقولكم ؟؟

طب إيه قولكم

دا نفسنا ف يوم نلاقولكم

لو أى وضوح

بشوف شعورك لمّاها

أو فرداها

عالكتف نازله بتتباهى

خلتنى أحتار

وأشوف حواجب عالفتله

ورموش قاتله

وعيون ما هيش عايزه مجادله

تفشى ف أسرار

والخد مدهون بعنايه

لمسه كفايه

أجيب ورق ويّا دوايه

وأكتب أشعار

والبُق سبحان من شقّه

ودا من حقّه

صابغاه عشان ما احنا نطقّوا

بيبُك شرار

والنحر من أحلى ميزاته

خاص بذاته

ولونه غير لون حزّاته

زى الجمّار

وحاجات كتير منّك بارزه

عايزه مبارزه

وعيون شباب بصّه وعايزه

لو خشّت نار

وبنطلون فسّر كلّه

نفسى اقول له

يشرح لى إزاى يدخل له

الجسم منين ؟؟؟

لابسينه ولاّ دا لازقينه ؟؟

الله يعينه

قماش ولكن حاسدينه

ملزوق فى عجين

عجين بجد ومتخمّر

لمّا إتقمّر

على صنف آدم يتأمّر

قال مش عايزين

صممتوا ليه طب تغرونا ؟؟

وتورّونا

حاجات وبيها تجرّونا

للآخره الطين

دا بكره من شبكه ودانتيل

تعمل بناطيل

عالجسم شكله حا يبقى جميل

وإحنا موافقين

ساعتها راح نشكر أبوكى

واللى جابوكى

علشان ما عرفوا يربّوكى

عرّوا النصين

ما انتم صحيح أكبر فتنه

بتـــفتـــفـتنا

ضاعت هيبيتنا إتزفتنا

خلفة شياطين

وبيكو أحلف ما اتشعلق

برضه أبحلق

وذنوب عليّه بتتزحلق

وأهرب أنا فين ؟؟؟

يارب يا خالق فيّه

قلب هفيّه

طب حوا ليه مستعفيّه

وقوية عين ؟؟

يارب بدعيك تهديها

وتهدّيها

يا إمّا فى مصحه أرميها

ويّا المجانين

أحسن ما نتتجنن إحنا

بعد ما سحنا

فى مجتمع كلّه ماسحنا

بالموضه الشين

بالذمّه إيه سبتى لبعلك ؟؟

بعد ما باعلك

كرامته واصبح يتبعلك

دلدول مسكين

رجاله إيه بس ياربى

اللى تربّى

حريم ما تعرفش تخبّى

كما قال الدين

الله يعوض عالنخوه

يا شناب رخوه

حداد دقيقه مع الأخوه

عالناس الزين

الاستاذ الشاعر الكبير

عاطف الجندى

نورت صفحتى يا رجل . يااااااه من فتره كبيره

لم اراك على اعمالى . مرحباّ .. مرحباّ ..

وعلى فكره انا ياما سمعت منك : ولى عودة إن شاء الله

وبستناك وما بتجيش عل يكون السبب خير .

عموماّ انا حا استناك بس ما تغيبش والنبى علشان عندى مشوار مهم

تحياتى الى ان تعود . دا يعنى لو جيت

هههههههههههههههههههههه

الاستاذه الشاعره

منة الله خليفه

اشكرك على مرورك واشكر كلماتك

وانتى انسانه ذواقه للكلمه وهذا يسعدنى

كل المودة والتقدير لحضورك الندى ...

الاستاذ الشاعر الكبير

حسام خليل

اشكر مجاملتك ايها الانسان الخيّر الرائع

كلماتك اخجلتنى وجعلتنى عاجز عن الرد ولا اجد

ما يليق بمكانتك الكبيره عندى .

كل الشكر والمودة والتقدير لشخصك الكريم ...

الاستاذ الشاعر الكبير

طاهر الصوفانى

نعم اتذكر تلك الكلمات واللحن ايضاّ

وبالفعل يوجد توافق فى البحر والتفعيله

وهذا الزجل كُتب من نفس البحر ولهذا انت

تنغمت به فوجدته متوافق تماماّ .

اشك وعيك الكامل بالكلمات والمعنى .

واشكر تواجدك الذى انتظره على اعمالى .

كل الشكر والتقدير اخى طاهر ...

أستاذ الكل عادل عوض سند

والله مش عشان أنا صعيدى ومعاحبش غير الجد حبيت كلماتك..

ولكن لأنى استمتعت كتير بجمال الحرف وحرفية الكتابة , التى تنساب فى الروح

والعقل , ولأنك قلت كل ما فى نفسى ونفس كل واحد عنده دم..

بطريقة ما يحلمش بيها أجعص جعيص فى الشعر والزجل يا رجل

معلش, إضافة بسيطة: انت خليتنى حاحب الشعرالعامى أكتر وأكتر

تقبل مرورى أيها الشاعر العملاق

الاخ الحبيب فارس الفصحى

محمد القبيصى

والله اسعدنى مرورك وتعليقك اكثر من سعادتى

بنشر تلك القصيده وجاءت كلماتك موافقه ما اقصده

من النقد الخفيف للاوضاع المقلوبه فى زمن قل فيه

الحياء وتفشت فيه الفتنه والتى باتت فى حياتنا اليوميه

كالهواء . اشكرك اخى محمد واحمد الله ان راقتك كلماتى

وتقبل منى كل الشكر والتقدير ..

استاذ الاساتذة أخي الكريم الشاعر المبدع دائما عادل عوض سند ..اعتذر عن التأخير كنت على شواطيء مطروح بدون نت ... جمعت في تحفتك الرائعة سخرية بيرم اللاذعة وروح عادل سند التي تري ما لايراه غيرها ..مزجت الاثنين في كأس تذهب عقل المعجبين أمثالي بكل ما تكتب ..هي حقا تحفة فنية رائعة ..قد لا أجد الكلام الذي يمنحها ما منحتني من جمال ودهشة فسامحني ...دمت استاذا رائعا عملاقا ..تقبل خالص تقديري وأحترامي

الاستاذ الشاعر الكريم

محمود جمعه

حمداّ لله على سلامتك وأجازه سعيده إن شاء الله

نورت المنتدى بعودتك وتعليقك الاكثر من رائع

وبالفعل ولاننى كنت فى فترة من الفترات متأثراّ

بالشاعر الكبير بيرم التونسى كنت اكتب الزجليات

فى النقد الإجتماعى ولكن بروحى انا وبعينى أيضاّ

اشكر مرورك الكريم وكلماتك الدافعة لى واتمنى ان

اكون قد وُفقت فى نصى هذا .

كل الشكر والتقدير على حضورك المنير لمتصفحى .

وحمداّ لله على سلامتك ...

الشاعر الجميييييل جدا

عادل عوض سند

أيه الحلاوة دي

على فكرة انا ما بكتبش شعر

بس شعرك جميل وبينقد بشكك جميل
فكرني ببيرم التونسي
والزمن الجميل بتاعه
أما بالنسبة للنخوة
الله جاب الله خد الله عليه العوض

تقبل تقديري واعجابي

رمضان فتحي /متذوق

اسناذي القدير\عادل عوض

الله علبك زي السكر قول تاني اكتر
يا عسل يا مليح

سهرت بكلامك افكر واسهر اكتر
مبدع بصحبح

أحلفك لتقول تاني شعر اغاني
وغزل ومدبح

الله ينور عليك يا عمنا ودمت لنا

بكل خير وحب وود واخلاص

تعلمنا منك وما زلنا نتعلم

تقبل مروري المتواضع
ابو سرحه Very Happy

» مقاطع من ديوان ( يانا يانتى ياحوا )
» كفايه عك
» كفايه
» كفايه
» كفايه كدا