إعدام الأقصى

كان مرة ناس تاهوا ف صحرا
مشيوا و لفوا و تعبوا كتير
اولها كان زى آخرها
شمس و جبال و الرمل حرير
شافوا سراب ... مية بتضوى
قالوا التقينا أخيرا بير
راحوا بعيون كلها لهفة
ساعيين ورا الأمل الأخير
و يقربوا و يبعد اكتر
و الحلم طار زى العصافير
و لا لقيوا جدول فيه مية
و لا حتى نقطة ف قعر الزير
عرفوا انهم تاهوا ف صحرا
و مهما مشيوا و لفوا كتير
أولها يشبه لآخرها
و الموت حيبقى شر مصير

*******

واحد هتف فجأة و كبر
و بأعلى صوت الله اكبر
جامع ظهر و عليه قبة
بتزينه بلونها الأخضر
بعد التعب احنا وصلنا
بتراب بساطه حنتعطر
وحنرتوى و حنتوضا
من ذل عارنا و نتطهر

*****

التانى قال شايف نجمة
فوقه بتعلا و بتكبر
خايف لا تحجب عنه الشمس
نبكى ساعتها و نتحسر
الأقصى بينادى علينا
فينكم و فين دور الأزهر ؟!

******
قالوا لا أقصى و لا أزهر
و لا صوت مآذن بتكبر
يابنى احنا ناس تاهوا ف صحرا
مشيوا و لفوا و تعبوا كتير
أولها يشبه لآخرها
و الوضع بالنسبة لنا خطير

******

قالوا نسيبنا من الأوهام
و من سرابنا نتحرر
دلوقت موش حيفيدنا كلام
و لا عندنا وقت نفكر
نفوق و نصحى من الأحلام
و بسرعة نبدأ و نقرر
راحوا الجميع فى طريق واحد
و بدأ خضار و عمار يظهر
دخلوا المدينة لقوا الأقصى
واقع فى بيره و متكسر
قالوا الكلام دة ما كانش سراب
و النجمة واضحة فى المنظر
حنعيش فى ذل و عار و هوان
عشان و صلنا متأخر

******

و اتمنوا لو ماتوا ف صحرا
بعد اما لفوا و تعبوا كتير
و لا شافوا إعدام الأقصى
لما انعدم إحساس و ضمير

أستاذة حنان
رغم انى موش شاعر بس بقول بصدق قصيدتك جميلة
لأنها وصلتنى

استاذى العزيز عادل سند
كم اسعدنى اعجابكم بالقصيدة
و كل ما اتمناه ان اكون قد اخطأت التوقع
حتى يتبقى لنا و لو القدر القليل من الكرامة العربية

و اعلم حضرتك ان المشاركة نزلت مرتين لخلل عندى فى النت
و ارجو حذف احداهما

الاخت العزيزة و الشاعرة الكبيرة الاستاذة عزة الزرقانى
اشكرك على ردك الجميل و اضافتك
و شرفنى تواجدى معكم فى اتحاد الكتاب
و ارجو حذف احدى المشاركات لان القصيدة نزلت مرتين
بسبب خلل فى النت عندى
مع الشكر

الاستاذ مصطفى عبد العزيز
شرفنى مرورك على الموضوع
كما اسعدنى رايكم
و ارى ان تذوق الشعر و الفن اهم من ممارسته
شكرا جزيلا

طبعا يا استاذنا
اكيد العيب موش عندك و حضرتك عداك العيب
شكرا على الحذف

الاخ العزيز الاستاذ جمال الدليل
اشكرك على رقة الرد
و شرفت الموضوع بمرورك

الشاعرة المتألقة اميرة البدرى
يسعدنى حسن متابعتك كما يسعدنى اعجابك بالقصيدة
كما ارفع يدى معك بالدعاء من اجل الاقصى
ومن اجل كل انتهاك للانسانية فى كل مكان فى العالم

الأخ العزيز الشاعر محمد مديح
اشكرك على الرد و اعجابك بالقصيدة
وشرفنى لقاؤك فى ندوة اتحاد الكتاب

الاخ الشاعر الأستاذ احمد علام
شرفنى مرورك و اعجابك بالمعالجة
و لكن اختلف معك فى ان الموضوع مبتذل
لان البديل عن الكلام فى هذا الموضوع هو الصمت
و الساكت عن الحق شيطان اخرس
و لو كنا نملك شيئا اكثر من ذلك لفعلناه

بشوف التوهه والأحزان بتألمنى

رجولتى كتير

مدام تابع.. مدام عاجز

عن التفكير

اشكرك استاذة حنان

استاذة حنان اخيرا انا وانتي هنا
اهلابكي يامرحبة
القصيدةرائعة ومعبرة
وفيها روح التحدي
كما انها لون مميز
لون الحكي واللون دة نادر
واللي كانت تتميز بة شهرازاد
الحكمة والمشاهد السنمائية المعبرة
والعقدة والحل
والذنب والاستغفار
والياس والامل
اقدر اقولك انك صوت نسائي قوي واتي ان شاء الله
دومتي بكل خير وسعادة
تحياتي

الاخ العزيز احمد علام
افهم ما قصدته تماما و اعلم انك لم تقصد التجريح
و لكن كل ما اردته ان ادعو الجميع ان يتكلم و يكتب و يرفض
مهما زاد الكلام فى هذا الموضوع فانه لا يجب ان نصمت
وهذا اضعف الايمان
و حتى لو كانت لك وجهة نظر تخالفنى فلا مجال للزعل
بل اتقبل رأى الجميع و أسعد به
مع خالص الشكر

الاستاذ الشاعر د/ صلاح طاهر
اشكرك على الرد و على الاضافة الجميلة
فعلا الشعور بالعجز شعور مؤلم

حبيبتى الجميلة الاستاذة منوش
بجد موش لاقية كلام اعبر بيه عن شكرى و سعادتى برأيك فى القصيدة
لان كلامك يعجز اللسان عن التعبير
و لا يسعنى الا ان اتمنى لك كل الخير

حنان ابراهيم حافظ كتب:

******
قالوا لا أقصى و لا أزهر
و لا صوت مآذن بتكبر
يابنى احنا ناس تاهوا ف صحرا
مشيوا و لفوا و تعبوا كتير
أولها يشبه لآخرها
و الوضع بالنسبة لنا خطير

******

قالوا نسيبنا من الأوهام
و من سرابنا نتحرر
دلوقت موش حيفيدنا كلام
و لا عندنا وقت نفكر
نفوق و نصحى من الأحلام
و بسرعة نبدأ و نقرر
راحوا الجميع فى طريق واحد
و بدأ خضار و عمار يظهر
دخلوا المدينة لقوا الأقصى
واقع فى بيره و متكسر
قالوا الكلام دة ما كانش سراب
و النجمة واضحة فى المنظر
حنعيش فى ذل و عار و هوان
عشان و صلنا متأخر

******

و اتمنوا لو ماتوا ف صحرا
بعد اما لفوا و تعبوا كتير
و لا شافوا إعدام الأقصى
لما انعدم إحساس و ضمير

الشاعرة الكبيرة حنان إبراهيم حافظ
نحن في أمس الحاجة لمثل تلك القصائد التي تحيي فينا الإحساس من جديد
قصيدة على قدر ما فيها من واقع أليم إلا أنها بفضل إحساسك النابض في سطورها تحيي فينا العزم والأمل
ألا إن نصر الله قريب
طبت ودمت لنا بكل خير