تعديل ( معــــــــاكــــــي )

معـاكـي
كلمات : طه علي الدين
معاكي بشوف كل الحاجات حلوة
وبسمع صـوت همستك غنوة
واعيش كل حالات الضعف
وضعفــي يتقلــب قوة
قبلك كانت دنيتي
صورة
بهتانة اللون ومكسورة
وأحلامي في صدري
محصورة
جيتي و فجــرتي السكات جوه
هعيش ليكي وعلشانك
انسيكي كل أحزانك
قنديل ينور شطآنك
في عــز البرد والنوة
وتجيني وحي أشعاري
شموسة بتنور داري
ننوسة تشوري وتختاري
ألبــي فـي اللحـظة والتوة
تجيني صبرة صبارة
ريحانة صبح عطارة
تنعش شباب قلبـي يتقوى
واشوف فيكي الحاجات حلوة
وأسمع صوت همستي غنوة
********

الاستاذ الشاعر طه جميل ماكتبت دومت بالف خير
حسنى شاكر

الاستاذ/طه

كلمات رائعه جدا

سلمت الايادى

دمت متميز

لك منى اجمل تحيه