بستسمحك

أستاذي القدير عادل عوض سند
قال
مستنى اشوفك والمحك
واستسمحك
واعبى كلّك
جوه عبّى نعطره
وقميصى تانى نزرّره
واقرا ف كلام
ارقيكى بيه
مرّات كتيره نكرّره
ونقرّروا بعديها نقروا البسمله
بعديها نقروا ف سرّنا
سورة الفلق
علشان ما حدّش يحسدك
او يرصدك
او تقصدك
نظره بعينهم تجرحك
واستسمحك
لو جعتى مرّه او عطشتى
إبقى اطلبى
لو عندى زاد
والعِند زاد
حتلاقى برضه
العين دى زاد
والتانيه منها تشربى
طب جرّبى
لو قلبى يرفض
يبقى مرّه مخدعك
إبقى اغضبى
نبضه الحنين
حتلاقيه بيرجّعك
وتشجّعك حنّيّته
واحلف يمين
لتريّحى الخد اليمين
على اى جنب يريّحك
ما هو اى حيّز او فراغ
جوه الضلوع
بقى مطرحك
واستسمحك
واستسمحك ...
........................................
قصيده مكثفه ورائعه
أحساس عالي
موسيقى شعريه فريده
تفعيله منغمه
صور سينمائيه
تكثيف شاعر واعي
نص مافهوش غلطه
الكلام تاه مني مش عارف أقول أيه تاني ياعمي
كما أن الشرف لي أن أكون أول من يعلق على هذه الرائعه
تقبل مرور أخوك الصغير
جمال الدليل

و هل فى ذلك استسماح ؟
رقيقة يا أستاذ عادل الى حد الجمال المطلق
جميل جميل

الاستاذ السوبر
سامى عباس
انت الرائع وانت المتذوّق للكلمه وانت الذى
بوجوده يرفع من شأن كلمتنا .
اشكرك على متابعتك ومرورك المشرف لصفحتى
ولك منى كل التقدير والإحترام ...[center