حسني مبارك وحلاوة المولد- شاهد على العصر

حسني مبارك وحلاوة المولد- شاهد على العصر

صاحب القصة العقيد فني/ أحمد أنور زكي منيب صالح

(رحمه الله) والدي العزيز اللي ربانا على القرش

الحلال، ووالدي خدم في القوات الجوية المصرية من

عام 1938 إلى عام 1976 وكان من الجيل الأول

للضباط الفنيين في القوات الجوية وأُحيل إلى

التقاعد في عام 76 وتوفى في عام 1987 وله سجل

عسكري مُشرف حيث حارب بدءاً من الحرب العالمية

الثانية مروراً بفلسطين 48 وحرب 56 و67 و الاستنزاف و73 وشارك

في اليمن والجزائر ونيجيريا.

والدي خدم لفترة مع الرئيس السابق حسني مبارك..

وعند وفاة السادات رأيت أبي يبكي بشدة السادات..

واندهشت بشدة لأن والدي كان لا يحب السادات..

وسألته عن سر البكاء

فقال لي والله يابني مابابكي على السادات أنا

بابكي على اللي جاي ده كان بيستخسر حلاوة المولد

في الضباط والعساكر وياخدها على بيته.. أهو

السادات كان سايب حاجة للشعب ولكن ده مش

حيخليلكو حاجة..وياريته خد حلاوة المولد بس على

مدى 30 عاماً

انتهت القصة..

يانهار اسود .

حلاوة المولد كان بياخدها لبيته ؟؟؟؟؟؟؟؟؟!!!!!!!!!!!!!!!!1

يبقى اللى عمله ده شويه علينا .

الله يرحم والدك كان عارف انه حا يمصمصنا .

لكن اخد عقابه . ولسه الايام الجايه حا تشوف

اللى ما حلمتش بيه . وهوه فى بدلة الترحيلات

مش بعيده على ربنا .

اخى طارق . حكايه جعلتنى استعجل محاكمته بجد ..

تقبل منى خالص مودتى وتحيتى ...

عدولة حبيبي

تعرف أيه أهم من المحاكمة

إنك لو قابلت حفيد السادات حيفتخر أنه حفيد

السادات

وكذلك حفيد عبد الناصر

وكذلك حفيد محمد نجيب

ولكن لو حد قابل حفيد حسني مبارك بعد فترة

حيحاول يخبي أنه حفيد حسني مبارك

على فكرة أعلم من والدي إن حسني مبارك كان

نموذج للندالة والغدر والكرش الواسع جداً

وشوف الفرق بين أبويا اللي كان برتبة عقيد

أنابافتخر بيه لنزاهته وسيرته الطيبة

أما أبناء الرئيس المخلوع القائد للقوات

الجوية.. فقد جلب لهم العار

رحمك الله ياوالدي.. أتذكر إن فيه شاويش جابلنا

من الإسماعيلية طيور (وز وبط) وقال بابا باعت

دول.. ورجع والدي من العمل بعدها بأيام..

وقال .. أنا لم أبعت شئ..

ولما رجع شغله.. قال للشخص الراشي قدام

الطابور كله بعد مافضحه.. تعالى شيل حاجتك

تجنباً لمحاكمة عسكرية

سيبك أنت .. الحلال حلو.. ربنا يديمه علينا

اللهم ماأغنني بحلالك عن حرامك

" ياأيها الناس كلوا مما في الأرض حلالاً طيباًولا

تتبعوا خطوات الشيطان إنه لكم عدو مبين.

صدق الله العظيم

وبلغ الرسول الكريم

وإنا على ذلك لشاهدين

وإنا على العهد إلى يوم الدين

أخوك

طروقة

أخي طارق
و ما اعلمه أن أهل بلده و قريته يكرهونك من قديم
كفرمصيلحة فهو متكبر طبعا عليهم جدا
و لم يكن مثل السادات فى تواضعه مع أهل قريته و لبسه الجلباب البلدى
معهم هى أشياء توضح ما كنا فيه من ظلام
دمت بخير

يا خبر أسود
حتى حلاوة المولد ؟

عاطف الجندى كتب:: أخي طارق
و ما اعلمه أن أهل بلده و قريته يكرهونك من قديم
كفرمصيلحة فهو متكبر طبعا عليهم جدا
و لم يكن مثل السادات فى تواضعه مع أهل قريته و لبسه الجلباب البلدى
معهم هى أشياء توضح ما كنا فيه من ظلام
دمت بخير

نعم أخي عاطف فهو شخصية كريهة ولايمكن تتحب

والسادات بكل بلاويه وخطاياه كان أرحم بكتير

مصطفى محمد عبد العزيز كتب:: يا خبر أسود
حتى حلاوة المولد ؟

أيوه حتى حلاوة المولد.. للأسف الشديد

أيوه حتى حلاوة المولد.. للأسف الشديد!!!!

» ماسُمي بالحزب الوطني- شاهد على العصر
» حمدين الصباحي " شاهد على العصر" - طارق منيب
» حسني مبارك لن يدوم طويلا / الحاج لطفي الياسيني
» انتخبوا الرئيس محمد حسني مبارك - طارق منيب
» فى المولد النبوى ( زاعوا الصيت ) مهداه الى كل الأعضاء