يا كل ستات مصر تشبه لزوجتنا للزجال محمد سرور

الشاعرة عزة الزرقانى كتب:

والله تستاهل يامهاجم الستات

تصبح تفوق ف الغم وتعيش كمان وتبات

لو كنت بيها رحيم مكنش دا حالك

وكفايه وأسكت بقى لتقطعك منابات

والله بيها رحيم ما اقسيت عليها فى يوم
لكن حياتى معها هم وظلام وغيوم
والست لو نكديه وببوزها ملويه
قول على الرجال يارحمن يا رحيم



وال

محمد عبد الواحد كتب:

الشاعر الزجال : محمد سرور

والله ياشيخ قطعت قلبي

بس الغريب إنك كتبت الكلام ده ومش خايف من

مراتك

لا فعلا زجال وشجاع كمان

بيقولوا يا محمد
من خاف سلم
بس معالحريم
من اخاف انضرب على ........
ههههه
تحياتى
يا غالى

والنون نون ا لــــــــــــنسوة
والنون من النســـــــــــمة
لف ودور يا ســـــــــــرور
من غيرنا الحياة ما تسوي
هههههههههههههههههههههههههه
ســـــــــــــــــــــــــــــــــلام

الست عايزه الراجل جيبه يكون مليان
ولما يفضى يا ويله من قلبه النسوان
والادهى ربى رزقنى بنوع فريد جدا
فى الشده ولا الرخا دايما بص لسان

يا كل ستات مصر تشبه لزوجتنا
الرحمه لجل النبى مررتوا عيشتنا
ما كفايه حال البلد هتبقوا انتو كمان
يا رب اقصف رقابهم لا اما موتنا

....................
الزجال المبدع
محمد سرور
أولاً: زجل طريف أبدعت فى طرح فكرتك
ثانياً : مش شايف إنك بتتجنى على الغلبانة دى؟
إحنا طبعاً مانعرفش هى فى المقابل متحملة إيه؟ وذنب 25 يناير إيه؟
إنما كل اللى أقدر أقوله إن الست المصرية مظلومة بجد مع الراجل المصرى ، الست المصرية نسمة ، بلسم ، حمالة أسية وكمان قلبها قلب خساية بتنسى إنتقادات الزوج اللاذعة وتتحمل وتصبر على المر وتربى الجيل اللى مايعلم بيه إلا ربنا وكل اللى بتقدر عليه شويةتذمر على أوضاع المجتمع كله بيشتكى منها.
وفى النهاية أتحداك لو قدرت تعيش من غير نكد زوجتك ليوم واحد ، هى الحياة يكون لها طعم من غير ماننكد على بعض؟
صباحك لا بل كل أيامك سعادة مع النكدية اللى بتعرف تطلع منك الإبداعات دى
دمت بخير

سلوى سيد عبدالعزيز كتب:

والنون نون ا لــــــــــــنسوة
والنون من النســـــــــــمة
لف ودور يا ســـــــــــرور
من غيرنا الحياة ما تسوي
هههههههههههههههههههههههههه
ســـــــــــــــــــــــــــــــــلام

من غيركوا تبقى حياه
النسمه فيها تفوح
بوجدكم قلبنا تاه
وعاش وحيد مجروح

الشاعرة عزة الزرقانى كتب:

م/عطية شواش كتب:

ياكل حرمه استوت

ع الشمس قياله

حماده رجله اتلوت

ومعادش رجاله

.... حنعمل ايه من بعدك يامحمد ؟؟؟

ومين اللي حياخد تارنا من ولاد ال .....دول

اخوك المناضل ....

أوعك تقول عليها غير قمر وناس

واحلف بنور عينيها لتشربك م الكاس

دى هى بحر المحبه ولاتلقيش غيرها

وخاف منها قوى لتقطعك ف كياس

اقصدك تقولى عليها ضلمه فى عيون الناس
دا وجدكوا شقلب حياتنا وكلنا بنحتاس
ومتقلقيش على انا موت كام مره
وصحيت عشان كان فيه ازمه فى الاكياس

تحياتى استاذتنا الكبيره

يا بن سرور حقولك تاني.........
يا بن سرور يالي انت محامي
لية هزيت صورتك قدامي
قالوا عليك للمظلوم حامي
رد مظالم دافع حامي
اهدي شوية بلاش معادية
دي الستات كلها حنية
هي النسمة هي المية
يا ين سرور م بلاها غرور
دي العيشة من غيرها تغور
ايام سودة ودم يفور
وصي عليها رسولنا كتير
وقالك رفقا بالقوارير
وانت محامي بعقل كبير
اعقل واهدي يا بن سرور
سُُُُُُُُُُُُُُُُُُُُُُُُُُُُُُُُُُُُُُلم رايتك
بلاها مكابرة بلاها غرور

*******************************

رد يا عم الامور

عايشه معاه والنبى
صابره على دى الحال
بيعنى طقم الحلل
واسوره وخلخال

طول النهار فى البيت
يشرب فى قهوه وشاى
واى حد ينادى
يجرى يقول انا جاى

ويسيبنى ملطوعه
م الفسحه ممنوعه
ولما اغضب يقول
لدغه وملسوعه

لازم اسيب البيت
من عشرته جضيت
ولا عمرى مره شكيت
ولا قولت موجوعه

رجالة ايه ياخوانا
من ليلة الحنه
سبنى لحيطان البيت
وبات فى بيت نينا

لقيته فى الندوه
قايل للناس ظالماه
دعيت ومن جوه
منه يا ناس لله

وتستاهل يامحمد ياسرور حد يشتكى الاداره العليا


ملحوظه كل حروف الر تقلب لام[b]

yousry_osman كتب:

رجالة ايه ياهو
غاويين مرازيه
لا فلوس معاه فى الجيب
ولا اكل فى النمليه
قاعد لى قال فى البيت
غاوى ملاغيه
طب قوللى فين النفس
ما تشدش الجلابيه


وتستاهل يامحمد يا سرور