صرخة رضيع يرحمهــا مين ..؟....ضياء الدين البري

السلام عليكم .. مجرد رأي

كلام من قلبي

.....

صرخة رضيع يرحمهــا مين ..؟

...........

لو تفتكر

أيام ماكنا صغيـّرين

كانت حياتنا كتيرعبر

تاريخ ولازم نذكروه

وننـْصِفْ الحق المبين

عشنا زمن ، الله عليه

قانعين وربك كان مُعين

عايشين بيحكمنا الضمير

ولا كانش فيها يوم كدر

القدوه دورها كان يسير

بيعرّفونا الخير منين

في قلوبنا دايما يزرعوه

والشر ما احتاجنا اليه

إن كان بقصـد أو بغيـر

كنّــا جميعا مبسوطين

كات الحياه ، شمس وقمر

راسْمـَه علي جبينا الحنين

لأُم الولاد الشقيانين

أهل الشهامه والأصاله الطيبين

تــَعـَبِ النهار ، كان شيء يهون

وييجي ليلها يحبـسوه

راضيين بقسمة ربنا وكله بـْقـدر

دايسين علي هـَـمْ السنين

ساجنينه متربـّط إيديه

كل أدان بيعــذبوه

أطرش ومتـْخزّق عنيه

وكان ابويا زي ابوك

فقير وطالع إبن ابوه

عاشوا حياتهم قنـْعانين

رغم حالتهم علـّموك

وبعزّة الشهم الفقـير

طلعوا الولاد الموزونين

ع الباشا وفْ لحظه شالوه

من غير أذيّـه أو شرر

برّه الوطن ، وفْ يوم نافـوه

لأنه كان ذئـب وخطر

وكانت جوءه كتير حواليه

ماتعرف ليهم ملـّه ودين

طايحين في الدنيا وضحكوا عليه

وايديهم طوْلت ع المساكين

ناهبين أرزاقنا ولا المساعير

وبعد ماكانوا كتير عبدوه

سابوه في الأزمه لأنه أسير

اتـْـبرّؤا مِنـُّه ساعتها داسوه

بشهادة العــدوْ كبرنـا كتير

ودوقنا الفرح وخدنا عليه

لما فتونا شوية غجر

إلا وفيه ..!

شيطان جديد بينا ظهر

واتلمت شلـّه كتير تلاغيه

إسمه الروتين

مولـود بشكل ولون غـِـبـِر

وعلـّموه

إزاي يخللي العيشه طين

وحفـّـظوه

شكل القانون المعتبر

وقالوا لو روح انت الأمين

ويأكـّلوه

الميته واللحم القذر

ويشـرّبوه

دم الغلابه المظلومين

من يومها والحال افتقـر

والناس عقـولها بقت تـتـوه

علشان غلابه ومحرومين

أصل الروتين ، أعمي البصر

ولسانه برّه طول إيديه

وإيديه بتـِطـُولْ ع السمين

وكل دا ع المطحونين

عشان كدا راحوا وْجابوه

خلوه يشـرّح في البشر

كتير نشوفهم عريانيــن

عايشين غلابه في الحفـر

حتي الصفيح م الجوع باعـوه

صرخة رضيع يرحمها مين

جوّ البطون الجوع كفـر

الرحمه تكفي المقهورين

خلـّيتوا أيامنا عبر

فين الإئمه والأساتذه الموهوبين

فين الأحبه للبلدي ومخلصين

بالمختصر...

عاوزين نقول الحـَقْ فين

واللي بيحكي يكون أمين

واللي يشوف حد انسعر

مش مالي عينه الا الضرر

واللي يضيّع حق اخوك

ياريت تقوله منين جابوك

من غير مقاوحه يبعدوه

هوّ الروتين ، روحوا ادفنوه

علشان نعيش نبقي بشر

...............

أشكركم

وللجميع تحياتي

الله عليك جميله جداا وكلها احساس
ماشاء الله
تحياتى وتقديرى Very Happy

سامح الكومى كتب:: الله عليك جميله جداا وكلها احساس
ماشاء الله
تحياتى وتقديرى

السلام عليكم .. مجرد رأي
كلام من قلبي
الشاعر الرائع ..أ/ سامح
احترامي وتقديري

مرورك الرائع علي كلماتي شرف عظيم
وتعليقك الراقي اسعدني
كل الشكر والتقدير
وللميع تحياتي

الاخ الشاعر

ضياء الدين البرى

الروتين والقوانين والقيود التى صنعتها القوانين .

ووحوش ماتعرف رحمه . وناس من دم الناس بتتغذى

وحاجات كتير تلفت الحياه واصبحنا مهمومين .

والحل فين ؟؟ سؤال سألته ومافيش إجابه .

فقصيدتك اظهرت كل ذلك ولكن ربما يستجب لنا الله

دعوانا وإصلاح احوالنا .

لك منى كل التحية والتقدير ..

عادل عوض سند كتب:: الاخ الشاعر

ضياء الدين البرى

الروتين والقوانين والقيود التى صنعتها القوانين .

ووحوش ماتعرف رحمه . وناس من دم الناس بتتغذى

وحاجات كتير تلفت الحياه واصبحنا مهمومين .

والحل فين ؟؟ سؤال سألته ومافيش إجابه .

فقصيدتك اظهرت كل ذلك ولكن ربما يستجب لنا الله

دعوانا وإصلاح احوالنا .

لك منى كل التحية والتقدير ..

السلام عليكم .. مجرد رأي
كلام من قلبي
أخي الفاضل .. الشاعر القدير .. أ / عادل
احترامي وتقديري

واشكر حضرتك دائما علي المتابعه الدائمه .. وتعليقاتك التي
تريح النفس وتحرك الضمير .. وتشجع علي أكتب وافضفض
عن ما بداخلي .. فرغم أن هذه الكلمات .. لم تلقي الاهتمام
إلا من خلال حضرتك والأستاذ / سامح الكومي
إلا أنني سعيد جدا بمروكما عليها .. واتمني لو أن هناك أي قصور
من وجهة نظر حضرتك .. أتمني أن أقرأها هنا في تعليق ..
وأكرر الشكر لحضرتك أستاذنا الفاضل
وللجميع تحياتي

ودائما مواضيعك رائعه

وافكارك متجدده

سلمت وسلمت يداك

دمت بكل حب وابداع

[b]

فين الإئمه والأساتذه الموهوبين

فين الأحبه للبلدي ومخلصين

الله عليك يا أستاذ ضياء

نسأل الله أن يصلح أحوالنا
شكرا على هذا الإبداع
طبت ودمت لنا بكل خير

الشاعر الرائع ضياء الدين البرى

قصيده اكثر من رائعه

نزف قلمك كلمات مليئه بالحزن والالم

ضغطت بكلماتك على مواطن الوجع

أظهرت كلماتك اوضاع كثيره غير مرضيه

كتبتها ببراعه وحرفيه جميله

أشكرك على هذه القصيده الرائعه

دمت بكل سعاده

الشاعرة عزة الزرقانى كتب:: ودائما مواضيعك رائعه

وافكارك متجدده

سلمت وسلمت يداك

دمت بكل حب وابداع

[b]

السلام عليكم .. مجرد رأي
كلام من قلبي
الأستاذه الفاضله .. الشاعره القديره م عزه الزرقاني
احترامي وتقديري

واشكر لحضرتك دائما علي المرور الرائع .. وتعليقاتك التي
تسعدني دائما ،
والتي دائما أنتظرها

أكرر الشكر مع الاعتذار عن التأخير في الرد
وللجميع تحياتي

حسام خليل كتب:: فين الإئمه والأساتذه الموهوبين

فين الأحبه للبلدي ومخلصين

الله عليك يا أستاذ ضياء

نسأل الله أن يصلح أحوالنا
شكرا على هذا الإبداع
طبت ودمت لنا بكل خير

السلام عليكم .. مجرد رأي
كلام من قلبي
أخي الفاضل .. الشاعر الرائع / حسام خليل
احترامي وتقديري

واشكر حضرتك علي التواجد الرائع علي صفحتي
وتعليقاتك الراقيه

أكرر الشكر
وللجميع تحياتي

» يااااااااااااااااأمتي....ضياء الدين البري
» ياريت ......ضياء الدين البري
» مـش بــإيدي .. ضياء الدين البري
» من غير إحم يابا .. ضياء الدين البري
» من غير دليل .. ضياء الدين البري