افتح قلبك و تذكر معانا

هههههههههههههههههه كويس يا محمد إنك قولتلي عشان معزمكش في فرحي , بالحق !! إنت منظمات حقوق الإنسان عندها علم بصوتك ده هههههههههههههههه

هههههههههههههههههه كويس يا محمد إنك قولتلي عشان معزمكش في فرحي , بالحق !! إنت منظمات حقوق الإنسان عندها علم بصوتك ده هههههههههههههههه

هههههههههههههههههه كويس يا محمد إنك قولتلي عشان معزمكش في فرحي , بالحق !! إنت منظمات حقوق الإنسان عندها علم بصوتك ده هههههههههههههههه

هههههههههههههههههه كويس يا محمد إنك قولتلي عشان معزمكش في فرحي , بالحق !! إنت منظمات حقوق الإنسان عندها علم بصوتك ده هههههههههههههههه

اخى الجميل شريف العجوز ايه ياعم انت عايز تفضحنى ولا ايه
انا هحكيلك يا شريف هو طبعا كذا موقف حصل معايا هحكيلك واحد او اتنين
فى مرة كنت ماشى على البحر بتكلم فى الموبايل وكنت بتكلم فترة طويلة اوى كنت بكلم كنت بكلم واحدة تقدر تقول الى انت فاهمة واحدة كنت اعرفهاالمهم قعدت اتكلم واتكلم كانتليفونn70
المهم وجه اتنين ولا حلال راكبيين متوسيكل وخطفو منى التليفون كنت لسة جايب مبقالوش شهرين
طبعا ياشريف كنت بحوش كل قرش اخدة من شغلى عشان كان نفسى اجيب تليفون
وطبعا عايز اقولك مش عارف اوصفلك احساسسى ساعتها
عارف انا لو اشوف الى اخد منى التليفون معرفش هعمل فيه ايه بس فى الاول والاخر
الحمد لله انها جت على قد كده ياعالم كان هيحصلى ايه

تانى موقف بقى ياشريف كنت مرة فى العيد ولابس هدوم العيد كنت فى تنية اعدادى وكان فى اسكندرية وقتها بيجيبو زى مركب كده وتلف بيك لفة فى البحر وكنت ساعتها عامل الواد الى مفيش منو
وجيت بقف على حرف المركب بعمل شغل قدام البنات وكده وقمت واقع ياعم شريف فى المية
بس الحمد لله اخوك فى العوم واثق من نفسة جدا ولما وقعت مطلعتش المركب تانى طلعت بره هوم لانى طبعا مكنش ليا وش اورى نفسى للى فى المركب وقعدو يضحكو عليا ضحك مقولكش

تالت موقف بقى الاخير والى انت اول مرة تعرفة هو حبى القديم والله ياشريف زى ما بقلك كده
كنت بحب واحد ة قعدنا يجى 5 سنين مع بعض
المهم رحت عشان اخطبها وكده المهم اهلها رفضو عارف ليه طلعت مخطوبة بقلها 3 سنين لانى كنت رايح اتقدم وكنت عاملها مفجاه ده موقف عمرى ما هنساه فى حياتى طبعا مش هقدر اوصفلك الى كنت حاسس بيه ساعتها
بس عارف انا عمرى ما كرهتها وكل كلمة كتبها فى منتدى عاطف الجندى كانى بقلها ليها
لانى لسة محافظ على حبها جوايا
وبعدها ياعم شريف قررت محبش تانى دلوقتى
طبعا الكلام ده لسة من شهرين تقريبا او اقل
معلش طولت عليك
بس كنت عايز افضفض شوية مع اسرتى الجميلة
ابنكم احمد تيمو

أخي و صديقي الشاعر الغنائي أحمد , عشان كده كلامك طالع بإحساس صادق ف قصايدك بس أنا بستغرب حبتها ده كله من غير ما هي تعرف دانت قاسي ع نفسك أوي طب حتي كنت لمحتلها عشان متقعش ف الموقف ده .
نصيحة متقفش ع حافة المركب تاني يا فلتينو ههههههههه .
أنا ف إنتظار فضفضتك ديما يا تيمو

يا اخى الجميل انا مكنتش بحبها على نفسى تصور نفسك مكانى بقلك بنحب بعض 5 سنين وهى بتحبنى لما انا عملتها مفجاة ورحت اخطبها اهلها قالولى انت غلطان فى العنوان وقالولى انها مخطوبة بقلها 3 سنين
وانا بس محافظ على حبى ليها جوايا بس طبعالو فى يوم من الايام تقولى ارجعلك مش ممكن طبعا
مينفعش ومش هقلك ليه اكيد انت عارف
دمت بكل خير اخى العزيز الغالى انا بس حبيت اوضحلك الحكاية وغير كده يا شريف هحب على نفسى 5 سنين ليه يعنى مش للدرجادى
دمت بكل حب وخير اخى الجميل \ شريف العجوز
اخوك احمد سعد
تيمو

انت بس أما تنوي قولي أنا أجبلك عروسة " كان ف عرض ف المول زوجة صينية بقطع غيار و بريموت و ضمان سنة ب 550 جنيه و خلاط هدية " ههههههههههههههه الحب الحقيقي نادر الوجود يا صاحبي و مظنش نلاقاه أوعي تتسرع باللي ف قلبك ناحية إنسان إتشديتله أنا أعرف واحد كان كل ما يتشد لوحدة يقولها و يتصدم فيها ف النهاية

لى أستاذة فاضلة كانت تدرس لى في سنة أولى في الكلية ، وكنت قد تواعدت معها على حضور مناقشة رسالة ماجستير في كلية البنات ، وأصلا مكنتش أعرف فين الكلية دى لان انا في جامعة القاهرة ، المهم تعبت اوى على ماوصلت للكلية في مصر الجديدة ، وحضرت المناقشة عادى وبعد مناقشة الماجستير رحت أسلم على الدكتورة بعد ماخرجت من القاعة ، وكانت ماشية في طرقة طويلة ، قلت أمشى معاهاا انا طبعا غريبة على الكلية معرفش ايه اللى فيها ، المهم فضلت أتكلم معاها وبعدين لقيتها دخلت أوضة قلت أدخل وراها لقيتها قفلت الباب في وشى مرة واحدة فإنزعجت وبعدين ببص على الباب بعد ما أتقفل لقيت مكتوب عليه W .C للسيدات . وعمرى ماهنسى اليوم دا كان يوم أربعاء . 27/12 /2009

اولا موضوع جميل جدا أستاذ شريف
شكرا على المساحة دي
بس مش عارفة نظام الفضفضة دا ايه ولحد فين يعنى على قد الموقع بس وتوب سكرت ولا امة لا اله الا الله هههههههههه

افتكر ... زمان اوى كنت ماعرفش يعني ايه ملحق .. يعني اللي شايل ماده
كنت خارجه من المدرسة ومعايا شهادتى وكل اللى اقابله يقول جايب ملحق .. قلقت اوى وسألتهم يعني ايه ..قالو انك تكونى ناقصه درجات على النجاح
وبما انى كنت متعوده على النهايه بدرجاتي ففكرت درجة النجاح دي هى النهايه ..
بتوتر فتحت الشهادة وانا بغمض عين وافتح عين وخايفه ملحق يقع فوق دماغي
وعينك ماتشوف الا النور ..عينى لمحت درجة العلوم كانت 18 من 20 وهى الوحيده قولت يبقى ملحق علوم وجريت على البيت وحطيت الشهادة على المكتب واستخبيت من بابا وبالنهاية بابا صدق انى جايبه ملحق واتعاقبت وبعد العقاب اكتشف انو مافيش ملحق .. فقالى تستاهلى عشان تمشى مع الخايبين...



رمضان كريم

أعذريني أستاذة أسماء أصلى قرأت موضوعك ومش قادرة معلقش عليه .


ههههههههههههههههههههههههههههههههههههههههههههههههههههههههههههه

بس كدة هو دا تعليقى ، لأنى ضحكت اوى فعلا لما قرأته .

أنا ازاي فتني موضوع تحفة زي ده , أنا أتذكر وأنا في أولي جامعة كنت خارجة من الباب الرئيسي لجامعة القاهرة وفجأة لاقيت بنت من اللي بيشحتوا هناك راحت واخداني بالحضن و قالتلي والنبي يا أبلة عاوزه جنيه اكل بيه روحت صوت فالبنت جريت الناس كلها اتلمت و كنت بعيط عياط هستري