وطن كسلان ... أحمد سعيد موسى

[size=24][color=red][center][quote="أحمد موسى"][center][font=Traditional Arabic][color=darkred][size=24][b]وبكتم صوتي جوايا
وبعمل م السكوت موال
أدندن بيه حروف إسمك
ساعات أشتم
ساعات أضرب
وأكتر وقتي وبغازلك
منا وسط الغيطان قطنك
وانا بين المكن غزلك
أضم الميم على صدري
واروح فى النوم
أشوفك مأذنة وجامع
واشوفك دير
واشوفك نهر بيبسمل
ويروي الغير
واشوفك ضل عنبايه
وتوته ونخله طرّاحه
واشوفك نجمه بتغنى
غناوي الست بالراحه
تجيني الصاد
صباح نادي على عيونك
وصوت قنديل يفوّقني
أشمّر كمي واتوكل
على الرزاق
أزق الخطوه بالخطوه
واغمّس بالعرق لقمه
واغنّيلك بشوق شوقي
فيصحى الشعر في عروقي
أقولُّه .. قوم
تعالى اتوضى من نيلها
ودندن ياللا غنّيلها
ألاقي الراء
ربيع محني على الرصفان
وشيخ واقف على الناصيه
يبيع قمصان
وواحده عجوزه بتنادي
معايا الفل للعرسان
وعيّل يجري في السقعه
ف توبه تُلْتُمِيت رُقعه
وأرحم لو يكون عريان
ألاقي دموعي تتسرسب
وتتسرسب
وتتسرسب
تصير فيضان
فأسمع صوت أدان باكي
وجرس حيران
وأسأل ليه ؟
يرد الشيخ
يقوللي الجرح ف الأقصى
وفي بيروت
وف الجولان
فيرجع شعري جوايا
ويرفض لو يقول شطره
لوطن كسلان]

[color=blue]الشاعر الراقى / احمد موسى

تعبتنى ....وامتعتنى....وصحكتنى جدا
لإستمتاعى بما كتبت
استسمحك انا خدت كوبى من القصيدة
حتى القيها باسمك فى النادى الأدبى بالشرقية بعد اذنك
ولى كلام كتير فى جمالها والذى يتوافق مع روحى الشخصية
واشوف صدى القصيدة مع الزملاء ثم اوافيك برايى وراى الجميع
تقبل تحباتى[/center][/color][/[/color]size]

وطن كسلان جميله يا احمد وتسلم ايدك
بس انا اول مرة اعرف اننا من بلد واحدة

[quote="د /صلاح طاهر"]

أحمد موسى كتب:

[center][color=darkred][size=24][b]
الشاعر الراقى / احمد موسى

تعبتنى ....وامتعتنى....وصحكتنى جدا
لإستمتاعى بما كتبت
استسمحك انا خدت كوبى من القصيدة
حتى القيها باسمك فى النادى الأدبى بالشرقية بعد اذنك
ولى كلام كتير فى جمالها والذى يتوافق مع روحى الشخصية
واشوف صدى القصيدة مع الزملاء ثم اوافيك برايى وراى الجميع
تقبل تحباتى

[/size]

[size=24]أستاذي الحبيب

قلّدتني شرف كنت أسعى إليه
أنتظر عودتك ورأي الجمهور في هذه المتواضعة

تقديري[/font">

الشاعر العزيز احمد موسى
حقيقة احلى ماقرات لك قصيدة جميلة
واحلى مافيها الاحساس الصادق والحس الوطنى والقوى كان متجلى
سعدت بمرورى مشكور

الله عليك بجد يا أحمد
من أجمل ما قرآت فى الشعر الوطنى
حبتها وتخيلتها وزعلت برده منها بجد وطن كسلان
أدهشتنى بأسلوبك وبهرتنى بالنهايه
فالى الامام دائما
تحياتى لك ولقلمك الشاعر
تقبل مرورى

الله عليك ياأحمد

شكرتك فى رسالة سابقة على

ماوجدته فيك من شهامة ونخوة

بطلبك حذف عضوية إسمها إيه دى .

واليوم أشكرك للمره التانيه ولكن

على هذه القصيدة الرائعة والتى

وجدتنى عند تصفحها أقف أمام مبدع

بحق ......

أشمر كمى

واتوكل على الرزاق

أزق الخطوه بالخطوه

واغمس بالعرق لقمة

إيه الجمال ده

لوحه رائعه لفنان رائع



[b]