وعدتينى

اقتباس :

و انا عارف من الاول
حنانك سابق النوة
خلاص كل الرياح فاتت
سهامك فى الفؤاد باتت
ولو سألونى عنك يوم
بصوت مهزوم هأقول ماتت

واحدة من أروع أنواع النهايات الشعرية التي رأيتها ... الله عليك يا عبد الحميد
بس ليا عندك طلب ... يا ريت ما تكررش البيت الأخير عشان دي عادة اللي سنها في اسكندرية واحد منه الله أخوك عادل سند بيحبه موت ونفسه يسمه ... لأن دي عادة بتوحي للمتلقي بأن الشاعر ده ما عندهوش ثقة في نفسه .. الشاعر اللي واثق في قوة النهاية بيختم بيها وهو واثق من تأثيرها على الجمهور دون تكرار... وكمان احنا مش محتاجين نعمل علامة على إن القصيدة انتهت لازم الجمهور هوه اللي يحس بنهاية القصيدة من خلالال متابعته للتصاعد الدرامي فيها ... عشان كده أنا بتغاظ جدا من الشاعر اللي ينهي القصيدة ويقول للناس شكراً وكأنه بيستجدي استحسانهم وبيعلن إنه وصل للنهاية والناس مش حاسة ...
سامحني لأني أطلت عليك بس بجد نهايتك قوية جدا جدا والتكرار ممكن يبرد سخونتها
شكرا وتقبل مروري