الشاعر الكبير صلاح فتح الباب

الشاعر الكبير صلاح فتح الباب من مواليد شبرا الخيمة بمحافظة القليوبية
• محرر صحفى فى جريدة الحياة
• عضو جمعية الأدباء بالقاهرة
• عضو نادى الآداب بقصر ثقافة المطرية
• أمين مساعد الحزب الوطنى الديمقراطى
• عضو مجلس إدارة مركز شباب سليم
• مؤسس جمعية الرواد بقصر ثقافة شبرا الخيمة

• حاصل على جوائز :
• جائزة الشعر على مستوى الجمهورية عام 1976
• جائزة عيد الفن من رئيس الجمهورية عام 1979
• جائزة الفنون والآداب بالقليوبية عام 1982

الشاعر الكبير صلاح فتح الباب يتوسط الأديب إبراهيم خليل إبراهيم والشاعر الكبير فؤاد حجاج

الشاعر الكبير صلاح فتح الباب حاصل على دبلومة الدراسات العليا فى الإعلام العمالى من الجامعة العمالية عام 1990 م وشارك فى البعثات الثقافية لاتحاد عمال مصر وزار العراق عام 1990 م
ومن ديوانه ( أحضان الصمت ) نذكر قول الشاعر :
الهوا الطاير دواير بتحاصرنى
كل دايره مرحلة تعصر كيانى
أبتدى وياها أسبح من جديد
فى الهوى مره .. ومرة فى الفراغ
زى ريم البحر من موجة لموجة
فوق رمال الشط ببدأ وانتهى
السما فوقى وقاع البحر تحتى
بتحاوطنى دوامات
مهجتى متعلقة بين المدى واللانهاية
والهدف قدام عنيه
بس فاقد قوتى
قسمتى أفضل على طول المدى
جوه الهوى جوه الدواير
كل دايره مرحلة تفقدنى وزنى
تسلبنى الإرادة
نص عمرى ضاع وأنا فـ نفس المدار
والزمن مارد بيرمح ليل نهار
قلبى زى البحر مليان بالجواهر
بالمخاطر .. بالأسى .. بالذكريات
قربى فكى رموزه
أفتحى شباك فى كهفك
يمكن النسمة تشعلل ذكرياتك وتناديكى
إرجعى ليا وليكى
طلعى الفجر اللى حابساه جوه صمتك
رجعى لقلبك كنوزه
وإرجعى لعهدك وعهدى
سنبله من غير حجاب
فتنتك إعصار بيجتاح الحواجز
سهم نافذ
من ورا الحصن اللى ساتر كبريائك
نظرتك ليا بتفتح ألف باب
حركى المدفون وراها
أنزعى م التلج قلبك وارحميه
إنتى إيه ... ؟