حاسبى يا بنتى

حاسبى كفاية

جامدة عليكى

ليه بتعافرى

ومانتش قادرة

وبالحق فيكى

عشان أدفيكى

زى زمان

ماعملتى معاياه

ألقى عنيها

تقلى سلامتك

أنتِ بخير

رغم ضلوعها

ويا دموعها

عاصره ألمها

لكن ساكته

وساكنه الخوف

ويا الفكرة ف لحظة أكون

بيه أصابة بين أوجاعى

اللى زمان لفتنى معاها

وتاهت منى ف أحلى سنينى

وأرجع أفكر فيكِ معايا

وأسرح وأرجع وراه لبعيد

ويا اللحظة وأعيش لحظات

كام دوختك كام لخبطك

كام لخبطت كيانك فيه

كام زعلتك وأستحملتى

كام حملتك فوق أحمالك

ومحستش ب لحظة وجعك

أزعل وأحزن حوه قساوتى

تنزل دمعه

سامعه كل صراع جواياه

لحظة غيظى

بضم كفوفى

تغرز كل ضوافرى وقاصدة

عايزة أخرج دمى الفاسد

اللى ظلمها

وأغرز أكتر وأكتر وأكتر

ينزل دمى ما بين كفينى ويحنينى

وأنا بستحمل لكن عايشة ويا أنينى

عايزة أخلص ذمبى الفاضل

ويا الفاضل ف سنين عمرى

وأبص لدمى أدوخ م المنظر

تجرى عليه بدموع عنيها

وتحضن فيه

وتجرح أيدها عشان ترحمنى

وتخلط دم حياتها بدمى

وتكتب جوه القلب مسامحة

تدواى ف جرحى ما بين أحزانها

ألقى الجرح يقلى يا ريتنى

يوم ما جرحتك

ويا سنين العمر الطارح

وردة وفلة ف حبك ليه

لحظة جرحى

وأما الفرصة

جت خلتنى ف دور الأم

قلت أمثل وجريت يمك

قلت سلامتك

وأنتى سبقتى

فى كلمة حاسبى

حاسبى يا بنتى

أنا لسه أمك

الأخت الشاعرة المتميزة
الأستاذة رشا فؤاد

ما أجمل هذه القصيدة في هذه الأيام
أحسنت اختيار النص
بما يحمله من صور متدفقة
تحمل كماً كبيراً من ذلك الحب الذى نولد به
دمت و دام إبداعك الصادق

الزهيرى

أخى الفاضل الشاعر المبدع الأستاذ جابر الزهيرى
كم أنا شاكرة لأحساسك الراقى جدا بجمال النص وتعليقك هذا شهادة وفخر لى لما أعرفة عنك من المصداقية والواقعية فى رأيك
فشكرا لك على جمال كلماتك

رشا فؤاد كتب:

حاسبى كفاية

جامدة عليكى

ليه بتعافرى

ومانتش قادرة

وبلحق فيكى

عشان ادفيكى

زى زمان

ماعملتى معاياه

ألقى عنيها

تقلى سلامتك

أنتِ بخير

رغم ضلوعها

ويا دموعها

عاصره ألمها

لكن ساكته

وساكنه الخوف

ويا الفكرة ف لحظة أكون

بيه أصابة بين أوجاعى

اللى زمان لفتنى معاها

وتاهت منى ف أحلى سنينى

وأرجع أفكر فيكِ معايا

وأسرح وأرجع ورا لبعيد

ويا اللحظة وأعيش لحظات

كام دوختك كام لخبطك

كام لخبطت كيانك فيه

كام زعلتك وأستحملتى

كام حملتك فوق أحمالك

ومحستش ب لحظة وجعك

أزعل وأحزن حوه قساوتى

تنزل دمعه

سامعه كل صراع جوايا

لحظة غيظى

بضم كفوفى

تغرز كل ضوافرى وقاصدة

عايزة أخرج دمى الفاسد

اللى ظلمها

وأغرز أكتر وأكتر وأكتر

ينزل دمى ما بين كفينى ويحنينى

وأنا بستحمل لكن عايشة ويا أنينى

عايزة أخلص ذمبى الفاضل

ويا الفاضل ف سنين عمرى

وأبص لدمى أدوخ م المنظر

تجرى عليه بدموع عنيها

وتحضن فيه

وتجرح أيدها عشان ترحمنى

وتخلط دم حياتها بدمى

وتكتب جوه القلب مسامحة

تدواى ف جرحى ما بين أحزانها

ألقى الجرح يقلى يا ريتنى

يوم ما جرحتك

ويا سنين العمر الطارح

وردة وفلة ف حبك ليه

لحظة جرحى

وأما الفرصة

جت خلتنى ف دور الأم

قلت أمثل وجريت يمك

قلت سلامتك

وأنتى سبقتى

فى كلمة حاسبى

حاسبى يا بنتى

أنا لسه أمك

الله الله ياروشا الجميلة

صورتى أجمل صورة للأمومة المتمثلة فى الأم والبنت .. فالبنت منذ الصغر

تحمل مشاعر الأمومة بطبيعتها وفطرتها وهذا ما تحقق فى قصيدتك

.. التى أتت فى وقتها المناسب .. فأبدعتِ وإلى مزيد من التقدم

والأبداع بإذن الله .

وكل عام وأنت والجميع بخير .

أختى أيمان الروبى كم أنا شاكرة لجمال كلماتك ورقتها وأحساسك المرهف لما تحمله القصيدة من معانى
دمت لى بأبداعاك وتعليقك الرائع أيتها الرقيقة

الابنةالعزيزة الغالية الشاعرة الجميلة المتميزة والمتألقة دائما
الاستاذة رشا فؤاد

تحياتى وتقديرى واعجابى بكل ما تبدعين واشكرك عل امتاعنا
بتلك القصيدة الرائعة وتلك العاطفة المتدفقة الا وهى عاطفة الامومة التى غرزها الله فى جميع مخلوقاته0

دمت بكل خير ومحبة وسعادة ودام ابداعك الرائع وكل عام وكل
ام فى اجمل سعادة واتم صحة

وتقبلى مرورى المتواضع وشكرا 0

أستاذى القدير فوزى الشريبنى
متشكرة جدا لتعليقك الرائع وأهتمامك بأعمالى دائما وأنارة صفحتى
فدائما أشتاق لتعليقك الذى يتميز بالسمو والرقى ودفىء الكلمات التى يحملها الأب لأبنتة
لك من كل الشكر والتقدير

خالى العزيز طارق منيب
والله يا خالو وحشنى جدا ومعلش أنا غبت شوية بس رجعت تانى ظروف الدراسة رخمة شوية اليوميت دول هو داة السبب شوية مشاغل مش أكتر ميرسى جدا على كلماتك الرقيقة التى طالما تشتاق أليها نفسى كم أنت جميل قلبا وقالبا تحياتى لمرورك المتميز والرائع والقريب إلى نفسى

أستاذى القدير والمبدع الكبير أستاذ عادل سند
حضرتك كمان وحشتنى جدا ويعلم الله قدرك عندى وغلاوتك بس ماما كانت تعبانة شوية ومقدرتش أسيبها وأنزل ميرسى جدا لكلماتك الرقيقة وأحساسك بالعمل فدائما عندما تعلق على العمل أشعر براحة نفسية أن العمل فى صورة بهية فتعليقك يضيف إلى الكثير الأب الروحى الذى نحتاج إليه دائما فى حياتنا ليعطينا البهجة والسعادة من بحر حبه الفياض
لك منى كل الشكر والتقدير

الأخت الرقيقة أميرة البدرى
وحشتينى جدا ومشتاقة ليك وميرسى لكلماتك الرقيقة ومعلش لعدم الحضور أن شاء الله تتعوض لأنى فعلا وحشتونى وعايزة أشوفكو كلكم ربنا ميحرمنيش منك
لك منى تحية وبعد التحية سلام وبعد السلام أحلى كلام
عمرك أبدا ما فارقتينى
حتى لحظة عينى ما تنام

أستاذ أسامة متشكرة جدا لأهتمامك بالعمل لأنة كان فى الصفحة الثانية فلك منى جزيل الشكر على تصعيدة ميرسى جدا لجمال كلماتك

الشاعرة الجميلة رشا فؤاد
قصيدة جميلة جدا وافادتنى كتير اوى مستني مزيد من قصايد الجبارة
احمد سعد
تيمو

ميرسى ليك جدا أستاذ أحمد تيمو على تقديرك للعمل وأحساسك بالمعانى التى بداخلة
لك منى كل التقدير على مرورك الرائع
شكرا لك

الشاعرة المتميزة الأستاذة رشا فؤاد :
تقبلى مرورى للمرة الثانية ولكن هذه المرة ليست للتعليق ولكن لطلب كتابة مواويل جديدة مثل التى أستمتعت بقراءتها من قبل
كل التقدير والاحترام
الزهيرى

الشاعر والمبدع الراقى جدا أستاذ جابر الزهيرى :
سعدت جدا بمرورك للمرة الثانية على العمل وتقديرك وقد أنشغلت كثيرا فى المربعات فن الواوالتى جذبتنى تماما ولكن أعدك بكتابة الموال ونظراً لمعرفتى بأن الموال ينقسم إلى موال زهيرى ونعمانى فياريت نعمل مواويل الزهيرى أكون شاكرة ليك جدا لأنى فعلا أستفدت وأقتنع تماما أن الشاعر لابد أن يكون ملماً بكل فنون الشعر فأرجومنك أن تساعدنا على ذلك