يوميات إنسان

حياتى ايه غير تفاصيل مبهمة
بالمشاكل والهموم متلغمة
نبدأ بيومى من الصبح لحد أما أنام
ونشوف بتعدى إزاى الأيام
بصحى الصبح من النوم
أغسل وشى وأصلى وألبس الهدوم
وأطير على الشغل زى الرهوان
أشتغل فى الشمس
إللى منها مخى جاله جنان
ومديرى قاعد تحت التكييف
قاعد فى الروقان
وقعدت إشتغلت إشتغلت
وقولت آه دأنا تعبت
قومت قعدت وريحت
قام عدى المدير
اللى ليه عندالموظفين كل التوقير
قام قال خصم يومين يا عبد الرحمن
قلتله ليه دأنا شغال مقلتش تعبان
قالى أمال بتستريح ليه
قلتله مأنا تعبت يا بيه
روحت عشان أكل وأنام
وأستريح من الضغوط والألآم
وطبعًا أكلة كل يوم
بصارة كلت وجريت على النوم
وجت أم محروس
عايزة فلوس
للأكل والشرب وللدروس
أعمل نفسى نايم وتعبان
بس هى تتكلم وتنده يا عبد الرحمن
أصحى وأقول ممعيش
تقولى يا عبدو هات وما تفتريش
أقولها والله ما معايا فلوس
أنا فقير يا أم محروس
وأفتح التلفزيون ألاقى خراب ودمار
وناس بتحارب للإنتصار
وآخرتها تموت ويموت فى بلادها العمار
وأقعد أنا أعيط أعيط
من الناس اللى بتعانى وبتصوت
وباليل أخش أنام على آخرى هلكان
تعبان من حياة جابتلى جنان

شكرًا لك أستاذة أميرة وأتمنى منك متابعة مواضيعى وإرشادى ولك كل الشكر

الشاعر الاستاذالواعظ مصطفي حمتو ..لديك افكارك واصرارك وروح الشاعر الجميلة .. بمتعابتك واطلاعك ومداومتك على قراءة تجارب الشعراء سوف تكتسب تدريجيا مزيدا من الاحساس بالوزن والموسيقي الداخلية ..على طريق التفوق ان شاءالله تقبل تحياتي ودمت متألقا

شكرا لك أستاذى محمودجمعة الشكر كل الشكر لك
دمت بخير وسعادة

الشاعر الواعظ مصطفى حمتو
خاطرتك جميلة ومعبرة عن الكثير من الاحداث اليومية التى نمر بها جميعا

تحياتى

شكرا لك دكتورة أسماء