وعدتينى

وعدتينى
وعدتينى و خنتى الوعد
حلفتيلى هانبقى لبعض
اتارى هواكى كان كذبه
عيونك مليانين بالبعد
مادام بايعه و بتعاندى
مفيش غير كلمتين عندى
انا مليت من القسوة
لاانا ظالم و لا عندى
و لا قلبك خلاص يسوى
هابطل احب من بعدك
و مش ندمان على بعدك
و لو قلبك غريق جايلى
انا قلبى مهوش مرسى
ماكان قلبك زمان صافى
عيونك عاشقه اوصافى
ولو خدنى السكات منك
كنتى تحنى و تخافى
نهاية قلبى مش واحده
انا واخد على الوحده
ولا هاشتاق فى يوم ليكى
و هاعشق كل يوم واحده
انا قلبى مهوش طيب
و لا عمر الفراق شيب
عيونى صعب يوم تبكى
دموعى مزنه بتغيب
و لا هاضعف و اقول خاينه
دهجرك قصه كات باينه
و لاندمان عليكى فى يوم
و لا ساعه و لا ثانيه
و لا هاتشوفى فى ملامحى
عذاب يركع يقول سامحى
كفيل وحده الزمن يمحى
جراح جوايا و يصحى
جرحتى القلب من جوة
و كنتى فى منتهى القوة
و انا عارف من الاول
حنانك سابق النوة
خلاص كل الرياح فاتت
سهامك فى الفؤاد باتت
ولو سألونى عنك يوم
بصوت مهزوم هأقول ماتت
بصوت مهزوم هأقول ماتت

أخى الشاعر الكريم
عبد الكريم الفراش
مرحبا بك و بروعتك الجميلة و بأهل البحيرة بلدياتى الرائعين
و حضور مشرف فى المنتدى بقصيدة جميلة رائعة
و الشكر موصول للكبير دائما عادل عوض سند
أما بالنسبة للقصيدة فأنا أتفق مع روعة القصيدة كما أشار أخى عادل
فهى تحمل الروعة فى صور منسابة و متناسقة بطريقة رائعة
قصيدة تستحق التقدير بالفعل و التهنئة عليها
و أتمنى أن تعطينا المزيد و المزيد من هذا الجمال
مودتى
أخوك

الاستاذ عبد الحميد الفراش
الله الله الله
ماشاء الله عليك
بجد ممتاز جدا وهايل
وانا سمعتها منك ف الندوه
بس النهاره ف المنتدى
قرائتها بتركيز قمه ف الجمال
نورت الدنيا والمنتدى
وشكرا لك على هذه القصيده الرائعه
وياريت تلحقنا بواحده تانيه
برافوووووووووووووووووووووووووووووووووووو[b]

الشاعر الساخر الكبير /شيال الهموم
عادل عوض سند
شكرا على هذا التواصل الجميل
ودائما اعتز بك أب و أخ و صديق

الشاعر الكبير / عاطف الجندى
اشكرك على هذه المداخله الجميله
فان دلت فانما تدل على انسان متواضع و صاحب رؤيا جميله
و احييك على هذا المنتدى الرائع الجميل
و اسمى عبدالحميد الفراش

الشاعرة الرقيقه جميله الجميلات/ وزه
اشكرك على المجامله الرقيقه
و اتمنى لكى مزيد من الابداع و التالق دائما
الفراش

الشاعر القدير
الفراش
قصيدة بحق ممتعة
لمبدع يتسم بجمال الأسلوب

قصيدة انسيابية الايقاع والجرس الموسيقي
صياغة جميلة ولغة سهلة ورائعة
شكرا لك

ياوردتى يا نور بيفرش سكتى
كل الورود جميله لكن
شوكها مقطع مهجتى
الفراش

لو كنتى بنت النيل
انا قلبى من طميه
انا قلبى مات و انتهى
و لابد عن رميه
الفراش

الاستاذ خلف
شكرا لك على هذه الكلمات الرقيقه
اخوك الفراش

تسلم ويسلم حرفك وقلمك كلمات رائعه مثل كاتبها ومبدعها

اهلا بيك شاعرنا الفراش[center][b]

شكرا لك على هذة المداخله الجميله ياخ تامر

الفرأش

أنتى مين يالى عاشقه البحر ردى

كل يوم أنده عليكى

والصدى يرجعلى ضدى

ألفراش

السلام عليكم استاذى الفراش احسنت ودام ابداعك انت بصراحة خلتنى عاوزة اشوفها واشد ودنها عشان كده ماينفعش لكن خلاص ماتت ربنا رحمها منى تفوقت يا شاعر ياجمييييييييل

المنتدى منور بناسه يا جمال

بس نفسى أسأل سؤال

ليه لما أشوف وأحدة حلوة

قلبى يتحدى المحال

وشكرا على هذة المداخله الجميله

أخوك عبد الحميد الفرأش

ماتت صحيح أنما

عايشه فى قلب الروح

لو كنتى عايزة تشوفيها

تعالى بينا نروح

شكرا يا هناء على هذا الأحساس الرقيق

elfrash كتب:

أنتى مين يالى عاشقه البحر ردى

كل يوم أنده عليكى

والصدى يرجعلى ضدى

ألفراش

رديت وملقتش جواب انا عاشقه بلدى وبحرى الاسكندرانى واسمى موجود ولو دورت حتلاقيه موجود وياترى عرفت اسمى ولا لسه

[center]
المبدع الشاعر / الفراش

تسلم هذه التى جعلتك تكتب هذه القصيدة الرائعة

ولو أنها ماتت حقاً وسقطت من الحياة أو من القلب لما كتبتها !!

هى موجودة يا عزيزى .. وكيدك كله أنها جعلتك تكتبها !!!

فشكراً لها .. وسلم إبداعك

وداد الهـــــــــوارى

خلف احمد كتب:

قصيدة انسيابية الايقاع والجرس الموسيقي
صياغة جميلة ولغة سهلة ورائعة
شكرا لك

شكرا لك على هذا التعليق الجميل
الفراش