بستسمحك

لا والله ما قصدتش نفسى مع ان مرورك باى شىء لى هو الشرف بعينه
ولكن ما جعلنى الفت النظر هو وجود اكثر من عمل لمبدعين حقيقين بدون ادنى رد او حتى مشاهده
وشكرا

الاستاذ عادل
قول يارب النصر لمصر

مستنى اشوفك والمحك
واستسمحك
واعبى كلّك
جوه عبّى نعطره
وقميصى تانى نزرّره
واقرا ف كلام
ارقيكى بيه
مرّات كتيره نكرّره
ونقرّروا بعديها نقروا البسمله
بعديها نقروا ف سرّنا
سورة الفلق
علشان ما حدّش يحسدك
او يرصدك
او تقصدك
نظره بعينهم تجرحك
واستسمحك
لو جعتى مرّه او عطشتى
إبقى اطلبى
لو عندى زاد
والعِند زاد
حتلاقى برضه
العين دى زاد
والتانيه منها تشربى
طب جرّبى
لو قلبى يرفض
يبقى مرّه مخدعك
إبقى اغضبى
نبضه الحنين
حتلاقيه بيرجّعك
وتشجّعك حنّيّته
واحلف يمين
لتريّحى الخد اليمين
على اى جنب يريّحك
ما هو اى حيّز او فراغ
جوه الضلوع
بقى مطرحك
واستسمحك
واستسمحك ...

الشاعر القدير عادل عوض سند
قصيده رومانسيه فوق الروعه
بجد من كتر جمال شعرك وأحساسه العالى
اللى بيوصا لقلوبنا بسرعه
مش عارفه اعبر عن اعجابى بجمال القصيده
وغيرها كتير من القصايد
دمت مبدعا
تقبل مرورى وتقديرى

أم القوافي كتب:

هههههههههههههه عائشة الكيلاني

ايوة عارفاها دي اللي واخدة ملكة جمال في السيقان المسلوعة

استغفر الله العظيم اهو انت كدة بتجرجرني عشان انم على الناس

لا ياماما . انتى اللى عندك استعداد
وبعدين فيها إيه ؟
ما معظمنا بيعجب بفنانات اشمعنى انا ؟
بس ايه رأيك فى ذوقى ؟
اوعى تنمى احسن تروحى النار وانتى فاضلّك شعره
هههههههههههههووكر كر كر كر كر كر كر كر

اميره البدرى كتبت :

الشاعر القدير عادل عوض سند
قصيده رومانسيه فوق الروعه
بجد من كتر جمال شعرك وأحساسه العالى
اللى بيوصا لقلوبنا بسرعه
مش عارفه اعبر عن اعجابى بجمال القصيده
وغيرها كتير من القصايد
دمت مبدعا
تقبل مرورى وتقديرى

استاذه اميره
ربنا يخليكى وشكراّ على هذا التقدير
وشكراّ على مشاعرك ومرورك المشرف
على اعمالى .
دمتى كبيره وكريمه وشاعره لها مكانتها فى قلوبنا .
كل الشكر استاذه اميره ...

على فكرة بقى
أنا مش باحييك ولا حاجة أنا بس عايز أبوس اللى جابوك
أو اللى جابونى لغاية عندك

قصيدة جميله اوى وانا الى بستسمحك ان تدعيلى اوصل واكون زيكم جدة

الجميل والرائع دائما
استاذ عادل
قصيده جامدا جدا
يا قمر منور الكون
احسنت يا جامد :