حكاية نص قرن

موضوع: حكاية نص قرن الأحد يونيو 20, 2010 2:32 pm

نص قرن من الزمــــان

والزمان غير الزمــــان

والمكان غير المكــــان

والحيـــاة صبحت جنان

نص قرن فات في لحظة

هو يعني العمـــر لحظة

تبقى ســـــيرة ولا قصة

بعد مايفـــــــوت الأوان

طب ماعشنا نص قرن

نص قرن و نص أرن

زي بعضه ماهو فرن

أنشوينا بيه في هوان

ليا صاحبي مـ الطفولة

واد جدع آخر رجولة

حتى برضه في الكهولة

احنا رمز للإخـــــوان

نفتكــــــــر أيام زمان

من زمن ماهوش بعيد

نفتكـــــر يوم الامتحان

والنتيجـــــة يوم سعيد

نفتكــــــر أبلة لبيبـــــــة

القديرة والرهيبــــــــــــة

ماسكة في أيديها العصايا

بس لنفوســـــــــنا حبيبة

نفتكر أول محاضــــــرة

واحنا تايهين في المذاكرة

نفتكــــر لعب ومشاجرة

والمنـــــافق واللي نكـرة

نفتكــــــــر لما قالولنــا

إن في العلم ســــــلاح

والفشـــنك كان نصيبنا

في الشـــهادة والنجاح

نفتكـــــر يوم الجواز

ويا معركـــــة الجهاز

يومها ربنا كرمنـــــا

وبايدينا انتحــــــــرنا

نفتكر برضــــه العيال

اللي صبحوا مش عيال

آنســــــات أو سـيدات

أو شـــــباب أو رجال

نفتكر كل اللي فــــات

زي حلم ساعات جميل

والكابوس عشناه ساعات

برضه ونفســــنا طويل

نفتكـــــــر في نص قرن

لما كــــــــــان النُبل فن

واللي كان ازاي حيرجع

ده النفاق أصـــــبح دليل

نفتكــــــــر وبكرة ننسى

زي مانســـــينا حاجات

والحيــاة دي زي قصة

باهتـــــة تتلون ساعات

نفتكــــــــــر ويارتنا ننسى

إن فات نص قــــــــــــرن

وإن فاضــــــــل حبة لسة

زي أكل فاض في صحن

دي حكاية نص قرن

..................

موضوع: رد: حكاية نص قرن الأحد يونيو 20, 2010 4:02 pm

نصف قرن من الطفوله للرجوله

الاخ الحبيب الشاعر

طارق منيب

خمسين سنه عدت فى لحظه . كشريط السينما

امام عينى اثناء قراءتى لقصيدتك . فعلاّ نص قرن

من الزمان وقع من حسابنا على رأى استاذتنا زينات

قصيده جميله استاذ طارق واجمل ما اعجبنى هو :

نفتكـــــر يوم الجواز

ويا معركـــــة الجهاز

يومها ربنا كرمنـــــا

وبايدينا انتحــــــــرنا

هههههههههههههههههههههههه
يارب المدام ما تكونش شافت الكلمتين دول

احسن تطلع فى الجرانين .

ههههههههههههههههههههههه

موضوع: رد: حكاية نص قرن الأحد يونيو 20, 2010 5:55 pm

كلمات وسرد رائع

سلمت شاعرنا \طارق

تقبل احترامى لما قدمت اخى

موضوع: رد: حكاية نص قرن الأحد يونيو 20, 2010 6:00 pm

نفتكــــــــر وبكرة ننسى

زي مانســـــينا حاجات

والحيــاة دي زي قصة

باهتـــــة تتلون ساعات

الشعرا الرائع الاستاذ طارق منيب

قصيده جميله تحكى مشوار طويل

ولكنى خرجت بهذه الجزئيه الرائعه

التى تضمنتها هذه الجزئيه وشملت اروع المعانى

واجمل الحكم لخصت كل المشوار فى هذه القطعه

دمت رائعا

السلام عليكم .. مجرد رأي
كلام من قلبي
أخي الفاضل .. الشاعر الرائع / طارق
احترامي وتقديري

ودائما رائع في كلماتك
التي تخاطب النفس بمصداقيه ..
والواقع الذي عشناه علي مدار أيام كتبها الله لنا في هذه الحياة ..
لدرجة أنني وانا اقرأ الكلمات أحسست بأنني الكاتب لها
من صدق معانيها ..

دائما أنت رائع
ودائما أتمني لك المزيد من التوفيق
وللجميع تحياتي

الاخ الكريم الشاعر الرائع طارق منيب .. حيث اني خمسيني مثلك فقط أخذتني من يدي وتجولت بي نفس الرحلة ..وسردت لي نفس الوقائع والاحداث وكأنك رفيق عمر .. لقد لمست نفس الوتر واخرجت نفس اللحن ..قصيدة جميلة أخي طارق أحييك عليها ..تقبل مروري وتقدير واحترامي

ايه يا جماعة حكاية الخمسين دى ؟
الحمد لله ان الستات موش بيزيدوا عن خمسة و عشرين
انا عن نفسى من زمان عندى خمسة و عشرين
لا بيزيدوا و لا بيقلوا

احيك شاعرنا على القصيدة اللى قلبت علينا الذكريات

أخوتي الأعزاء

أعتذر عن التأخير في التعليق على ردودكم الجميلة ولي عودة مساءاً إن شاء الله

أخوكم

طارق منيب

عادل عوض سند كتب:: نصف قرن من الطفوله للرجوله

الاخ الحبيب الشاعر

طارق منيب

خمسين سنه عدت فى لحظه . كشريط السينما

امام عينى اثناء قراءتى لقصيدتك . فعلاّ نص قرن

من الزمان وقع من حسابنا على رأى استاذتنا زينات

قصيده جميله استاذ طارق واجمل ما اعجبنى هو :

نفتكـــــر يوم الجواز

ويا معركـــــة الجهاز

يومها ربنا كرمنـــــا

وبايدينا انتحــــــــرنا

هههههههههههههههههههههههه
يارب المدام ما تكونش شافت الكلمتين دول

احسن تطلع فى الجرانين .

ههههههههههههههههههههههه

أخي العزيز وأستاذي/ عادل عوض سند

سعيد بمرورك وتسجيل إعجابك بالقصيدة..

وبالنسبة للانتحار فهو واقع لا يمكن إنكاره.. ومايزعلش المدام في حاجة.. فمنذ أن تزوجت ( مر ربع قرن على زواجي) أنا باعتبر حياتي انتهت.. لحسابهم وأني عايش عشان أسرتي فقط.. حاديك مثال.. تخيل لي مكان مفضل للفسح مش عارف أروحه بقالي 10 سنوات عشان العيال مابيحبهوش.. وطبعاً لو رحته لوحدي أو فرضته عليهم مش حيكون له طعم.. وهذا ماعنيت به أن الزواج كان انتحار.. أي انتقال من الحياة لنفسي.. إلى الحياة من أجل أسرتي.. ياعزيزي .. مش أنا بس اللي انتحرت.. بلاش أنت عشان عارف أنك بتخاف... ههههههههههههههه

أخوك

طارق منيب

بسمة الورد كتب:: كلمات وسرد رائع

سلمت شاعرنا \طارق

تقبل احترامى لما قدمت اخى

بارك الله فيك ياأخت بسمة الورد وسلم قلمك ولسانك

خالص مودتي وتقديري واحترامي

أميرة البدرى كتب:: نفتكــــــــر وبكرة ننسى

زي مانســـــينا حاجات

والحيــاة دي زي قصة

باهتـــــة تتلون ساعات

الشعرا الرائع الاستاذ طارق منيب

قصيده جميله تحكى مشوار طويل

ولكنى خرجت بهذه الجزئيه الرائعه

التى تضمنتها هذه الجزئيه وشملت اروع المعانى

واجمل الحكم لخصت كل المشوار فى هذه القطعه

دمت رائعا

أختي العزيزة الأستاذة / أميرة

سعيد بمرورك وتعليقك وأتمنى أن يسير مشوارك لرحلة النصف قرن على نحو أفضل

خالص شكري لاهتمامك بالتعليق

أخوك

طارق منيب

ضياء الدين البري كتب:: السلام عليكم .. مجرد رأي
كلام من قلبي
أخي الفاضل .. الشاعر الرائع / طارق
احترامي وتقديري

ودائما رائع في كلماتك
التي تخاطب النفس بمصداقيه ..
والواقع الذي عشناه علي مدار أيام كتبها الله لنا في هذه الحياة ..
لدرجة أنني وانا اقرأ الكلمات أحسست بأنني الكاتب لها
من صدق معانيها ..

دائما أنت رائع
ودائما أتمني لك المزيد من التوفيق
وللجميع تحياتي

أخي العزيز الأستاذ/ ضياء

صدقني تأثرت كثيراً لكلماتك.. وده لسبب أني كثيراً ماأشعر بقصائد أنت اللي كتبتها وكأني أنا اللي كاتبها.. وده راجع إلى أننا متفقين في حاجات كتير..
فعلاً كتبت هذه القصيدة من أعماقي.. وأكبر دليل على كده إن أبلة لبيبة اللي ذكرتها هي مدرستي في الابتدائي.. وصديقي اللي ذكرته حقيقي وهي تمثل صورة نص قرن عشتها..

خالص شكري لمرورك الجميل..

أخوك

طارق منيب

محمود جمعة كتب:

الاخ الكريم الشاعر الرائع طارق منيب .. حيث اني خمسيني مثلك فقط أخذتني من يدي وتجولت بي نفس الرحلة ..وسردت لي نفس الوقائع والاحداث وكأنك رفيق عمر .. لقد لمست نفس الوتر واخرجت نفس اللحن ..قصيدة جميلة أخي طارق أحييك عليها ..تقبل مروري وتقدير واحترامي

أخي الفاضل الأستاذ/ محمود جمعة

السلام عليكم

أولاً أنا مش خمسيني زيك فعمري 49 سنة و10 شهور..ههههههههه

الأهم عندما تتشابه الأخلاق والقيم .. لازم نحس إن إحنا رفقاء عمر حتى لو كنا لم نلتقي من قبل.. ولنا لقاء إن شاء الله لما أكون في القاهرة..

أخوك

طارق منيب

حنان ابراهيم حافظ كتب:: ايه يا جماعة حكاية الخمسين دى ؟
الحمد لله ان الستات موش بيزيدوا عن خمسة و عشرين
انا عن نفسى من زمان عندى خمسة و عشرين
لا بيزيدوا و لا بيقلوا

احيك شاعرنا على القصيدة اللى قلبت علينا الذكريات

[center]الأخت الشاعرة الأستاذة/ حنان إبراهيم حافظ

لأول مرة أجد الشجاعة عند سيدة تعترف أنها وصلت 25 عاماً..

فهناك قول أنجليزي

They stop counting on 21

أي أنهن يتوقفن عن حساب عمرهم بعد الـ 21 سنة..

عموماً طالما تشجعتي وذكرتي أنك وصلت لربع قرن.. يبقى برضه حتكملي الريع اللي بعده..

سعيد جداً إن قصيدتي عجبتك

خالص مودتي وتقديري..

أخوك

طارق منيب

موضوع: حكاية نص قرن الإثنين يونيو 21, 2010 6:16 pm

اخى وصديقى الحبيب الشاعر الجميل المتميز والمترجم الرائع
الاستاذ طارق منيب

تحياتى وتقديرى وشكرا على ابمتاعنا برائعة من روائعك قصيدة
حكاية نصف قرن قصيدة جميلة صيغت بايجاز وتركيز جميل فى المعنى
احييك عليها 0

ودمت بكل خير ومحبة وسعادة ودام ابداعك الرائع 0
وحشنى جدا 0

فوزي الشربيني كتب:: اخى وصديقى الحبيب الشاعر الجميل المتميز والمترجم الرائع
الاستاذ طارق منيب

تحياتى وتقديرى وشكرا على ابمتاعنا برائعة من روائعك قصيدة
حكاية نصف قرن قصيدة جميلة صيغت بايجاز وتركيز جميل فى المعنى
احييك عليها 0

ودمت بكل خير ومحبة وسعادة ودام ابداعك الرائع 0
وحشنى جدا 0

أخي الحبيب الكبير الجميل الأستاذ/ فوزي

حمد الله على السلامة ياحاج وواحشنا جداً..

أما عن القصيدة.. فأشكر لك مرورك وذوقك وهذا الثناء الجميل

دمت لنا أخاً وصديقاً..

أخوك

طارق منيب

أخي الكريم ..يشرفني لقاؤك لازم اكون انا كمان في القاهرة ..انا عايش في ابوظبي ..أعتقد انك في السعودية ..تحياتي فنحن ايضا رفقاء غربة ..دمت بكل خير

ايوة يا استادنا
عندهم 21 و عندنا 25
دة بقى فرق العملة و فرق الفول و الطعمية
اللى ضيعت صحتنا
ههههههههههههه

نعم أنا في السعودية وتليفوني 00966503268571 ويسعدني سماع صوتك على التليفون إلى أن نلتقي.. تحياتي

حنان ابراهيم حافظ كتب:: ايوة يا استادنا
عندهم 21 و عندنا 25
دة بقى فرق العملة و فرق الفول و الطعمية
اللى ضيعت صحتنا
ههههههههههههه

لو على العملة والفول والطعمية.. يبقى أحنا عندنا العمر حيكون 121 سنة.. فبلاش تدخليهم في الموضوع.. وأحسبي على أساس تاني.. لو حسبنا على أساس سعادة وآدمية الإنسان.. حنعرف إن كلنا لسة ماتولدناش....الله المستعان

أعدتها إلى الصفحة الأولى لأني مشتاق لأراء بعض الأساتذة والزملاء فيها..

موضوع: رد: حكاية نص قرن السبت يوليو 17, 2010 5:21 am

أستاذ طارق جدا جميلة هذه الرائعة وكما عشتها بصدق نقلتها أيضا بصدق ...كتبت منذ أشهر قصيدة (أنا كملت الأربعين )وحضرتك علقت عليا فى المنتدى لو تفتكر ...وكنت شجاعة جدا لما كتبتها بس كنت مبسوطة إنى عرفت أنقل مسيرتى فى كلمات وكانت مستوحاه من مقالات العقاد التى جمعت بعد ذلك فى كتاب وهى (من وحى الأربعين )ثم (من وحى الخمسين) وهكذا

لكن أنا مش معاك فى الإنتحار فلابد من أن لك مساحة لا يدخلها غيرك إما أن تكون فكرية أم أن تكون عينية أو مكانية ......وعموما إحنا بالأستاذ محمود كملنا المثلث الخليجى أستاذ محمود فى أبو ظبى وحضرتك بالسعودية وأنا بالكويت ..نتقابل يا رب على خير

موضوع: رد: حكاية نص قرن السبت يوليو 17, 2010 3:59 pm

الأخت العزيزة الأستاذة/ سلوى

السلام عليكم

سعيد بمرورك وإن القصيدة عجبتك.. وعلى فكرة لا زلت أتذكر قصيدة أنا حاكمل الأربعين.. وتعليقي عليها.. وأهو عُمر بيعدي بسرعة..

على فكرة بالنسبة لتشبيه الجواز بالانتحار.. لم أقصد به سوء والدليل على ذلك إني قلت:

يومها ربنا كرمنا

وبإيدينا انتحرنا

فلا يمكن ربنا حيكرم البني آدم أبداً بشئ سئ..

ولكن الزوج الصح.. بيعتبر حياته انتهت لحساب غيره بعد الزواج.. وهم الزوجة والأولاد.. وكذلك الزوجة الصح .. بتعتبر حياتها انتهت لحساب غيرها بعد الزواج.. وهم الزوج والأولاد..
وهو أسمى انتحار..
ويلاقوا سعادتهم في سعادة الآخر والأولاد.. وعلى فكرة زوجتي قرأتها وتفهمتها على طول..وفهمت ماأُعنيه.. لإن كل حياتي أسرتي وأولادي..
شكراً لمرورك وتعليقك
وبالنسبة للمثلث الخليجي.. فعايزين نكمله مسدس بثلاثة تانيين واحد في قطر.. والآخر في البحرين.. والثالث في سلطنة عُمان.. وربنا يديم علينا الغُربة اللي رزقانا.. وفي نفس الوقت يوفر لنا سُبل الرزق في وطننا الغالي مصر..

أخوك المغترب مثلك

طارق منيب

موضوع: رد: حكاية نص قرن الأحد أغسطس 01, 2010 10:10 am

الله عليك استاذ طارق

وعلى كاميرة تصويرك البارعه

اللى جعلت نص قرن

تجى فى الحال امام عينينا

دمت مبدعا رائعا

دمت بحب

أختي العزيزة الأستاذة/ عزة الزرقاني

السلام عليكم ورحمة الله وبركاته

سعيد جداً بمرورك الذي أشتاق إليه دائماً إلى أن يتم

سعيد أكثر إن القصيدة عجبتك

كل عام وأنت بخير.. رمضان على الأبواب

أخوك

طارق منيب