غموض النظرة

كتير ياما وبتألم ف جوفى نار

لكن رافض يكون ألمة ف عز نهار

وشريان أيدى متحير

وبيعافر عشان ما يعيش ف وسطيكم

فزاد ألمة مع جارة من الأوتار

ف لحظة جوع ومخلوطة

بدمعة عين ع اللى كان

وكان نوحى ف جفاف ريقى بيكلم

وفية بنزف مع الأحزان

وأشوف الناس قصاد عينى

وعينى ف الدموع تسرح على حالى

ف حافة رمشى تكلم

ألاقى الرمش بيسلم على خدودى

ومش عادى اللى أنا شفتة

وغير حالى من حالى ومليتة

لكنى مفيش على وجعى حنان جانى

ولا عشت الحياة ف طيبة بترعانى

وأتوجع وتتوجع ف جوفى الأه

لا عارفة أرجع ولا أتمنع

من السكة اللى شدانى

وجرانى لأحزانى وخوفى يزيد

تزيد الحيرة ف ودانى مع الهمسات

ألا قى حد قربلى يخاف خوفى يقول ياما

يا ريتنى ماعشت دى اللحظة

اللى كويانى ف الجروح عمرى

وأحس بأنى محبوسة

ف أوضاعى اللى خنقانى

ف سجن كابوس مالو ش أخر

بيحرقنى بنار الغلب

وأتمنى يا ريتنى ما كنت يوم نفسى

اللى أنا شايفاها أدامى

عصير دامى ممر حلقى من جوة

وبدوقة زى ميـّة نار

مفيش غيره

ومغلوبة على أمرى

ف طول الصبر مش قادرة

وناس قادرة وسكاكنها

تقطع كل شىء باقى ف أحساسى

وأية ذمبى دنا حرة

وكنت ف بيتى محفوظة

تقول درة

لكن زمنى مغلبنى

وودانى هنا وجابنى

وزلزل كل خطاوية

على الأسفلت

ف سفلتنى ودشدنى بدون رحمة

ف شوارع ف الطريق زحمة

وأنا شيفانى عصفورة

مفيش ريشة على جسمى

وأنا ف القسمة دى نصين

مليش أختار

وعزة نفسى تمنعنى

ومليش أعذار

حشاى ف نار

عنين الناس بتكوينى

ف تكوينى الضغيف كشة

وخفياه جوة توب أسود مغطينى

عشان حرة

ومأسورة ف أسى ضعفى

وغيرة وغيرة قربلى

وف النظرات حكاوى كتير

بتلمحنى وبلمحها

سهام ع البعد قاتلانى

أحس بعصر أو جاعى

وجسمى ينتفض نفضة

مع رعشة

لخطوة جديدة بتقرب

ألاقى أثنين يبصولى

وجوة البصة ألف سؤال

غريبة ف شكلها يحير

وعايزة أية

غموض م النظرة فعنيها

ملان أسار

نراقب من بعيد لبعيد ونتعرف

وأنا حسة

بكل حوار بيقتلنى

مابين عنيهم بيصولى

وأقول يارب عالم بى

أنا المظلومة فى وضعى

ومش قادرة

وبتحمل على وجعى

عشان نفسى أنى أتعايش

مع الدنيا

وخجلى جوة أحزانى

بيمنعنى أقول الأه

وشعرى م القسى شايب على الحاصل

وأية فاضل

عشان ألحق مبلحقشى

ولما أحس بالفرحة متكملشى

ولما تجينى حنية أوام تمشى

تهد العود وكان ف زمانة متصلب

وفوق أوجاعة

متغلب على اللايمين

ع اللى كانوا يوم فاكرين

بمثل ف القسى محنة

وبتسلى على الأحزان

عشان أوصل

وأنا أصلى

اللى داب أصلى

مابين أوجاعى ونسيتة

مع الحوجة

مع لمحة ف عيون عوجة

ولا عمرى هكون منهم

وأعرف أركب الموجة

نزيفى يزيد

وأنا حسة الجناح مكسور

لحد ما فجأة ف الزحمة

وناس رخمة

وواحدة من زمن تانى

ومعرفهاش

لكن حساها تعرفنى

وف عنيها طريق الشوق

بيتغنى لأحزانى

وع الصفين ورود بيضه

كما الياسمين

وبتدمع ف بسمتها

زمن صافى وبتمناه

تجينى أوام

بكف أيدها بطبطب على كتفى

وقالت حاجة من فضلك لوجة الله

أنا عارفة أنى غبت عليكو كتير لكن ده لأصرارى أنى أطلع بشىء مختلف
يشرفنى ويشرفكو والقصيدة دى تعبتنى جدا لعمق أحساها لكن كنت سعيدة أوى لما طلعت مكتملة وحسيت بأكتمالها أكتر وأنا بقولها ف وسطيكم
تحياتى لأعزائى وأخوانى المبدعين فى أسرة الجندى الجميلة

قصيدة رائعة جدا جدا استاذة رشا
حسيتها اوي شكرا لك
تقبلي مروري

ronosh123 شاكرة جدا لجمال كلماتك فقد أوجزت فأفضت فى التعبير ما يملىء الوجدان فرحا وبهجةفنتمنى رؤيتك دائما على صفحتنا

الابنة الغالية والشاعرة الجميلة المتألقة دائما
الاستاذة رشا فؤاد

تحياتى وتقديرى واسمحى لى ان اقول
ما هذه النقلة الرائعة فى سرد تلك الاحاسيس الجياشة والتعبير الانسانى االفياض فى قصيدتك الاكثر من رائعة رغم اطالتها
دمتى بكل خير ومحبة وسعادة ودام ابداعك الرائع
وتقبلى مرورى المتواضع وشكرا

الجميلة عزة أولا ميرسى جدا لجمال كلماتك ومشاعرك الرقيقة ولا أنكر فضل المنتدى علية فى التطوير وفضل الأحتكاك بين الأساتذة الكبار من الشعراءوأحتوائهم لى بالنصائح وأنا مازلت بينكم أتعلم الكثير وليس للعلم نهاية ميرسى يا حببتى ربنا ميحرمنيش منك

أستاذى عادل سند عايزة أقولك أنى كنت لئيمة شوية أنا كنت شايفاك وأنت بتابعنى فى القصيدةبالرغم أن عينى ما كنتش ناحيتك وكل ماكنت بشوفها عاجباك كنت بدى أكتر ف الألقاءلانك كنت رأيك بالنسبالى مهم جداومنتظرة رؤيتك يوم الثلاثاء وعن هذا الأبداع فمن جاور مبدعين مثلكم لابد أن يبدع ويتأثرفأنتم فخر لناولذلك نسعى للصعود بينكم لنقوم بتشريفكم وأنا تلميذة لحضرتك وهفضل التلميذة
اللى تحب تسمع من أستذاها أحلى الكلام
بابا عادل سند

خالى العزيز طارق
كلمتين وبس
لكن فيهم كل الكلام بين السطور
سلم علية جوه ورد محبتك
ومحبتك ملهاش خلاص ف محبتى
علشان رويتنى ف الهوى
بجمال لقاك
ويا الكلام
ف المنتدى

أستاذ فوزى الشربينى سعيدة جدا بجمال تعليقك الذى طالما أشتقت أليها وكان نفسى تكون ف الندوة وأتمنى رؤيتك فى معرض الكتاب
والأحساسيس اللى عجبت حضرتك نتجت من حبى ليكوومن جاور المبدعين مثلكم لابد أن يتأثر ليشرف الجميع فشكرا لك على جمال كلماتك

الله يا روشة

خالى العزيز منير سعيدة جدا بأنها عجبتك لأنى عارفاك متذوق ملكش حل بس أنا عايزاك فى اى وقت فاضى تفنطها نقد وتحليل ربنا ميحرمنيش منك

أجمل قصيدة ليكى
أستاذة رشا
و ياريتنى كنت ناقدة كنت كتبت كلام حلو كتير عنها

أخى الصغير أحمد موسى ميرسى جدا لكلامك الجميل وتعليقك الذى أشتاق أليه دائما وعلى أنت كمان ليك نفس شعرى متميزغير روحك الحلوة ف المنتدى ميرسى جدا

الأميرة أنتى جميلة ومرورك أكثر من رائع

الأخت صفاء ناصر أنتى بكلامك ده كتبتى تعليق أكثر من رائع وأحلى من أى نقد ميرسى جدا

الأخت القديرة حبيبة قلبى الأستاذة وداد الهوارى مفيش كلام أقدر أقولة بعد جمال كلامك أيتها الرقيقة التى تضيف أليه الكثيروعندك حق فى الخطأ الأملائى بس غصب عنى حضرتك شايفة القصيدة طويلة أد أية وكنت بكتب بسرعة ده السبب فقط
بحبك جدا ودمتى مبدعة إلى الأبد متربعة على عرش الأدب والزوق والرقة والمحبة فى قلوبنا

صديقتى العزيزة أميرة البدرى أميرة قلبى كم كنت أشتاق لتعليقك وكلماتك الجميلة التى تنم عن أحساسك الرقيق بى وبالعمل والروعة الحقيقة أنى كنت بقولها بينكم أخواتى وحبايبى عشان كدة طلعت حلوة أنتى فعلا أنسانة جميلة ومحبة ورأيك بعتز بيه جدا شكرا يا اميرة

إلى الشاعرة المتميزة رشا فؤاد :
بعد قراءة هذه القصيدة مرات ومرات محاولا إستخراج نثبة الغموض فى هذه النظرة وجدتنى سابحا فى ذلك السرد والحوار الداخلى بين
( الأنا والأنا ) لدرجة توحد الصراع النفسى بين الحفاظ على الكرامة التى تحاول بإستماته مواجهة قسوة المجتمع إلى أن تصل إلى درجة الإقتباس من القرآن الكريم
( تحسبهم الجاهل أغنياء من التعفف ) فعرفت مدى قوة الموهبة لديك من خلال تعدد رؤى الناقد حول النظرة لمن تكون؟
أهى نظرة المجتمع لها أم نظرتها للمجتمع ومن هنا أتضح لى أن الغموض هو سر عبقرية النص
دام تميزك وتألقك
الزهيرى

الناقد الأستاذ جابر الزهيرى :
هذه الرؤية المقدمة منكو على قصيدتى بها الكثير من النقد البناء الذى أشكرك عليه وهذا ما كنت أجده فى الورشة الأدبية بنادى أدب منشية ناصر ونادى أدب المطرية وغيرها من المنتديات الراقية التى تمنح المبدع جرعة من النقد تبين له الصواب من الخطأ دون تجريح أو تعالى
شكرا لهذا المرور الذى أسعدنى