اربع حالات مزعجة

حالات مزعجة


الحالة الاولى " عمرى انسرق "


دمى بيغلى

وبيفور بالقلق


عمرى انسرق

معرفش مين المتهم

لكن بشوف ع الورق

" يقيد الحادث ضد مجهول "




الحالة الثانية " سؤال "

سؤال دايما يتسألى

هو انت مسلم ..... والا من اللى

معرفش ليه لسه العقول متقفلة


الانسانية مش ديانة

الانسانية شعور تجلى




الحالة الثالثة " سمونى "


سمونى

وابتدوا ينادوا عليا

لكن بعد ما ........... سمونى




الحالة الرابعة " بروح "

بروح

زى ما كل شئ بيروح

واطوح

بين جدران الروح

وانوح

وابكى الاسماء والافعال

واكرر كل شئ اتقال

وادخلنى من غير ما

اخبط

مانا عارف

مفيش حد معايا

وف اخر

غرفة ف احاسيسى

بسجد

يمكن فجاة روحى تروح

واروح