حكاية نص قرن

الشاعر الجميل / طارق منيب

دول مجرد الخمسين سنه الأولي 000 إنت حتفيص من أولها

بالنسبه إلي أم الأولاد قل لها :

أحبك أكثر من كل الأخريات ولكني أحتاج إالي كل الأخريات

لكي أتذكر ذلك 0000

بالنسبه لللأولاد 000 إذا جالك الغصب خده رضا 00 عشان تكمل

رمضان كريم 000 ولغايه خمسين سنه الواحد يقدر يصوم برضو

كل سنه أنت والعائله الكريمه بخير

عزيزي الباشمهندس/ عطية

كل عام وأنت بألف خير..

أما بالنسبة لأنه أول نص قرن .. فهو برضه آخر نص قرن.. والباقي كمالة.. بل أعتقد أنه آخر تقسيم للقرن.. لأن من الصعب إن الواحد يعيش ربع كمان

كل قرن وأنت بألف خير... ههههههه

أخوك

طارق منيب

طارق منيب كتب:: نص قرن من الزمــــان

والزمان غير الزمــــان

والمكان غير المكــــان

والحيـــاة صبحت جنان

نص قرن فات في لحظة

هو يعني العمـــر لحظة

تبقى ســـــيرة ولا قصة

بعد مايفـــــــوت الأوان

طب ماعشنا نص قرن

نص قرن و نص أرن

زي بعضه ماهو فرن

أنشوينا بيه في هوان

ليا صاحبي مـ الطفولة

واد جدع آخر رجولة

حتى برضه في الكهولة

احنا رمز للإخـــــوان

نفتكــــــــر أيام زمان

من زمن ماهوش بعيد

نفتكـــــر يوم الامتحان

والنتيجـــــة يوم سعيد

نفتكــــــر أبلة لبيبـــــــة

القديرة والرهيبــــــــــــة

ماسكة في أيديها العصايا

بس لنفوســـــــــنا حبيبة

نفتكر أول محاضــــــرة

واحنا تايهين في المذاكرة

نفتكــــر لعب ومشاجرة

والمنـــــافق واللي نكـرة

نفتكــــــــر لما قالولنــا

إن في العلم ســــــلاح

والفشـــنك كان نصيبنا

في الشـــهادة والنجاح

نفتكـــــر يوم الجواز

ويا معركـــــة الجهاز

يومها ربنا كرمنـــــا

وبايدينا انتحــــــــرنا

نفتكر برضــــه العيال

اللي صبحوا مش عيال

آنســــــات أو سـيدات

أو شـــــباب أو رجال

نفتكر كل اللي فــــات

زي حلم ساعات جميل

والكابوس عشناه ساعات

برضه ونفســــنا طويل

نفتكـــــــر في نص قرن

لما كــــــــــان النُبل فن

واللي كان ازاي حيرجع

ده النفاق أصـــــبح دليل

نفتكــــــــر وبكرة ننسى

زي مانســـــينا حاجات

والحيــاة دي زي قصة

باهتـــــة تتلون ساعات

نفتكــــــــــر ويارتنا ننسى

إن فات نص قــــــــــــرن

وإن فاضــــــــل حبة لسة

زي أكل فاض في صحن

دي حكاية نص قرن

..................

نص قرن ! لأ أقل

عند كل الدتيا فل

إنما عندى وعندك

فى الغلا مالهومش حل

اخى الحبيب الاستاذ/ طارق بك منيب

كل سنة وحضرتك وكل احبابك بخير

سعدت بقصيدة نص قرن وإن كان هذا النص قرن

قد اخذ من حياة جيلنا نصف عمره

على فكرة انا صودت للنص قرن بتاعنا

بالتوفيق ان شاء الله اخوك /محمد البسيونى

جميل هذا الابداع الراقى
و هذا الشعر الحقيقى
Very Happy

أخي الحبيب الأستاذ/ محمد البسيوني

السلام عليكم ورحمة الله وبركاته،

كل عام وأنت بألف خير.. وواحشنا جداً وبخلان علينا بوجودك في المنتدى ومابنشوفكش إلا على مراحل بعيدة..

سعيد بمرورك وتعليقك.. وأهم مايميز النص قرن أنه بيكون في الغالب مرة واحدة في عمر الإنسان والباقي كمالة..

خالص مودتي وتقديري

أخوك

طارق منيب

الأخت العزيزة الوردة الحمراء

الأجمل مرورك وتعليقك

أخوك

طارق منيب

» تعالى يا حكاية احكيلك حكاية
» حكاية حب
» حكاية مصر
» حكاية أوديب ( معدلة)- مستوحاة من قصة أوديب ملكاً لـ سوفوكليس
» حكاية حب