يا كل ستات مصر تشبه لزوجتنا للزجال محمد سرور

يا رب عالم بحالى والنبى ارزقنى
لجل الوليه مراتى اللى بتخنوقنى
مبهديلانى عشان رزقى بقى قليل
نسيت ليالى الهنا بتقولى طلقنى

وانا اللى عمرى انا مابخلت بالمره
صبحت حياتى معاها علقم سنين مره
وكان معايا الفلوس وهى ناسيانى
مردش اقسى عليها واجيب لها ضره

كان كل شىء تطلبه بالنظره يتحقق
ولا كنت احسب لها واحسابها وادقق
دلوقتى فين يوجعك وانا مالى اتصرف
متقولى ايه لزمتك تزغرلى وتبرق

من بعد ثوره يناير حال البلد بقى صعب
وقف دولاب العمل عايشين حياتنا فى تعب
وان ميلت على ده وده ملقاش معاه ميلم
مش بس حالى انا دا حال بقيت الشعب

واللى يزل الرجال يا صاحبى هى الفلوس
ولو معاه الخلايق تجرى فى ايدك تبوس
والحرمه تبقى ملاك شيلاك فى ننى العين
وان مال عليك الزمن الكل فيك بيدوس

لولا ستر رب العلا ما كنت القى الزاد
صابر على شرها لجل الصغار لولاد
ايه بس ايه ذنبهم يتمرمطوا بينا
ويبضعوا بينى وبنها لو زاد ما بنا عناد

الست عايزه الراجل جيبه يكون مليان
ولما يفضى يا ويله من قلبه النسوان
والادهى ربى رزقنى بنوع فريد جدا
فى الشده ولا الرخا دايما بص لسان

يا كل ستات مصر تشبه لزوجتنا
الرحمه لجل النبى مررتوا عيشتنا
ما كفايه حال البلد هتبقوا انتو كمان
يا رب اقصف رقابهم لا اما موتنا

الزجال
محمد سرور

ايه يا عم محمدالكلام الجامد ده
دنت مخنوق منهم اوى يامحمد
هما اها مفيش مشكلة مبتجيش من وراهم بس بس فيهم الى بيقدر بس مش كتير
دمت جميلا ورائعا يا محمد سع بمرورى الاول على التحفة الجميلة دى
تحياتى
تيمو

ياكل حرمه استوت

ع الشمس قياله

حماده رجله اتلوت

ومعادش رجاله

.... حنعمل ايه من بعدك يامحمد ؟؟؟

ومين اللي حياخد تارنا من ولاد ال .....دول

اخوك المناضل ....

انا خوفى كل الخوف

القاك ف يوم مقتول

دقق ياابنى وشوف

واعدل ولو ف القول

وحا اقول ولو مكسوف

ليه وانت بتقولها

البنطلون مبلول ؟؟؟؟

القافيه حكمت يا صاحبى ..

سامحنى .. منه لله عطيه شواش .

ايه اللى خلانى امشى وراه ؟؟؟؟

تُثبت القصيده

إشفاقاّ لشاعرنا .. وتقديراّ لما حدث له .

هههههههههههههههههههههههه

يا كل ستات مصر تشبه لزوجتنا
الرحمه لجل النبى مررتوا عيشتنا
ما كفايه حال البلد هتبقوا انتو كمان
يا رب اقصف رقابهم لا اما موتنا

قلبى معاك يا صاحبى
هههههه
استاذ محمد سرور تحيه و اعجاب وتقدير تناولت الفكره م زاويه جميله وملموسه ومرحه
بكاميرا الفنان
تحياتى

الله عليك يا استاذ محمد
والله حاجة روعة
وعندى اقتراح
المفروض تماشيا مع موضة الاعتصامات
نلم بعضنا كلنا
ونروح التحرير نعمل وقفه
نطالب فيها بحفظ حقوق الرجال
ههههههه Sad

دمت بخير يا جميل
Very Happy

الحال دا حال الكل
اصبر ياسي محمد
الست زي الفل
لو ميه تتجمد
سخن عليها النار
م العصر للمغرب
ولو عاقلك ماطار
سيبها وروح يثرب
وادعي علي اللي ابتلانا
بنون من النسوه
بالحزن الخافي جانا
وورثنا بيه القسوه
********
الزجال الجميل محمد سرور
حقيقي انت شاعر وزجال كبير
هل قرأت لبيرم التونسي حين قال
غلبت اقول للرجال خلوا المره حره
هههههههههههه
لو مقرتهاش انصحك متقراهاش
ههههههههه
تحياتي لك ايها الجميل

الزجال الجميل/ محمد سرور

ايه الجمال ده بس انا خايف عليك لتتعبى

فى اكياس نيلون والله انا بستمتع وانا بقرأ ليك

نصوصك الرائعة والجميلة دائما تحياتى

وخالص مودتى وتقديرى

والله تستاهل يامهاجم الستات

تصبح تفوق ف الغم وتعيش كمان وتبات

لو كنت بيها رحيم مكنش دا حالك

وكفايه وأسكت بقى لتقطعك منابات

قاسم أمين الله يسمّه ... ويزيد همّه
من يوم ما حررّكم أمّه ... عليه بتدعى وغضبانة

خلّاكو للدنيا خرجتوا ...واتفرجتوا
وجيتوا جنبنا وقعدتوا ... ونسيتوا مطرحكو ورانا

الله عليك شاعرنا الراقى /محمد سرور

بس كل الجمال ده بسبب الستات لو على كده يبقى انا معاها

علشان تتطلع لنا الكتابه والكلمات الجميله دى هههههههه

سلمت يداك اخى وسلم نبض هذا القلم الساخر
وربنا يخليلك ام الولاد هى اكيد الخير والبركة اصبر بقى معلش كلكم لها

احترامى اخى

الشاعر الجميل واخى العزيز

محمد سرور

قصيده روعه يا محمد ودايما

بيعجبنى ف كلماتك انها ترسم الابتسامه

داخل القلوب

رائع ما خطه قلمك

تقبل مرورى وتقديرى

تيمو كتب:: ايه يا عم محمد الكلام الجامد ده
دانت مخنوق منهم اوى يا محمد
هما اها مفيش مشكلة مبتجيش من وراهم بس بس فيهم الى بيقدر بس مش كتير
دمت جميلا ورائعا يا محمد سعيد بمرورى الاول على التحفة الجميلة دى
تحياتى
تيمو

تيمور الاخ والشاعرالجميل
والله يا تيمو مش انا لوحدى اللى مخنوق منهم
لما تتجوز هتعرف
شكرا يا غالى مروك الجميل
تحياتى

الشاعر الزجال : محمد سرور

والله ياشيخ قطعت قلبي

بس الغريب إنك كتبت الكلام ده ومش خايف من

مراتك

لا فعلا زجال وشجاع كمان

م/عطية شواش كتب:: ياكل حرمه استوت

ع الشمس قياله

حماده رجله اتلوت

ومعادش رجاله

.... حنعمل ايه من بعدك يامحمد ؟؟؟

ومين اللي حياخد تارنا من ولاد ال .....دول

اخوك المناضل ....

العصر ده عصرهم
واحنا يا حولا الله
ويا باى من سرمهم
واللى فى طرقهم تاه

شكرا استاذ عطيه
على الموساه
وكلنا لها

عادل عوض سند كتب:: انا خوفى كل الخوف

القاك ف يوم مقتول

دقق ياابنى وشوف

واعدل ولو ف القول

وحا اقول ولو مكسوف

ليه وانت بتقولها

البنطلون مبلول ؟؟؟؟

القافيه حكمت يا صاحبى ..

سامحنى .. منه لله عطيه شواش .

ايه اللى خلانى امشى وراه ؟؟؟؟

البنطلون اتبل
والله ما شفتوا
العقل منها اختل
وجنانها حاربته

ما بقتش فارقه خلاص
انى اموت مقتول
مش لاقى منها خلاص
دا العقل عقل عجول

تحياتى استاذنا الكبير
يا باشا برحتك
خلى القافيه تكتب
زى ما هى عايزه

يا ابن سرور قلتلك .........

احنا نون النسوة

والنسوة فيها اصيل

وفيها ما تسوي

حظك قليل وعليل

ماشي بدون كسوة

دة الصبر آخرة جميل

لجل الولاد ....تسوي

***************

معلش يا عم سرور تعيش وتاخد غيرها

تقبل تحياتي

عادل عوض سند كتب:: تُثبت القصيده

إشفاقاّ لشاعرنا .. وتقديراّ لما حدث له .

هههههههههههههههههههههههه

شكرا استاذنا الكبير
هو دا العشم برده
هههههههه
ربنايخليك لينا

الاستاذ محمد سرور الزجال المبدع
احيك على هذه الزجاليه الرائعه التى فتحت عليك
النار من كل العمالقه فى منتدانا الجميل فأمتعتنا
وأمتعنى كل أحبائى الذين قاموا بالرد عليك ولكن
اخى ليس كل مايكتب ينشر خلى شويه لنفسك
اخوك صلاح الكومى Very Happy

والله ياقدير انت كده هاتخليني اعيد التفكير وانهي خطوبتي حالا ومن غير تفكير
ياعم قلبي اتوجع لعيشتك المره
طيب وليه الغم بالاصلي والضره
ولعم سوي الاتنين ولا اعيشها ولا مره
تحياتي ايها الرائع ودمت بخير

رافت المصرى كتب:: يا كل ستات مصر تشبه لزوجتنا
الرحمه لجل النبى مررتوا عيشتنا
ما كفايه حال البلد هتبقوا انتو كمان
يا رب اقصف رقابهم لا اما موتنا

قلبى معاك يا صاحبى
هههههه
استاذ محمد سرور تحيه و اعجاب وتقدير تناولت الفكره م زاويه جميله وملموسه ومرحه
بكاميرا الفنان
تحياتى

الشاعر الكبير استاذ رافت المصرى
شكرا لمروك واعجابك
لكى وافر تحياتى

الشاعر محمود قطب كتب:: الله عليك يا استاذ محمد
والله حاجة روعة
وعندى اقتراح
المفروض تماشيا مع موضة الاعتصامات
نلم بعضنا كلنا
ونروح التحرير نعمل وقفه
نطالب فيها بحفظ حقوق الرجال
ههههههه
دمت بخير يا جميل

والله يا استاذ محمود
عندك حق يالله نعمل
دعوى على الفيس بوك
هههههههه
تحياتى لمرورك

طاهر الصوفاني كتب:: الحال دا حال الكل
اصبر ياسي محمد
الست زي الفل
لو ميه تتجمد
سخن عليها النار
م العصر للمغرب
ولو عاقلك ماطار
سيبها وروح يثرب
وادعي علي اللي ابتلانا
بنون من النسوه
بالحزن الخافي جانا
وورثنا بيه القسوه
********
الزجال الجميل محمد سرور
حقيقي انت شاعر وزجال كبير
هل قرأت لبيرم التونسي حين قال
غلبت اقول للرجال خلوا المره حره
هههههههههههه
لو مقرتهاش انصحك متقراهاش
ههههههههه
تحياتي لك ايها الجميل

صابر وفاض بيه
من شر دى وليه
طول النهار واليل
ببوزها ملويه

شكرا استاذ طاهر على هذه
المداخله الجميله

وطبعا قرتها
لعمنا بيرم

الشاعر عماد عويس كتب:: الزجال الجميل/ محمد سرور

ايه الجمال ده بس انا خايف عليك لتتعبى

فى اكياس نيلون والله انا بستمتع وانا بقرأ ليك

نصوصك الرائعة والجميلة دائما تحياتى

وخالص مودتى وتقديرى

الجمال هو مروك
على زجلى
وربنا يخليك
يااستاذ عماد
تحياتى

» رد على موضوع : عاتب عليكوا يا ستات للزجال محمد سرور
» يا رب للزجال محمد سرور
» وصيه ام للزجال محمد سرور
» فين الرجاله (للزجال محمد سرور)
» الفكاهه بالزجل (للزجال محمد سرور )