مش حينفع "مهداه لأول رئيس منتخب"- طارق منيب

واضم صوتي لصوتك واقول

طبعا مش حينفع

دام الابداع

مش حينفع انى اشوف خط قلمك بالخقيقه
ومااشكرك احساسك الرقيق بالكلمه الجريئه
والصدق الوفير فى الرؤيه البريئه
تحياتى لحضرتك
شاعرى الجميل طارق منيب
دمت مبدع

زجلية رائعة معبرة حقا


لك تقديرى


بسمه شعبان

الشاعر الجميل طارق منيب
تحيه طيبه لحضرتك
بسعد كثيرأ حينما اقر قصائدك
لاانها معبر عن الواقع وتحذير للمستقبل
نسبة الوعى فيها صادقه ومتحضره
دمت مبدع
مع وافر تحياتى

النص جميل، يصل إلى ما يهدف إليه
لدى جمووووووع متلقيه
هو ذا أجمل شيء في الشعر
______________________
مش حينفع
نتكلم عن 48 في الـ من100 من أصوات الناخبين، ويمكن نسبة أكتر من باقي الشعب على انهم ارتكبوا معصية أو ربما كفار ندعو لهم بالهداية كما دعا الرسل لأقوامهم
مش حينفع
البعض، خارج المنتدي، تاني يطبل لرئيس جديد عشان بيصلي

طبعا
محمد نمير، أبويا، عقيد سابق بالجيش المصري، بيصلي والله العظيم، وأمي بنت الأستاذ الدكتور سليمان سليمان خميس رئيس قسم الفلسفة بكلية أصول الدين جامعة الأزهر، رحمه الله، وبتصلي والله العظيم،
حيدخلوا الجنة بمحاسبة ربنا ليهم مش بفكرتي عنهم
وباختلف معاهم لما بيعملوا شيء مبيعجبنيش

وانتو فيكم ، والشعب فيه، من هو أتقى وأعلم من مرسي، وهذا ليس قدحا في مرسي، فهو رئيس مصر، وهذه سياسة وليس اختبار من سيربح المليون ولا مسابقة رمضان لحفظ عشرة اجزاء

أدعو الإخوان المسلمين وكل من انتخب مرسي إنهم يكونوا أول معارضين لمرسي (إن) أخطأ

ومش عشان بيصلي يبقا أحسن من اللي منتخبوهوش
رباط بيادة أبويا -في نظري- أحسن من رقبة ناس كتير جدا، ومتفهمونيش صح

ودا مش قدح في حد، لإن أي إنسان يرى أباه أحسن من أي أحد، ودي مش مقارنة بين أبويا وحد لإن طبعا محدش جاب سيرة أهلي في حاجة بس دي مقارنة بين حد معين وعقيد بالجيش المصري
وابن هذا الحد ، وكلكم، فاكر ابوه أحسن من ملء الأرض من غيره، ودا ميزعلنيش


منتخبتهوش وانتخبت أحمد شفيق في المرتين، وأفتخر
أخويا سلفي انتخب أبو الفتوح في الأولى ورغم تطاول نفر من جماعة الإخوان عليه وقتها بأقذر الألفاظ (واحد منهم من قياداتهم بإدكو قاله من ضمن ما قاله قدام لجنة الانتخابات على مرأى ومسمع من البلد أنا لو ربيت شعرتين فـ ..... بلاش أقول أحسن من الشعرتين اللي في دقنك إلا إنه انتخب مرسي بعد ما جم زي الـ... عشان يصالحوه في الإعادة لأنه طبعا طبيب أسنان أد الدنيا ومن أنشط أعضاء الجماعة السلفية ويمتلك في إيديه أصوات من تحته)
وانا مبتهموش بالجهل ولا بالخيانة ولا بإنه إبليس ولا هو بيتهمني
وياريت كمان اللي يحتفظ بالألقاب لـ د. مرسي يحتفظ بالألقاب للفريق شفيق
وياريت كمان نتعلم روح الرياضية من الراجل اللي غرق

حيطلع واحد فصيح يتهمني بإني من الفلول

فلول حتى اللي بقالنا سنة ونص ومش عارف البعض مفردها
طبعا مفردها زي ما انتو عارفين فــَل بفتح الفاء
ف وقت ما كان الناس في الميدان بيعملوا حاجة عشان مصر كان عادل نمير قلبه معاهم وبيحضر في مستشفاه (جراحات اليوم الواحد وادي النطرون) 30 نوباتجية بالشهر ودا لمدة سنتين وبيقبضهم 12

يعني ادينا البلد
فلول بس نضاف
وحنفضل نديها بعد ما حنرجع من الأجازة إن شاء الله وإيدينا في إيدين رئيس مصر اللي مبقتنعش بيه، بس بردو إيدينا في إيديه عشان مصر مش عشانه، وووعد عليا أدي مصر أضعاف اللي كنت باديها رغم ان اللي ادتهولها مش قليل ف وقت كان كبار جماعة الإخوان المسلمين بيقبضوا نوباتجياتهم ومبيحضروش ولا واحدة في الشهر
______________________________
حييتم
والسلام