من فن { الواو }

استاذى الفاضل عادل عوض سند
تقبل تحيتى ومودتى على ابداعك المتمي وليس بغريب تميزه فالذى يسطره بقلمه هو الاستاذ الفاضل عادل عوض سند

ماشاء الله عليك ياشاعر ياكبير
إسمحلى امشى على نهجك
بس ماتوزنش ورايا دلوقتى
يعنى بحبح ايدك معايا
دى الرباعيات إللى قدرت عليها
لو هاتعجب نكمل الباقى
###################
صلوا على المصطفى
ولرب الحيا والموت
يونس ربه عنه عفا
نجاه فى بطن الحوت

*****************
ياحب غرقنا بحنانك
دا القلب إستوى آسية
ياحب بلغنا جنانك
ولا حد سائل فييه

*******************
ياقلبى مجروح وعليل
كفاياك الهم مصايب
صنايعى وبختى قليل
وسهم الزمن صايب

********************
الهم صاحب ملازمنى
من بدرى غلبت أداويه
ماعبت و جه العايب يعاتبنى
معرفتش أأقوله إيه
********************
الذنب معصية داريه
دا ربك يقبل التوبة
عاصى وزمنه دار ليه
مش كل مرة تسلم النوبة
********************
بابك كون عليه حارس
ولاد الحرام كتير بشوية
والحق كون فيه فارس
الرجولة ماتنفع بشرية

يا عينيييي ايواه بقي يا عم عادل
ايوه بقىىىى والله العظيم كنت بفكر ابعتلك رساله اقلك فيها نزلنا حاجه جديده وادينا شبعنا واو هنا ومش الصعيد بس الي فيه عتاوله
بس برضو مستني نص عامي كامل جديد

يا عم عادل سند
شعرك مكفيني
حرفك لشعري سند
ولا حد يكفيني
(يكفيني علي وشي يعني ههههه)

الباشا عادل كتب :


ياقلبى اصحى وفوق

وإشعل ياقلبى الحرايق

كيف واطى يعلا لفوق ؟؟

دنيا وقالبه الحقايق



عنتر عشـــان .. عبلتــُه

عافر وجاب ال .. شقايق

والواطــى .. هو وشِلتـُه

فضحونا وسط ال .. خلايق

محمد البسيونى كتب:

الكبير عادل باشا كتب :




صلوا على المصطفى

زيدوا الصلاه بسلام

عالميّه موسى طفا

واليم كان له سلام




حبيب قلبى عادل باشا

أنا ماجربتش الواو قبل كده ، عشان كنت مشغول

ب ( بوس الواوا بس ) لكن برضه اجرب .. ياهادى :


صلوا على اللى اصطفاه

المولى .. دون الخلق

بادعى اتحِشر وياه

يوم الحساب والحق

يعني حتيجي عليا خليني آجرب أنا كمان

صلاتي لخير البرايا

يارب صلي وسلم

صلوا يا خلق معايا

علي النبي المعلم

محمد البسيونى كتب:

إيه دا ياغالى .. إنت بتذاكر من ورانا

ع الواو وماتقوليش .. أنا لسه جاى من

الشغل .. أغيَّر واجيلك بس احط بصمتى الأول