أمنية (من فن الموال )

وياما كتير بلاقى قلوب ماليها النوح

ومش قادرة ولو مره بألمها تبوح

وتطوح شمال ويمين منين ماتروح

عشان سارحه ف أحزانها

وطبت كفه ف ميزانها

وزادت عنها أوزانها

من الحيره وم التجريح بتتمنى طلوع الروح

آه والله وأيوه صحيح
بتتمنى طلوع الروح
بطلوع الروح
---------------
الله عليكي يارشا
شكرا على الإبداع

الشاعرة المتميزة رشا فؤاد :
صياد نزل بحركم شايل فؤاد مجروح
كان قصده من علمكم كلمه ترد الروح
رمى الشبك ع الورق إصطاد سفاين بوح
فيها الحروف ألوان
تسحر عيون فنان
وصوتها عزف كمان
معقول فى قلب السمك ألقى حمام فوق دوح ؟
***
عرفتى تجرجرينى للموال ماشى يا ست
محاولاتك فى كتابة الموال جميلة جداً من حيث ترتيب الشكل السباعى وتكثيف الفكرة
وإن شاء الله عندما نبدأ فى موضوع الموال الزهيرى سأسعد جداً بمداخلاتك
الزهيرى (جابر وليس الموال )
ههههههههههههه

أخى الشاعر الفاضل حسام خليل
كم أنا شاكرة للمرورك الرائع وأحساسك بالموال
شكراً لتقديرك الراقى
دمت متميزاً

أستاذى المبدع الرائع بابا عادل سند
الله عليك بجد وعلى كلامك الجميل ده أنا مش أده دى شهادة كبيرة جداً ومسئولية عليه فى التطوير وأما بالنسبة لبحر الهزح طبعاً حضرتك عندك حق بس معلش أنا لسه فى الموال ببتدى وثق تماماً أنى أول ما أفهم الموال وطرقة المتعددة هامشى على منهجة
دمت مبدعاً للأبد
بابا عادل سند

أستاذى المبدع الرائع جابر الزهيرى
كم أنا سعيدة بما كتبته من موال فأنت مدرسة كبيرة نتعلم منها جميعاً ولك فضل كبير فى تطوير موهبتى فى المربعات فقد تركت لنا مجادات فى المربعات وهى ثروة إستفدت منها شكل غير عادى
وطالما الموال عجب حضرتك معنى كدة أن فى الطريق السليم ومنتظراك فى مواويل الزهيرى

أختى الشاعرة الجميلة عزة الزرقانى
الله عليكى بجد
أنتى اللى جميلة كعادتك هنروح فيكى فين
دمت رائعة ومتميزة للأبد

حببتى أميرة البدرى
كم أنتى جميلة قلباً وقالباً
وإحساسك عالى جداً بالعمل وهذا الإحساس يدل على تميز إبداعك
وحشتينى جداً
لك منى كل سلام وتحيه عطره على كلماتك الجميلة

خالى العزيز طارق والله إنت اللى حاسس بيه
أصلنا شبه بعض أوى
وإنت مفيش أجمل من قلبك الطيب
ربنا يديم عليك الصحة والسعادة

الشاعر الدكتور صلاح طاهر :
أشكر مرورك الجميل
وبرغم عدم دراستى للعروض أعتقد أن الموال لم يكن على بحر البسيط كما قال أستاذى الشاعر الكبير عادل سند فى تعليق سابق

الشاعرة المتمكنه جدا فى كل كتاباته: رشا فؤاد
اعذرينى لتأخرى على موالك اللى بيشجينا معاه
الله عليك يا روشا وعلى تميزك الدائم
بجد من احسن الشاعرات اللى بقابلهم
ربنا يديم عليك ابداعك
تقبلى مرورى وتحياتى

الاخت العزيزه والوثابه رشا فؤاد
بعد التحيه والسلام
ممكن اعرف بتجيبى الابداع ده منين علشان اتعلم منك واعرف كمان انا اجيبه
بجد موال رائع ومبدع
تقبلى فائق احترامى وتقديرى
دمتى بكل خير

أختى العزيزة صدفه
الله عليكى بجد وعلى جمال كلماتك وطبعاً أنتى عارفة أنا بحبك أد أيه
وهاعلق على أعمالك بس شغل معرض نهاية العام كان شاغلنى لأنى مدرسة تربية فنية وعلى فكرة المعرض يوم 18 الأحد فى مدرسة الأمل للصم والبكم المطرية شارع الكابلات بجوار إدارة المطرية التعليمية وياريت تشرفينى إنتى والزملاء وعلى فكرة لوحتى من فكرة قصيدة آيات الخير لأنى رأيت أن الرسم بالكلمات يصنع عمق فى الإبداع
وإليك هذا المربع
صدفه دا حبك مربع
ويا قليبى عاينده
فينك تحشى بمربع
لحب مصر اللى ينده
***
سايبانى وحدى حزينة
مالاقيه بنته معاى
يربعوا فى قوله زينه
ويا مربع حداى
***

الأخ والشاعر المبدع الرائع عمرو شاهين
كم أنا شاكرة لأحساسك الراقى بالموال وإذا كنت أنا مبدعة فأنت مبدع متمكن لك قدرة على الأبتكار والتميز
وإبداعك يشهد لك بذلك
دمت مبدعاً متميزاً أخاً فاضلاً لنا
لك منى كل الشكر على نبل كلماتك

كلمات بسيطة و جميلة يا رشا
تسلمى ايديكى
خبر الكلام ......